Jer. 4:13 - BUKO SIPUNENAN

¹³ Itco, itusakai kele tanairusa, nangkat keretania kele rusa talabari, jakjak tubu kuronia bele pei le' manyang. Paan te' ka sita, aipoi tususubu le' sita!

Jer. 4:13 Iomraidhean Croise

2Sam. 1:23

Si Saul samba si Jonatan, kilibet baga samba simasuru ka puririmanua, ka purimanuaiat samba kamateiatda sitaipasasara le sia. Bulat simanangka tubu le sia bele peile manyang, Sia peile maron tubu ka singa.

Jes. 13:5

Moi sia sibara ka laggai ka sareunan, sibara ka tu'tut manua, iate Tuhan samba leu sipasigagalaiake goluNia bule rapakatai polak.

Jes. 19:1

Nene te tiboiet Tuhan pagalaiat Misir. Itco, mei le si Tuhan simaola kabagat tanai rusa samba meiNia ka Misir, oto sangamberi bulunganda tai Misir mugeret tubu ka mataNia, samba maneleinangan bagatda tai Misir.

Jes. 3:8

Bulatnia, amakataian Jerusalem! samba Jehuda leu amaragatan; kalulut tiboiet samba sigalaira masisaggangi si Tuhan samba masiputata geget Tuhan.

Jes. 5:28

Sot siloguinia tulauruake samba sangamberi rourounia tuparoipo; kelat sulet kuronia kele bukkut obengan samba guguilut keretania kele kasoubaliok.

Jes. 66:15

Bulatnia te, moi le geti si Tuhan pasamba obengan, samba sangamberi keretaNia kele kasoubaliok, igalaiake goluNia simaoloi samba paasekatNia pasamba julu obengan.

Jer. 10:19

Paan te' kaku kalulut oringenku, maujuku ta'mamale! Kupaatu: “Oh, nene te' sara simakope besi bui ta'kubairat!”

Jer. 4:12

tapoi rusa simaron sibara kaparentaKu Kineneiget sarakKu le' sipasibebeleake ukum ka sia.”

Jer. 4:31

Aipoi kuarep le' nganga kele ngangan sinanalep sipususule', ngangan sirimanua situokip kele ngangan ina sipasitu'tu'ake matat toga siboiki, ngangan okko Sion simaengai, sipasirerepaake kabainia: “Paan te' kaku, aipoi matei le' aku kamatatda sipamamatei!”

Jer. 46:18

Aku Taikamanua sipuririmanua, Aku rimata, Tuhan Sebaot. Ioi geti kele leleu Tabor sipaaili ka sangamberi leleu bagei, kele leleu Karmel siaili ka koat.

Jer. 48:40

Kuangan si Tuhan, “Kela manyang ipasilalau pasamba kappo sipukekebbak, kise te iooi geti sara bangsa samba masilalau Moab.

Jer. 49:22

Itusakai tuburut kele mayang, tuburut samba ikebbakngake kapponia ka uddut Bazra. Kateteret nenda saladdut Edom muloto kele sinanap sipususule.”

Jer. 6:23

Pamateira silogui samba simuine bakkat; Mugege le sia, ta'raagai mukate baga. Gong nganganda kele koat mukuro le' sia. Amatarekngan sia kele sirimanua siei pasaggak, masisaggangi ekeu, ale okkot Sion!”

Jer. 9:19

Aipoi maarep le geri barania Sion: O, masusubungan te' sita. Aipoi bui ta'kukakaddiuake le' kai laggai nene, kalulut sangamberi lalep kudduatmai raragat le' sirimanua.”

Sou. 4:19

Sipasikukru kai bulat maola bele peile uma' manyang ka manua. Rakukru le kai ka leleu, samba rakekreake kai ka kudduat simatangeu.

Jehz. 26:10

Kuronia bulat maigi, bailiu tabbonangan ekeu abu; kalulut nau bakkou saladdunia sipukukuro samba tangat roda keretania pugeretnangan leu sangamberi iripnu, ke iguruki sangamberi matatbaliunu kele raguruki sirimanua laggai situnganga'nga kalulut pasitukklu.

Jehz. 38:9

Tuottou le' ekeu kele rusa talabari samba moi kele tanai rusa isakkeri sangamberi polak, ekeu pasamba sangamberi saladdum samba maigi bangsa sipaalei ekeu.

Dan. 11:40

Tapoi ka kalepakat polak, rimata laggai ka kaiaman isaggangi le geti rimata laggai ka bare, samba rimata laggai ka bare isaggangi le nia pasamba kereta, sipukukuro samba kapa' simigi. Pasaggaknangan kele eba sabeu samba pataluijinangan laggai simigi.

Dan. 7:4

Siboiki putubuatnia kele singa, ai kappo kele manyang. Kateteret aikukikinere, sinulut tutoktoknangan kapponia. Lepa geti tuakkatnangan barania ka polak samba turioake ka rerenia kele sirimanua, lepa kau katubunia patuat sirimanua.

Hos. 8:1

Kuanangan si Tuhan, “Nauake kam toggaiat kalotoakenen! Tai saggak masisaggangi laggaiku kele manyang itarakkup ibania! Paamianku masipasabau palelenganku katubudra, samba masisaggangi sangamberi sigelaiakenenku.

Mik. 2:4

Uktuk tubum rapakei le sirimanua sibailui pasailukat, samba leu ragalai urai pureureugat baga. Aialaan si Tuhan laggaimai nene samba aikauannia ketubutda sipasiuukumkai.

Nah. 1:3

Kirenangan si Tuhan ta' maruei ipugolu tapoi bulat Nia leu et simagege bailiu kasei sigalai jo ta' ibebelaake' sia ka ukumNia. Kaipa ipuenung si Tuhan sedda bara talabari, kasiperakatNia abu bailiu tanai rusa.

Hab. 1:8

Kuro'ra simaola sisaliu peile' nangkat singa, samba sisaliu geget jojot leleu simalaje. Saladudra sipukukuro' baradra ka laggai simareunan, raoi kele manyang ilalau ibania.

Zakh. 6:1

Bara minca itcotmataku bagei. Ka itcotmataku nene itcokungan ibela epat kereta pasaggak ka oggak rua leleu tembaga.

Mat. 24:30

Lepa toila katuaggaiat Togatsirimanua ka manua, pusourangan sangamberi bangsa ka polak, itcorangan leu Togatsirimanua ioi ka tanairusa ka gege samba pulatsanan sabeu.

5Mos. 28:49

Iaake te sara bangsa si Tuhan sitaiagaietmui ngangandra sibara ka tutut polak bule rasaggangi kam. Kele manyang ilalau ibania kele kiseddda raala kam.

Pamoil. 1:7

Itco kam, ioi ka bagat tanairusa! Sangamberi mata masiitco nia, samba sia leu sipasipupunu nia; samba sangamberi bangsa ka polak nene mugeri masiitco nia. Oo, bulatnia! Amen.