Jer. 4:7 - BUKO SIPUNENAN

⁷ Atusurungan singa sibara ka bakkat se'se', sipakatai sangamberi bangsa amutuituian, abelangan sia ka kudduatda addeat masibailiuake imagarak laggaimui; sangamberi laggaimui tubailiuake le' geti siragatat, taanai sikudduijinia.

Jer. 4:7 Iomraidhean Croise

2Rim. 24:1

Kateteret puparentaat Rimata Joyakim, sagganginangan samba kalaakenangan Jehuda si Nebukadnezar rimata Babilonia. Telu ngarura burunia si Joyakim aikupkupakenia si Nebukadnezar, lepa geti sagganginangan si Nebukadnezar.

2Rim. 25:1

Iageti ka rura sikasiba puparentaat Zedekia, ka laggo pulu, gogoi sikapulu ka laggo nenda, oi si Nebukadnezar, rimata Babel sambatda sangamberi saladdunia masisaggangi Jerusalem. Galairangan kemanda ka ujat laggai samba galairangan kekre simabuak pasialougat ka sangaliot laggai nenda.

Jes. 1:7

Laggaimui bailiu matangeu, sangamberi laggaimui sappru imalabo; ka matamui sangamberi sirimanua siooiake masikom bua sibara ka polakmui. Bulat matangeu laggai nenda kele siluggaakenenda sirimanua siooiake.

Jes. 5:9

Maarepnangan ka piuku tiboiet Tuhan Sebaot: “Bulatnia te, maigi te lalep ibailiu simatangeu; sangamberi lalep sabeu samba simalainge ta babara geti sikudduijinia.

Jes. 6:11

Lepa parerekungan, “Piga ngagogoi teterenia ipuaili kele nene Tuhan?” Lepa aleginangannia si Tuhan: “Teret imakatai laggai nene samba ta ibara sikudduijinia, samba ta ibara sirimanua ka sangamberi lalep samba polak ibailiu matangeu.

Jer. 2:15

Murou le' sangamberi singa sibau tubu ka tubunia, nau ngangania iabeuake le'; ragalai le' sirimanua laggainia ibailiu magarak, sangamberi laggainia sabeu malabo', ta'ananai sikudduijinia.

Jer. 22:6

Aipoi kasene le' ngangan Tuhan pagalaiat siakauman rimata Jehuda: Ekeu kele Gilead le' kaku, kele tu'tut leleu Libanon! Tapoi bulatnia le' Kugalai le ekeu ibailiu su'su simatangeu, ibailiu laggai sitaikukudduijiet sirimanua.

Jer. 22:7

Kuteuake le' sipakatai ekeu, senenda pasamba pamateira; ratadde te geti loinat sileu sipilim samba ribbaiakerangannia le' ka obengan.

Jer. 25:38

Kele singa Ikaddiuake bakkat se'se pulippunanNia, aipoi laggaira aibailiaun simagarak, kalulut kopet geget lanjau, kalulut goluNia sipujujulu.”

Jer. 25:9

bulatnia te', Kusogai le' geti sangamberi muntogat sibara ka Bare – kise te' ngangan Tuhan – masikoiniake masisogai si Nebukadnezar, rimta Babel, paguguletKu nenda; Kusosogai le' sia masisaggangi laggai nene, masisaggangi sikudduijinia samba masisaggangi sangamberi bangsa kabebenia nene, Kususubuaake le' geti samba Kugalai ibailiu kalotoakenen, ibailiu paloloiet samba ibailiu simagarak teret buruburu.

Jer. 26:9

Angoi nupupatonekat ka onin Tuhan pasamba masikua: Uma nene makere le' geti kele Silo, samba laggai nene ibailiu le' geti siragatat, pat taibaranangan minca sikudduijinia?” Samba sangamberi taikauma paruru masipurut si Jeremia ka uman Tuhan.

Jer. 27:8

Tapoi bangsa samba purimataat sitaioba makala katubut Nebukadnezar, rimata Babel, samba sitaioba masikau tetekatnia masibairat bairanen rimata Babel, iageti bangsa nenda Kuukun geti pasamba lanjau, pulajeat samba besi pamamatei, kise' te' nganang Tuhan, teret Kusegeake sia kakabeinia.

Jer. 33:10

Kasene le' ngangan Tuhan: Ka kudduat nene, sikuamui aibailiuan siragatat ta'anai sirimanua samba ta'anai tarimeu, ka sangamberi laggai Jehuda samba ka sangamberi enunggan ka Jerusalem simasaingere' nenda ta'anai sirimanua, ta'anai sikudduijinia samba ta'anai tarime,

Jer. 34:22

Bulatnia, kise' te' ngangan Tuhan, Kukau le' parenta samba Kuambit le' sia minca ka laggai nene addeat masisagganginia, masialau samba masilabonia pasamba obengan. Kugagalai le' sangamberi laggai Jehuda ibailiunia simagarak sita'anai sikudduijinia.”

Jer. 4:29

Kalulut lamaura saladru sipukukuro samba sipupapana sangamberi laggai tuitui. Tuguru le' sia bakkat loina samba sakai ka leleu simabukku; senen laggai arakaddiuakean samba beringan sara sia sikukuddu ka bagania.

Jer. 44:2

Kise le' ngangan Tuhan Sebaot, Taikamanuan Israel: Anuorikngan kam sangamberi paoreat sibaraakenenKu ka Jerusalem samba ka sangamberi laggai Jehuda; bulatnia, sangamberinia nenda aibailiuan siragatat samba beri sara sia sikukuddu sedda.

Jer. 46:18

Aku Taikamanua sipuririmanua, Aku rimata, Tuhan Sebaot. Ioi geti kele leleu Tabor sipaaili ka sangamberi leleu bagei, kele leleu Karmel siaili ka koat.

Jer. 49:19

Kele ituloddoi singa barania ka leleu ka bebet Onina Jordan samba masibelaiji su'su kuddut biribiri ipasikom parou, kisedda geti Kuoi samba Kukau ratuitui tai Edom ka laggaira sinulut. Lepa sausaukungan sara siuteake masiparenta bangsa nenda. Kasei pa' momoi tupakere pasamba Aku? Kasei pa' maeme maspagoluake Aku? Ai leu pa' saute moi masisaggangi Aku?

Jer. 5:6

Lulut nenda singa sibara ka leleu pabobokinangan sia matei, samba jojot leleu sibara kasimatangeu pakatainangan sia. Macan simagurik itaiko le' bebet laggaira, senen sirimanua sibebela itarakup le sia. Aipoi pasisasabaura bulat maigingan, samba kapepeatnia bulat mabeu.

Jer. 50:17

Tai Israel iate kele mungkuat biribiri sisabuakenen, samba sialau singa. Siboiki rimata Asyur masisaggangi sia, lepa si nebuladnezar, rimata Babel lutcu sangamberi tolatra.

Jer. 50:44

Kele singa ibela barania kabakkat sese ka bebet bagat oinan Jordan samba ailiakenangan susu pukoman biribiri parou, kise te Aku, Tuhan, kuoi geti samba galaikungan ratuitui sinulut tai Babel kalaggaira. Lepa Kupili le geti sara ute masiuteake siberi kanaga neneda. Kasei moi tupakereake kele Aku? Kasei maeme masipaukleake Aku? Ai pa' ute sioi masisaggangi Aku?

Jer. 8:16

“Nau ngangan kurora tai saggak maarep barania Dan; kalulut katcit kurora simanteu, loto' le' sangamberi laggai. Raoi samba masipakomi laggai pasamba ka bagania, laggai samba sikudduijinia.

Jer. 9:11

Jerusalem Kubailiuake le geti siragarat kudduat pulippunan jojot leleu; Kugalai le' geti sangamberi laggai Jehuda ibailiu matangeu, ta'an anai sikudduijinia.”

Jehz. 12:20

Sangamberi laggai kudduijietda peile sirimanua ibailiu le geti karagatat samba polak nenda bailiu le geti simatangeu; samba agaimuian getinia Aku te Tuhan.”

Jehz. 21:31

Kupiliake le geti ngoingoi bagaKu katubum samba masikitcitake obengan goluKu katubum samba masisaragaiake ekeu ka kabeira sirimanua sitaiagai patuat, sibaraake katusubuat.

Jehz. 32:2

“Ale togat sirimanua, tiboake sara sougeri pagalaiat si Parao, rimata Misir samba kua katubunia: Nukereake le tubum ka singa sibau tubu katalagatda tai bangsa. Tapoi ekeu kele sikoinan ka koat; sangamberi bagat oinannu nugalai le imabubut, nulimoake le oinannia pasamba rere samba muantat kabagat lotit bagat oinannia.

Dan. 5:19

Kalulut puaabeu sikau Taikamanua katubunia nenda, malotorangan katubunia sangamberi sirimanua ka sangamberi laggai, suku samba nganga; mateiakenangan kasei siobat bagania samba obaakenangan rapurimanua kasei siobat bagania, buakngakenangan kasei siobat bagania samba epeakenangan kasei siobat bagania.

Dan. 7:4

Siboiki putubuatnia kele singa, ai kappo kele manyang. Kateteret aikukikinere, sinulut tutoktoknangan kapponia. Lepa geti tuakkatnangan barania ka polak samba turioake ka rerenia kele sirimanua, lepa kau katubunia patuat sirimanua.

3Mos. 26:31

Kupabubukkat le sangamberi laggaimui bailiu siragatat, kudduat panindogatmui Kupakakai le samba sangaberi buluakenenmui ta Kusisilo.

3Mos. 26:33

Kubabarake le geti pasaggangan ka kupkumen laggaimui samba masipasaragai kam ka kupkumen laggai sirimanua. Sangamberi monemui malilimai le geti, samba sangamberi laggaimui tuobaake le ibailiu siragatat.