Jer. 4:16 - BUKO SIPUNENAN

¹⁶ Parepdep le' ka tai bangsa: Bulat momoinia! Paarep le' ka Jerusalem: “Sipasigoilik amoian sibara ka laggai ka sareunan, masipaarep ngangania ka sangamberi laggai Jehuda.

Jer. 4:16 Iomraidhean Croise

Jes. 34:1

Konan legreake tubum, ale sangamberi sirimanua, arep kam, samba lelekake kam, ale sangamberi suku! Eddangannia polak samba sangamberi sibabara kabagania masiarep, polak samba sangamberi simatotoila katubunia.

Jes. 39:3

Iageti nabi Jesaya mei kai Rimata Hizkia samba parerenangan katubunia, “Aponia arakua sirimanua nene” Kaipa arabara sirimanua nenda?” Aleginangannia si Hizkia, “Sia nene sibara ka laggai ka sareunan, ka Babel!”

Jer. 1:15

Aipoi bulatnia te, Kusogai le' sangamberi purimataan ka isit ka bare, kise te' tiboiet Tuhan, momoi te' geti sia samba rioakerangan purimataatda senen senenda ka ngungun sangamberi matatbaliu gugurukat Jerusalem, kalegeret sangamberi iripnia sigoiliknia samba kalegeret sangamberi laggai ka Jehuda.

Jer. 16:6

Sirimanua sabeu ele sigoiso mamatei le' geti ka laggai nene; ta'turarateiake sia, samba ta'anai sirimanua geti sisoibi sia; ta'anai geti sirimanua siorei tubuna samba sipasiguguluk ute' kalulut sia.

Jer. 2:15

Murou le' sangamberi singa sibau tubu ka tubunia, nau ngangania iabeuake le'; ragalai le' sirimanua laggainia ibailiu magarak, sangamberi laggainia sabeu malabo', ta'ananai sikudduijinia.

Jer. 31:10

Arepmake le' ngangan Tuhan, ale sangamberi bangsa, paagai le' nenda kasangamberi polak puriringan simareunan, kua le': Nia amasisaragaiake Israel irururuake geti sia minca, samba ijagonia kele sipasijajago ka mungkuat tarimeunia!

Jer. 39:1

Ka rura sikasiba puparentaat Zedekia rimata Jehuda, ka laggo sikapulu amoian si Nebukadnezar rimata Babel pasamba sangamberi saladdunia masigoilik Jerusalem;

Jer. 4:17

Kele sangamberi sirimanua sipasijago moneda masigoilik ka sangamberinia, aipoi apaagrangan Jehuda katubukKu, kise le ngangan Tuhan.

Jer. 5:15

Bulatnia te' Kubabaraake le' geti, sara bangsa sibara ka sareunan masisaggangi kam, ale muntogat Israel, kise te' ngangan Tuhan, sara bangsa simakope' ron, sara bangsa barania ka siburu', sara bangsa tai agaietnu ngangania, samba sitaiagaietnu kolou aponia kuanennia.

Jer. 5:6

Lulut nenda singa sibara ka leleu pabobokinangan sia matei, samba jojot leleu sibara kasimatangeu pakatainangan sia. Macan simagurik itaiko le' bebet laggaira, senen sirimanua sibebela itarakup le sia. Aipoi pasisasabaura bulat maigingan, samba kapepeatnia bulat mabeu.

Jer. 50:2

“Kau kam toggaiat samba segeake kam ka siberikabaga, Babel abelean! Bui nupakele kam pagaiat nenda! Meradokh sabulungannia atupakai, samba sangamberi tularat sipaelet gatca saragai, samba tularat sabulungannia bulat tupaloloi le.

Jer. 6:18

Lulut nenda arepake, ale sangamberi bangsa, samba agai le', ale paamian, aponia geti sipuaali ka sia!

Jer. 6:19

Arepake, ale polak! Bulatnia, ka bangsa nene te' Kubabaraake geti pugejaat baga, lulut sangamberi siisiakenenda, aipoi ta'arapuletsei sangamberi tiboietKu samba masikeraake panganturatKu.

Jer. 6:22

Kasene le' ngangan Tuhan: “Bulatnia te' sara bangsa momoi sibara ka laggai isit ka bare', sara suku bangsa sabeu masigaja' tubu mei baratda ka tutut polak.

Jer. 6:23

Pamateira silogui samba simuine bakkat; Mugege le sia, ta'raagai mukate baga. Gong nganganda kele koat mukuro le' sia. Amatarekngan sia kele sirimanua siei pasaggak, masisaggangi ekeu, ale okkot Sion!”

Jer. 8:19

Arep! soga okkot bangsaku masitiddou paroman barania ka laggai simareunan: “Ta'anai pa' si Tuhan ka Sion” Ta'anai pa' Rimatania ka bagania?” – Angoi pa' rabaraake le' besit paatuatKu pasamba sangamberi tularat buluijietda pasamba sangamberi taikamanua bagei sita'katukolobat?” –

Jehz. 21:22

Ka kabei sikattoetnia bele le silogui putatawa pagalaiat Jerusalem: bule tupaarepmaake ngangan sirimanua sipamamatei samba sisogaake gerei pasaggangan, bule ipagalak pasitukklut matatbaliu samba masitabbui polak ibailiunia irip pasialougat samba masirioake kekre pasialougat.