Jer. 4:4 - BUKO SIPUNENAN

⁴ Sunat tubum addeat kai Tuhan samba areuake le' kulit keikeiet paatuatnu, ale tai Jehuda samba sipulaggai ka Jerusalem, bule bui ipugege goluKu kele obengan, samba ipujulu taanai simateiakenia, kelulut galai tubumui sikatai!”

Jer. 4:4 Iomraidhean Croise

2Taw. 34:25

Arakaddiuakean Aku samba arapanguruatakean buluakenen ka taikamanua bagei. Sangamberi sigalaiakenenda sibaraake goluKu samba golukKu katubut Jerusalem sitaioi tupeake.

Jes. 10:17

Oto Patot Israel ibailiu le geti obengan, samba Taikamanuania, Sipunenan, mujulu le geti samba masilabo itata se'se simarui samba turuturunia kabagat sangagogoi.

Jes. 30:33

Kalulut barania peile ka siburu atupulelekngan kudduat pasilabokat – ta pa nenda uktuk rimata – bongennia tugalai simakeru samba simalio, kudduatnia simasun obengan samba loina; engan Tuhan masiobekake kele bagat oinan muno.

Jes. 51:17

Suruake ekeu, suruake ekeu, suruake ekeu, ale Jerusalem, ale ekeu sipulolo sibara ka kabei Tuhan sibara kabagat pulokat oloi goluNia, ekeu silo, sipotpot itata sibara kabagat pulokat simapuinengen!

Jer. 15:14

Kubailiuake' le' geti ekeu pakoiniet saggaknu ka kupkumen laggai taiaagaietnu, aipoi ka goluKu amujulungan obengan sitaipepe katubum.”

Jer. 21:12

“Kasene le' ngangan Tuhan, ale muntogat David: Beleake le' ukum simaroipo senen simancep samba obaake le' kakabei sipasirauraunia sirimanua sioppu pubabakkatnia, bule oloi guluKu bui ipasilabo' kele obengan samba ipujulu ta'anai sipe'akenia, kalulut sangamberi galaitubumui sikatai!

Jer. 21:5

Aku le' geti masisaggangikam pasamba kabei situtotottoi, pasamba para simaron, pasamba golu, pasamba oloi golu samba pasamba golu' siabau.

Jer. 23:19

Itco pei, rusa talabarit Tuhan, iate oloi golu, abelangan masilalau, – kasou baliok – samba tugorosot isaksak ute'ra sangamberi sirimanua sikatai.

Jer. 36:7

Baleu panindougatda sege ka matat Tuhan samba senenda masibauake paatuatnia ka galai tubu sikatai nenda, aipoi bulat abeu le' golu' samba oloi golu' siisiakenen Tuhan katubut bangsa nene.”

Jer. 44:22

Ta'an aiopmake si Tuhan masiitco puparaboananmui sikatai samba kasitsinakenen sigalaiakenenmui; kalulut nenda laggaimui leu ibailiu le karagatat, kalotoakenen samba telei ta'anai sikudduijinia, kele simatotoila kineneiget.

Jer. 9:25

“Itco, babara te' geti teterenia, kise te ngangan Tuhan, Kuukum le' sangamberi sirimanua sipususunat:

Jer. 9:26

tai Misir, tai Jehuda, tai Edom, muntogat Amon, tai Moab samba sangamberi sirimanua sitippu buttet alainia pat bokko, sangamberi sirimanua sikuddu ka simatangeu, kalulut sangamberi bangsa sitaipususunat samba sangamberi muntogat Israel sitaipususunan paatuatnia.”

Sou. 4:11

Tuhan masibelaake goluNia samba labonangan Laggai Sion pat maaponangan ka polak.

Jehz. 16:38

Kuukum le geti ekeu kele sirimanua rapasiukum tainanalep sipaelet samba sipamamatei. Kubelaake le geti golu tu'tut bagakKu katubum.

Jehz. 18:31

Ribbaiake kam sangamberi sikatai sigalaiakenenmui katubukKu samba baugi kam patuat samba ketcatmui! Angoian le numamatei kam, ale muntogat Israel?

Jehz. 20:33

Kalulut Aku sipuririmanua, kise te tiboiet Tuhan Taikamanua, Kuparentaake le kam kabagat kabei simaron samba para situtototoi samba kabagat golu sibebela.

Jehz. 21:17

Samba mupokpok leu Aku samba patuatKu simaoloi ibailiu le minca masanang. Aku, Tuhan sipasikukua.”

Jehz. 24:13

Kalulut anupalolit poi tubum ka paeletnu, samba Kuoba masilinaake ekeu, tapoi ta amalina ekeu ka pulolinannu, oto taan tulilinaake ekeu, teret Kubelaake goluKu katubum.

Jehz. 24:8

Kalulut golu sibebela samba lumun sitususuru Kupiliake le logaunia ka uddut leleu bukku siguluk bule bui' itutabbo.

Jehz. 44:7

siobaake sangamberi siooiake, iate sirimanua sitaipasisunat paatuat ele akklulania tuguru ka kudduat sipunenanKu samba ka oijananda nenda masipalolit teteremui masipanguruatnake komenKu, iate tabe' samba logau. Kapasigagalaiake kele nenda nupasabau le kam palelenganKu ka sangamberi galai tubumui sikatai.

Jehz. 6:12

Sikuddu ka reunan matei le sia kalulut besi' simasappo, sikuddu ka legre mutagguilu le sia kalulut lanjau samba situaarau samba leu sipuririmanua matei le geti kalulut pulajeat. Kisedda te Kubelaake golukKu katubutda.

Jehz. 8:18

Kalulut nenda Kulumunake le geti kabagat goluKu. Ta te manununtu bagakKu samba ta Kuagai katet baga. Samba kenanen musoga sia katubukKu ka nganga sabeu, ta Kuarepi sia.”

3Mos. 26:28

iageti kabagat golu Kusaggangi le geti kam, samba masiukum kam pitu ngaminca sanet ukuman kasilelepa'.

3Mos. 26:41

pat galaikungan masisaggangi sia samba masituituiake sia ka kudduat katuribbaiat ka kupkumen laggai sasaggakdra. Kalepakatnia, ke'bai rapaepe tubu samuntogatmui samba araenungingan ukuman kalulut jo samba paaggaratdra,

Ams. 5:6

Gaba le' si Tuhan, iageti purimanuamuian, bule bui ilalau muntogat Josep kele obengan, sipasilalabonia isapru samba ta'anai sipasipepeake addeat ka Betel.

Zep. 2:2

kepei ilaju samba numagarak kam kele ogok, seseake kam kepei iaili gogoi pugolukat Tuhan samba iorak kam golut Tuhan sipujujuluu.

ROMA 2:25

Sunat ai leu uktuknia ke nutut Surukat. Tapoi ke nupasabau geti Surukat, bailiu kele taipususunatnan le ekeu.

5Mos. 10:16

Oto barania kineneiget bui' ta mareddet kam kai Tuhan samba bui'an nukelaake kam minca paatuatmui.

5Mos. 30:6

Akenangan leu et kakam samba ka sapunuteteumui patuat simareddet, bailiu pununtukimuian baga si Tuhan Taikamanuamui ka muinet patuatmui samba mariuriunangan nukuddu kam ka laggai nenda.

5Mos. 32:22

Mujuluu le geti goluKu sabeu kele obengan sipasilalabo pat aili ka laggaira simamatei. Obengan nenda masilabo polak samba sangamberi buat siureman, samba leu sangamberi leleu pat aili ka sangamberi ungatnia.

Kol. 2:11

Ka bagania leu atusunat kam, sunat ta sigalai kabei sirimanua, tapoi sunat Kristus le sipasigogolok tubu sijo.