Jer. 4:2 - BUKO SIPUNENAN

² Samna ke'bai musuppakam ka bagat topit, kabagat puroipoat samba kabagat pubulanan: Kise Tuhan sipuririrmanu!, iageti sangamberi bangsa pasukat le' geti sia katubuNia samba masiumun tubu katubuNia.”

Jer. 4:2 Iomraidhean Croise

1Mos. 22:18

Sangamberi bangsa ka polak ratiddou le geti katubukKu bule Kusukatnake sia, kele leuet Kupanukani sapunuteteunu, kalulut anureddetnan poi perentaKu.”

1Rim. 3:6

Aleginangannia si Salomo, “Tuhan, anupununtukingan baga ukkuiku si David, paguguletnu, mariuriu le eru, roipo samba topitnia katubum samba sibailiu toggaiat riuriu nupukatekinia baga, kaunungan katubunia sara toga simanteu sipupaparenta kineneigegt masisailiakenia.

PSALMEN 72:17

Eddangania oninia mariuriu teret buruburu, kepei oninia memei raagai ujut aipei le matat sulu. Bule sangamberi bangsa pasukat sia kabagat oninia, samba masikuania simauktuk.

PSALMEN 99:4

Ekeu Rimata simaron, simanuntu baga ka surukat, Ekeu le airioake pubulanan; surukat samba puroipoat katalagat muntogat Jakob, Ekeu le amasigalaiake.

Jes. 45:23

Kalulut Aku sarakKu, amusuppangan Aku, sibara ka ngungungKu abelangan pubulanan, sara tiboiet sitaioi tutiktik minca: samba sangamberi sirimanua murekkuk le geti kamatakKu, samba mupalelengan muriuriu topit kabagat senengamata nganga,

Jes. 45:25

tapoi sangamberi muntogat Israel makoinong le geti bulat sineseat le sia samba muangka baga kabagat Tuhan.”

Jes. 65:16

bailiu sirimanua sipasisilo geti panukanan ka laggai masitiddou panukanan ka Taikamanua simariuriu topit, samba sirimanua sipususuppa ka laggai musuppa le geti ka Taikamanua simariuriu topit, kalulut puokkiman siburu atukalipogingan, samba amalipputan ka matakKu.”

Jer. 10:10

Tapoi si Tuhan iate Taikamanua sineseat, Nia le' Taikamanua si puririmanua samba Rimata siataitatata'. Ngeungeu polak kalulut goluNia, samba sangamberi bangsa geti ta'raom goluNia.

Jer. 12:15

Tapoi lepat Kuburau sia, iageti Kupununtuki baga le' geti sia minca. Kutotiliake le' geti sia senenda ka laggainia.

Jer. 12:16

Samba ke'bai bulat sibulatnia ragelai enungan puririmanuan paamianKu bailiu pusupparangan ka oningKu, ‘Kai Tuhan sipuririmanua,’ kele siboiki ragelaiake paamianKu musuppa kai Baal, Iageti sia leu turioake ka talagat paamianKu.

Jer. 16:19

Ale Tuhan, puronanku samba iripku, kudduat katuituiatku ka gogoi pusaggoat! KatubuM le' geti raoi sangamberi bangsa sibara katutut polak masikua: “Bulatnia, taikebbukatmai sarat masibakkati sabulungan sipatataju sabulungan siboboi berisara ta'anai paluluatnia.

Jer. 3:17

Kateteret nenda Jerusalem tuoniake le' geti “Kudduat purimataat Tuhan', samba senen bangsa paruru le' geti sedda, ka onin Tuhan ka Jerusalem, samba taan ratututnake siripot pukelakat paatuatnia sikatai.

Jer. 33:9

Laggai nene geti ibabailiu le' puangkakatbaga: tuoni, tuumun samba tuabeuake kaKu kamatat sangamberi bangsa ka polak sipasiaarep pagalaiat sangamberi pueeru sigalaiKu katubunia; tugege'ge' le' sia samba mugegeret le' tubutra kalulut sangamberi pueeru samba sangamberi sun puririmanua sigalaiKu katubunia.

Jer. 5:2

Kenanen bai rakua: “Ka onin Tuhan sipuririmanua,” tapoi musuppa le sia ta'kasibulatnia.

Jer. 7:5

tapoi ke' sibulatnia bai nupaerukam puparoboatmui samba galai tubumui, kalau bulat sibulatnia nugalaiake kam puroipoat katalagamui senesemui,

Jer. 9:24

tapoi kasei sioba katuumunan tubu, kauan iumunake tubunia kalulut nene: kalulut againa kolou samba iagai Aku, Aku te' Tuhan sipakoinong putotopit, puroipo samba pubulanan ka polak; bulatnia, sangamberinia nenda Kuoba, kise te' ngangan Tuhan.”

Hos. 2:19

Israel, Kubailiuake te ekeu geti sinanalepKu, sinanalep simakolou teret buruburu. Pununtukikungan ekeu baga samba riuriu le nuntut bagakKu. Galaikungan puroipoat paatuat samba riuriu putotopit.

Jol. 2:12

Kuanangan si Tuhan, “Kineneiget toiliake kam katubuku, kabagat muinet patuat, kabagat pupuaso, mugeri samba musou.

Zakh. 8:8

samba tuambit sia ratoili minca baratda ka bare samba sibara ka sikaleleu, bailiu rakuddu minca ka Jerusalem. Bailiunangan geti sia paamianKu samba bailiunangan Aku Taikamanuandra. Paneineikungan sia pasamba topit samba puroipoat.”

Malk. 1:11

Rasuru' le Aku tai bangsa ka sangaliot polak. Ka senen kudduat ralabo' le pusinginan kalulut rasuru oningKu samba raake buluaakenen simaeru, kalulut suru'ra tai bangsa ka tubukKu.

1Kor. 1:31

Bule kele sitususurat ka Surat Sipunenan, “Kasei masiumun tubu, kau ipasiumun tubu ka bagat Tuhan.”

2Kor. 10:17

“Tapoi kasei masiumunake tubu, kau le iumunake tubunia ka bagat Tuhan.”

Gal. 3:8

Samba Surat Sipunenan sipasiaagai kirenangan paroroipona bangsa bagei Taikamanua kalulut tonem baga, amuboikian aisegeake Katuareman Simaeru kai Abraham, “Kalulut ekeu tupanukani sangamberi bangsa.”

5Mos. 10:20

Suru' kam Tuhan Taikamanuamui samba sarat ka tubuNia le panindou kam. Kau imariuriu topitmui ka tubuNia samba sarat ka oniNia le nupusuppa kam.

5Mos. 4:30

Ke iorak kam sangamberi pugejaat baga samba ai kam ka bagat puokkiman, iageti toili kam ka tubut Tuhan Taikamanuamui samba mureddet ka tubuNia.

5Mos. 6:13

Suru' kam si Tuhan, Taikamanuamui, samba sarat Nia le panindogietmui, samba ke' musuppa kam, galaiake kam ka oniNia.

Plp. 3:3

Aipoi sita le sipususunat sipulelelek, sipanindogi Taikamanua ka bagat Ketsat samba sipuaangka baga ka bagat Kristus Jesus samba sitaikatonemi ka galaiakenen simatotoila ka uddut.

Rut 3:13

Sene boiki nukukuddu soibo nene. Mancep geti nounoukungannia buleu ioba masigalaiake puukuket nene katubum ele ta. Ke ioba kauan; tapoi ke taioba geti, puukukungan ekeu kalulut si Tuhan sipuririmanua. Kineneiget perepakean ekeu sene pat pato.”

1Sam. 20:3

Aleginangannia si David, “Bulat aiagaian ukkuinu, obanu samba nuntut bagam katubukku. Oto bulat ta ioba ipaagainia katubum, babara mareureu bagam. Kenanen kipangan leu et, ka onin Tuhan Sipuririmanua, bulatnia te purimanuaiatku aiat le sangabakkou ka iaili ka kamateiat.”