Jer. 4:30 - BUKO SIPUNENAN

³⁰ Samba ekeu, sisubuakenen, aponia le' nugagalai, angoi nuleleppeiake leppei simabonan, masipalainge tubu pasamba pulaingean mas, masilokot calak ka matam? Siboboi le nupalainge tubum, aipoi sangamberi umunnakenennu ta'raoba ekeu, samba raoba peile ramataiake ekeu.

Jer. 4:30 Iomraidhean Croise

2Rim. 9:30

Sege si Jehu ka Jizreel. Kele aiarep sibabara si Izebel, palaingenangan alainia samba leu matania, lepa paloggounangan ka jandela.

Pangt. 6:25

Bui iala bagam laingen tubunia, bui iala bagam arepetnia.

Pangt. 7:10

Iageti oi sara sinanalep masiamiakenia, sipuleppei puoloman tubu sipupatuat sikatai;

Jes. 10:3

Aponia galaiakenenmui ka gogoi pasiukuman, samba kateteret katusubuat sioi sibara ka sareunan? Kasei katubu nutitiddou kam paroman? Kaipa nukokoiriake kam pukayoatmui nenda?

Jes. 20:6

Kateteret nenda sangamberi sirimanua sikuddu ka bebet koat masikua geti, “Itco, kise te uktuk tubu sangamberi sirimanua karonietmai. Siburu katubutda le kuei kai masitiddou paroman bule kubela kai ka rimata Asyur. Kipa te ioi kubela kai?”

Jes. 33:14

Tugegerangan sirimanua sijo ka Sion sia sipatataju kupkupnangan sia pulotokat. Kuarangannia, “Kasei katalagatta sioi mukuddu ka obengan sipasisubuake nene? Kasei katalagatta sioi mukuddu ka obengan simatom nene?”

Jer. 13:21

Aponia le' kuanennu, ke'bai tuakkatake sibailiu utenu sangamberi sirimanua nubailiuake sia umunakenen? Ta'pa' pubesikat le' geti masikupkupmake ekeu kele pagalaiat sara sinanalep sipususule'?

Jer. 22:23

Ale ekeu sipukukuddu ka leleu Libanon, samba sipururumun ka sangamberi loinat pinilok! Makope le' nupungu'ngu' kateteret iorak ekeu besi' besi' kele bairanen sinanalep sipususule!

Jer. 30:14

Sangamberi pununtukietbagam masikalipogi ekeu, ta'an raparerereake ekeu minca. Bulatnia, Aku boboan ekeu pasamba bobobora tai saggak, pasamba liliso ka golu simakope, kalulut maigi selemui, jomui bulat maigi.

Jer. 5:31

Tai nabi masipatuptup sipatataju samba tai imam sipasigegelaiake ka obat baga, samba sapaamianKu raoba le' kise! Tapoi aponia le' geti nugalaikam ke' bai amoian kalepakatnia?

Sou. 1:19

Kusogai le sasuruakku tapoi arapajo le aku; tai imam samba sikebbukat laggai amateian sia sangamberitda ka sangamberi enungan laggai, kateteret airagagaba komenda masituppai puririmanuanda.

Sou. 1:2

Ka sangantat malam musou le nia simakope elu muguruk ka bailatnia. Berisara katalagat simanuntu bagania sioba masipusuibinia. Sangamberi saaleinia masipajonia, aibailiuan sia saggaknia.

Sou. 4:17

Amasaggongan matamai masimattai, masingena paroman sitaibabara. Kukaroni le kai paroman sara laggai, bulat siripokatnia tamomoi raake paroman.

Jehz. 28:13

Ekeu ka mone Eden, iate monen Taikamanua masun senengamata bukku pulaingean simakeppu saki: jaspis simabonan, krisolit samba jaspis simalimun, pulaingean pirus, krisopras samba nefrit, lazurit, bukku simabonan samba malakit. Kudduat pasigalangannia tugalai sibara ka mas samba tutarekngake ka gogoi aitubaraake ekeu.

Jehz. 28:9

Nukukua peile pa kamatat simateiake ekeu: Aku iate Taikamanua? Tapoi sibulatnia ka geget sipasipupunu ekeu ekeu iate sirimanua, ta Taikamannua.

Obj. 1:7

Patajurangan kam saaleimui samba tuituiake'rangan kam ka laggaimui. Kalaakerangan kam saaleimui, samba pajorangan kam sirimanua pakomakenenmui. Panounouakerangan pagalaiat tubumui, kaipangan kineiget puagaiatdra tai Edom

Ibr. 2:3

kipa te iooi tabela ke tapasibbu puaragat sabeu nene? Si Tuhan le amasisegeake nia siboiki, ia geti ronakerangan nia ka sita sia sipasiaarep,

Pamoil. 17:13

Tai rimata nene sisara paatuat le sia, samba ronda samba gegeda rakau ka tarimeu nenda.

Pamoil. 17:2

Tai rimata ka polak aratutnakean nia paelet, samba taikapolak aipuinengan sia kalulut anggur paelenannia.”

Pamoil. 17:4

Sinanalep nenda muleppei simabonan samba laka sibara mas, intan samba mutiara. Ka kabeinia ai sara pulokat mas, ka bagania sun sangamberi kasitsitnakenen samba simalolit sibara ka paelenannia.