Jer. 4:19 - BUKO SIPUNENAN

¹⁹ Ero, kaddukatku, kaddukatku! Mukatsi le' aku kalulut besi! Ero, teinungku! Murukduk le' teinungku, ta' momoi kupumengmeng, aipoi kuarep le' ipunau pipiau, pasogaiat pasaggak.

Jer. 4:19 Iomraidhean Croise

1Mos. 49:6

Ta' kutu'tut pukerekat bagatda, samba ta'kututut bagat parurukatda. Aipoi rapamatei kabagat golu le, masitataake geget banteng addeat muangka baga.

2Rim. 4:19

Sinulut pugereinangan toga nenda ka ukkuinia, “Ena! Mabesi' ute'ku!” Lepa kuanangan ukkuinia katubut sara pagugulet, “Ambit toga nenda ka ukkuinia.

2Rim. 8:11

Iageti kinerenangan si Hazael si Elisa simaburu, lepa pusounangan si Elisa.

PSALMEN 103:1

Sibara kai David. Umun si Tuhan, ale ketcaku! Umun oniNia sipunenan, ale sangaliot patuatku!

PSALMEN 116:7

Sanangake ekeu minca ale ketsatku, kalulut aigalaian si Tuhan simaeru katubum.

PSALMEN 119:136

Muguruk le elukku kele pugurungan oinan, kalulut ta raukkaake SurukatNu.

PSALMEN 119:53

Ikupkupake le aku ngongoi baga katubutda sangamberi sirimanua sikatai, sikaddiuake surukatNu.

PSALMEN 146:1

Haleluya! Umun si Tuhan, ale ketsatku!

PSALMEN 16:2

Kuakungan kai Tuhan: “Ekeu le Tuhanku, taanai sisaliu Ekeu!”

Jes. 15:5

Mugeri le aku kalulut kuitco Moab, sipujajaujau aiailingan sia ka Zoar, Eglat-Selisia. Bulatnia te, manatra le sirimanua ka panatarat Luhit sialei sou; samba ka enungan siei Horonaim mugerei le sirimanua kalulut iorak sia gejat baga.

Jes. 16:11

Kalulut nenda, kele kecapi ipunau, kisedda te ipukatci patuatku masiitco purimanuaiat Moab, samba patuatku ka Kir-Heres.

Jes. 21:3

Kalulut nenda mabesinangan tengangku, imunnangan bagakku kele imun bagat sinanalep sipususule pakoukounangan aku, kalulut siarepku tuge'gekungan, kalulut aponia siitcoku.

Jes. 21:4

Patuatku malalu, katuge'gekat masisaluki aku. Soibo ngenaakenenku nenda kineneiget bailiu kalotoakenenku.

Jes. 22:4

Kalulut nenda aku masikua: “Pisikake matam katubukku, eddangan kupusou kabagat besit patuat; bui' nupusuibi kam aku, bule imangka bagakku kalulut katusubuat okkot laggaiku.”

Jer. 13:17

Ke' ta'nuoba masiarepinia musou le' geti aku kakudduat simalipput kalulut pubuangan paatuatnu, mugorok samba mubaibai le' geti elukku, kalulut mungkuat biribiri Tuhan tuambit sibailiu lulupakenen.

Jer. 20:9

Tapoi ke'bai mupaatuatku: “Ta'kuoba masirepdepNia samba ta'kuoba masitiboake tiboiet minca ka oniNia, “Iageti kabagat paatuatku ai sara kelean le' obengan sipujujulu, tuluplup ka sangamberi tolatku; masasaggo le' aku masiopmakenia, tapoi taanai ronku.

Jer. 23:9

Pagalaiat sangamberi nabi. Bubu le patuatku ka kaukdukku, sangamberi tolatku magulu. Putubuatku kele sirimanua siroro' kele taimanteu simigi mulo' anggur, kalulut si Tuhan samba kalulut tiboietNia sipunenan.

Jer. 4:21

Piga moian le' ujunia kuiitco sangamberi toggaiat nenda, samba masiarep ipunau pipiau nenda?

Jer. 4:5

Paagai le' ka Jehuda samba paagai le' ka Jerusalem: Ulup le' pipiau ka bagat laggai, pugerei le simakope ron: Paruru kam samba konan taei kam ka sangamberi laggai sibara irip!”

Jer. 42:14

aipoi pinaatumui: Taa! Kuoba le' kai mei ka laggai Misir kaipa ta' akuenungi kai pasaggangan, ta' kuaarep geti kai nau pipiau samba ta'an kuoorik kai pulalaje; sedda le' kukukuddukai!

Jer. 49:2

Tapoi ai te geti teterenia, Kubaliuake sipulalaggai ka Rama, inan laggai Amon nenda, masipaarep pipiau katuaggaiat pasaggangan. Laggai nenda ibabailiu te siragatat samba sangamberi laggai malabo' sapru. Iageti alarangan minca tai Israel polakra ka sirimanua sipasialau siboiki.

Jer. 50:22

Nau gong pasaggangan ka laggai, samba puailinangan kakakatai sabeu.

Jer. 6:24

Akuarepman kai katuaremannia, kabeimai aibailiuan masaggo; pangoringan ailabaan kai, kuorik le' kai besi kele sinanalep sipususule.

Jer. 8:18

Pureugat baga siorak aku ta'moi tuale paatuatku mabesi maraka.

Jer. 8:21

Kalulu maujut okkot bangsaku paatuatku mumauju; mureureu baga le' aku, polotokat ai labaan aku.

Jer. 9:1

Ke'bai masun oinan ka ute'ku, samba mataku ibaili gugurunga elu, Iageti sinago samba sinoibo kusoibi le' saokkot bangsaku simateiakenen!

Jer. 9:10

Pusou samba pusiku le' kalulut sangamberi leleu, samba pusou geri kalulut su'su simaturuturu ka simatangu, aipoi sangamberinia amagarakngan samba ta'an beri sara sirimanua sisabauginia, samba sirimanua ta'an araarep ngangan tarimeu; sangamberi uma' katei manua samba sangamberi tarimeu, sangamberinia amutuituian samba amapepengan.

Sou. 1:16

Iate lulunia ipuguguruk elukku, taanai siake ron patuat samba pusuibiat; taan anai sibabara ka laggaiku, kalulut kopet geget saggakku.”

Sou. 1:20

Oi, Tuhan puletsei le aku, patuatku ta masanang samba malalu, mabubu le kalulut kataiku siburu. Ka senen enungan ai pamamatei, samba kabagat lalep ai kamateiat.

Sou. 2:11

Matakku mugo kalulut taipuaari musou, ketsatku mangorik simakope. Besi le patuatku masiitco karagatat laggai; masiitco tatoga samba leu toga simaruei mututumata ikalapui sia ka enungan laggai.

Dan. 4:19

Masiarep nenda, purionangan si Daniel oniakenen leu Beltsazar, tugegenangan. Pupaatuanannia sikaunia ta mangka baga. Kuanangan Rimata Nebukadnezar katubunia, “Beltsazar, bui ibara taimangkat bagam kalulut pangamutet samba katukolobatnia nenda.” Aleginangannia si Beltsazar, “Tuanku, bulat maeru peile ke pangamutet samba katukolobatnia iorak saggak tuanku.

Dan. 7:15

Sangamberi siitcot mata siitcoku nenda sibaraake ingo samba taimangkat bagaku.

Dan. 7:28

Kise te katuareman nenda. Aku, Daniel, pupatuananku bulat sibaraake taimangkat bagaku, pat musi mataku; samba koirikungan sangamberinia nenda ka paatuatku.

Dan. 8:27

Iageti aku, Daniel, againangan tubukku saggo lepa bara besiku pigangagogoi pa' ujunia. Pasat nenda suru aku lepa galaiakekungan minca galaiakenen uktuk rimata katubukku. Tapoi ta mangka bagaku masipaatu sangamberi itcot mata nenda samba tamomoi kukeruijinia.

Ams. 3:6

Ke tuulup bai pipiau ka sara laggai, ta pa mugegeret tubutda sipulalaggai? Ke muaili pugejaat baga ka sara laggai, Ta pa si Tuhan amasigalaiake?

Hab. 3:16

Masiarep nenda sedde' le bagakku samba geret le bibokku, sulei le tubukku aitata ron tubukku, kaipa-kaipa le kupuenung soksoknangan rerekku. Tenan aku meng masingenaake ukuman Taikamanua katubutda sipasasaggak.

4Mos. 10:9

Samba ke' mei kam pasaggak ka laggaimui masisaggangi saggak siokkip kam, buita nunauake kam pipiau sitete, bule turepdep kam kamatat Tuhan, Taikamanuamui, samba tuarauake kam ka tai saggakmui.

ROMA 10:1

Ale sasaraina, kiddiet bagaku samba panindogatku ka Taikamanua ia te bule rasese puaragat.

1Kor. 14:8

Ele ke munau pipiau sitaipulelelek, kasei te masipatatarek tubu mei pasaggak?

Gal. 4:19

Kam tatogaku, kalulut kam kuorik besit pususule minca, teret ipututu tubut Kristus ka bagamui.

Pas. 5:21

Buranangan bagat oinan Kison masiaggruake tai saggak. Kenan, kenan ka bagat gege, ale ketsatku!