Jer. 4:6 - BUKO SIPUNENAN

⁶ Akkatnake toggaiat ka ipo Sion! Olaake mujaujau, bui nupumengmeng kam! Aipoi Kubarake le' paoret sibara ka bare' samba kakakatai sabeu.

Jer. 4:6 Iomraidhean Croise

Jes. 62:10

Puenung, puenung ka matatbaliu gugurukat, tarekake enungan paamian, nga'ngaake, nga'ngaake enungan sabeu, ribbaiake sangamberi bukku, rioake sangamberi toggaiat ka sangamberi bangsa!

Jer. 10:22

Maarep le' sara katuareman, ngangania: Babara te' geti pulamaugat sabeu sibara ka polak ka isit ka bare', addeat masibailiuake sangamberi laggai Jehuda ibailiu matangeu, ibailiu le' kudduat pulippunan sangamberi jo'jot leleu.

Jer. 18:11

Kalulut nenda, kua le katubudra tai Jahuda samba katubut sipulalaggai ka Jerusalem: Kasene le ngangan Tuhan: Bulatnia te', Aku nene aikupatatarek pugejaatbaga katubumui samba masiisiake pinaatu katubumui. Kauan senemui masibauake puparaboananmui sikatai, samba paerukam pubaraboananmui samba galaitubumui!

Jer. 21:7

Lepa nenda, kise le' ngangan Tuhan, iageti si Zedekia, rimata Jehuda, samba sapaguguletnia samba taikauma ka laggai nene, legei sipuririmanua ka besi' sipamamatei, sibara ka lanjau samba ka pulajeat, Kusesegeake le' geti ka kabei Nebukadnezar, rimata Babel, iate ka kabei saggakda sibesiake masimateiake sia; rabo'bo' le sia sirimanua matei pasamba son lanjau ka tatat nuntutbaga, tatat katetbaga samba tatat katuaappe'.

Jer. 22:7

Kuteuake le' sipakatai ekeu, senenda pasamba pamateira; ratadde te geti loinat sileu sipilim samba ribbaiakerangannia le' ka obengan.

Jer. 25:9

bulatnia te', Kusogai le' geti sangamberi muntogat sibara ka Bare – kise te' ngangan Tuhan – masikoiniake masisogai si Nebukadnezar, rimta Babel, paguguletKu nenda; Kusosogai le' sia masisaggangi laggai nene, masisaggangi sikudduijinia samba masisaggangi sangamberi bangsa kabebenia nene, Kususubuaake le' geti samba Kugalai ibailiu kalotoakenen, ibailiu paloloiet samba ibailiu simagarak teret buruburu.

Jer. 4:21

Piga moian le' ujunia kuiitco sangamberi toggaiat nenda, samba masiarep ipunau pipiau nenda?

Jer. 50:2

“Kau kam toggaiat samba segeake kam ka siberikabaga, Babel abelean! Bui nupakele kam pagaiat nenda! Meradokh sabulungannia atupakai, samba sangamberi tularat sipaelet gatca saragai, samba tularat sabulungannia bulat tupaloloi le.

Jer. 50:22

Nau gong pasaggangan ka laggai, samba puailinangan kakakatai sabeu.

Jer. 51:12

Kau toggaiat addeat masisaggangi sangamberi irip laggai Babel. Paron kam pasijajago. Pakudduake kam sipujajago. Patarek kam kekre! Aipoi si Tuhan aipaatungan samba aigalaiakean leu et aponia sipinaatuNia ka sipulalaggai ka Babel.

Jer. 51:27

Rioake kam toggaiat ka polak, ulup kam pipiau katalagat sangamberi bangsa, patarek kam sangamberi bangsa pasaggak masisaggangi Babel. Koiniake kam sangamberi purimataat Ararat, Mini, samba Askenan masisaggangi. Rioake sara utet saladdu masisagganginia. Patoila kam kuro kele igit mungkuat sit!

Jer. 51:54

Kuanangan si Tuhan, “Arepmake kam! Sou geri sibara ka Babel samba kakakatai sabeu sipuaaili ka lagga nenda.

Jer. 6:1

Tuitui le' mujaujau, ale tai Benjamin, sibara katalagat Jerusalem! Ulup le' pipiau ka Tekoa, samba sakaiake le' kujuk sibailiu toggaiat ka Bet-Kerem! Aipoi pugejaat baga amasitaikongan barania ka bare', iate sara katukataikat sabeu.

Jer. 6:22

Kasene le' ngangan Tuhan: “Bulatnia te' sara bangsa momoi sibara ka laggai isit ka bare', sara suku bangsa sabeu masigaja' tubu mei baratda ka tutut polak.

Jehz. 9:1

Lepa geti arepkungan ipusoga sabeu nganga si Tuhan: “Konan sene, ale, sienungake pasiukuman ka laggai nene! Senesenenda sibara pasisubu kakabeira!”

Jehz. 9:2

Itco, enem sia taimanteu moi sibara ka ipot matatbaliu kapata, simatai ka bare, senesenenda ai pasibo'bo ka kabeira. Sara katalagatda sipuleppei komak juto samba kabebenia ai sara panurat. Tugururangan samba puriorangan kabebet kudduat pasibuluat sigalai sibara ka tembaga.

Zep. 1:10

Aikua si Tuhan, “Kagogoi nenda kise' aikua si Tuhan, maarepnangan pusosou Kagugurukat Iba. Kalaggai sibau maarep geri, samba nau karaganan simakope' ailounangan leu patinambu-tinambu.

Zakh. 6:6

Kereta pasaggak girinen kuro simapusu masiailiake Babilonia ka bare. Kuro simabulau masialiake ka sikaleleu samba kuro simagurik masiailiake ka kaiaman.”