Jer. 41:10 - BUKO SIPUNENAN

¹⁰ Lepa ambitnangan si Ismael sangamberi taikauma sipulelegei sibailiu luplupmakenen ka Mizpa nenda, tatogat rimata tainanalep samba sangamberi sirimanua sipulelegi ka Mizpa sikau Nebuzaradan, utet saladdu sipujajago nenda, ka pasikaelat Gedalya togat Ahikam. Ambitnangan sia si Ismael togat Netanya sibailiu luplupmake, lepa einia mutalipo' ka kupkumen muntogat Amon.

Jer. 41:10 Iomraidhean Croise

Neh. 2:10

Tapoi ka teteret Sanbalat, tai Bat-Horon, samba si Tobia, sara siabeu tiboi tubu sibara ka Amon, masiarep kaooiku addeat masiropmake tai Israel, ibailiu le sibaraake asat bagadra.

Neh. 2:19

Siisiakenenmai nenda aiagaian si Sanbalat, Tobia samba Gesyem, tai Arab, puga'garangan samba gegeirangan kai. Kuarangan, “Aponia nugagalai kam” Nuoba le kam paagra ka tubut rimata?”

Jer. 22:30

Kesene le' ngangan Tuhan: “Suratnake sirimanua nene sibailiu sirimanua sita'toga, sibailiu simanteu sitaimaungtuk tubu kabagat puririmanuania; aipoi beri sara kamuntogatnia simaungtuk tubu mukuddu ka kudduat purimataat David samba muparenta minca ka Jehuda.”

Jer. 38:23

Sangamberitda tainanalepmui samba tatogamui tugirit geti ka uja kamatda tai Kasdim nenda. Samba ekeu geti ta'bebela kakabeira, tapoi ilalaba le' ekeu rimata Babel. Samba laggai nene tulabo' pasamba obengan.”

Jer. 39:6

Rimata Babel masikoiniake tuja'ja' tatogat Zedekia kamatania ka Ribla; samba sangamberi siabeu tiboitubu ka Jehuda ija'ja' le' rimata Babel.

Jer. 40:14

samba kuarangan katubunia: “Nuagai leu, si Baalis rimata muntogat Amon, aikoiniakean si Ismael togat Netanya masimateiake ekeu?” Tapoi si Gedalya togat Ahikam ta'matonem bagania katubutda.

Jer. 40:7

Kateteret sanagmberi utet saladdu, sikukuddu peile ka laggai bagei pasamba sangamberi sirimanuania, masiarep, rimata Babel arioakean si Gedalya togat Ahikam togat Safan ka laggai nenda samba katubunia atukauan sipasikeli taimanteu, tainanalep samba tatoga, iate sibara ka sirimanua sitaioitubu ka laggai nenda, sitaituaambit ka kudduat katuribbaiat ka Babel,