Jer. 4:1 - BUKO SIPUNENAN

¹ “Ke' nuoba taoili, ale Israel, kise te ngangan Tuhan, toiliake' le' ekeu katubukKu; samba ke' nuoba nuareuake sabulungannu ka sitsitnakenen, ta'an leu mututitui ekeu kamataKu!

Jer. 4:1 Iomraidhean Croise

1Mos. 35:2

Lepa kuanangan si Jakob ka keluargania samba kasangamberi sirimanua pasambania, “Mei sita baratta sene samba mei ka Betel. Sedda kurioake geti maja pasibuluat ka Taikamanua sipasiroropmaku kateteret akumaongkip samba amasijago aku senen kaipa kuei.

2Rim. 23:13

Najisakenangan leu kudduat pasibuluat saigit sikalaut ka Jerusalem, saigit kaiaman leleu Sikatai. Mezbah nenda iate sigalai Rimata Salomo pasibuluji sabulunngan kasitsitakenen iate Asytoret, sabulungan sinanalep sabulunganda tai Sidon, Kamos, Moab, Milkom samba tai Amon.

2Rim. 23:24

Bule ioi ragalaiake surukat sitususurat ka bagat buko sineset Imam Sabeu Hilkia ka Uman Tuhan, Rimata Josia masikekle sipasisogai ketsat sirimanua simamatei, peramal ka Jerusalem samba leu ka sangaliot Jehuda, lepa ribbaiakenangan sangamberi buluat ka lalep, sabulungan samba bibilet pakeiet masibuluiji sabulungan.

2Taw. 15:8

Kele aiarep si Asa tiboiet Azarya togat Oded nenda, bara ron patuatnia. Areuakenangan sangamberi bulungan ka laggai Jehuda samba Benjamin, samba ka laggai sikalaakenennia ka leleu Efraim, lepa nenda paerunangan kudduat panindogat kai Tuhan sikuddu ka laibokat matat Uman Tuhan.

2Taw. 33:8

Ke mareddet tai Israel ka sangamberi tiboietKu samba masitut surukat sikau Mose paguguletKu, katubutda, ta Kuobaake sia rakekle sia ka laggai sikauKu kataikebbukatda.”

2Taw. 34:33

Iageti areuakenangan si Josia sangamberi bulungan kasitsitakenen ka sangamberi laggaira tai Israel samba koiniakenangan sangamberi sikuddu ka Israel manindou katubut Tuhan, Taikamanuanda. Oto ka sanganantat purimanuaiat Josia, mariuriu topitda katubut Tuhan.

Jes. 31:6

Bauake kam patuatmui katubuNia, ale tai Israel, nuareuake kam tubumui katubuNia!

Jer. 15:19

Kalulut nenda kasene le' alegiat Tuhan: “Ke'bai nuoba toili, Kutoiliake le' geti ekeu, bailiu pagugulet kamataKu, samba ke'bai nutiboake aponia sibara paluluat samba ta' tiboiet siboboi, iageti bailiunangan ekeu situppai titiboatKu. Kenanen bai toili sia minca katubum, tapoi ta'an leu tototili ekeu katubutda.

Jer. 15:4

Kasenen te' Kugalai sia ibailiu pulotokat kasangamberi purimataat ka polak, kalulut sangamberi aponia sigalaiakenen Manasye togat Hizkia, rimata Jehuda, ka Jerusalem.

Jer. 18:11

Kalulut nenda, kua le katubudra tai Jahuda samba katubut sipulalaggai ka Jerusalem: Kasene le ngangan Tuhan: Bulatnia te', Aku nene aikupatatarek pugejaatbaga katubumui samba masiisiake pinaatu katubumui. Kauan senemui masibauake puparaboananmui sikatai, samba paerukam pubaraboananmui samba galaitubumui!

Jer. 24:9

Kubabailiuake geti sia kalotoakenen ka sangamberi purimataat ka polak, ibailiu simalolit samba pasikat, ibailiu sailuket samba telei ka sangamberi kudduat kaipa Akupasaragai sia.

Jer. 25:5

Kuarangan: Bauakekam paatuatmui senesenemui ka paraboatmui sikatai samba ka galaitubumui sikatai; Iageti mariuriunangan nupukuddukan ka polak siaket Tuhan kakam samba kataikebbukatmui, barania siburu' teret buru'buru.

Jer. 3:1

NgangaNia: “Ke' sara sirimanua masisaraake sinanalepnia, lepa sinanalep nenda tuitui katubunia samba bailiu sinanalepda sirimanua sabagei, totoili leu pa' simanteu siboiki ka sinanalep nenda? Ta' pa laggai nenda ama lolitnan? Amujongan ekeu ka umunnakenennu simigi, samba nuoba toili ka tubuKu? kise te' ngangan Tuhan.

Jer. 3:12

Kenan le' masigereiake sangamberi tiboiet nene ka bare' kua le': Toiliangan le' ale Israel, sinanalep siareuake Aku, kise le ngangan Tuhan. PumataatKu ta'masusulei katubumui, aipoi Aku nene simaanggai baga le, kise le ngangan Tuhan, ta'an mugogolu Aku teret buruburu.

Jer. 3:14

Toiliake kam, ale tatoga situaareu katubukKu, kise te' ngangan Tuhan, kalulut aibailiuan Aku tuan ka kam! Kuala te' geti kam, sara sirimanua kasenen laggai, rua sirimanua kasenen muntogat, samba masiambitkam ka Sion.

Jer. 3:22

Toiliake kam, ale tatoga sipasikakaddiuake si Tuhan! Kuaaleake geti ekeu ka pasikakaddiuakenu si Tuhan.” Koi te' kai, amoian kai katubuM, aipoi Ekeu le' Tuhan, Taikamanuamai.

Jer. 35:15

Akukoiniakean sapagguletKu katubumui, iate tai nabi, mariuriu le rakuania: Senemui, galakngakekam galaitubumui sikatai nenda, paerukam galaitubumui, ba tututnakekam taikamanua bagai addeat masipanindogi sia, iageti mariuriunangan nukuddukam ka polak siakeKu katubumui samba ka taikebbukatmui. Tapoi ta'nuobakam masilelekake samba masiarepi Aku.

Jer. 36:3

Ke' bai raarep tai Jehuda pagalaiat sangamberi pugejaatbaga kaunenKu katubutra, iageti senenda masibauake paatuat ka galaitubutda sikatai nenda, bailiu Kuappeake le' pusesele samba pujojotda.”

Jer. 4:4

Sunat tubum addeat kai Tuhan samba areuake le' kulit keikeiet paatuatnu, ale tai Jehuda samba sipulaggai ka Jerusalem, bule bui ipugege goluKu kele obengan, samba ipujulu taanai simateiakenia, kelulut galai tubumui sikatai!”

Jer. 7:3

Kasene le' tiboiet Tuhan sebaot, Taikamanuan Israel: Paeru le' paraboatmui samba galai tubumui, oto Kuoba le' mukuddu pasamba kam ka kudduat nene.

Jer. 7:5

tapoi ke' sibulatnia bai nupaerukam puparoboatmui samba galai tubumui, kalau bulat sibulatnia nugalaiake kam puroipoat katalagamui senesemui,

Jer. 7:7

oto Kuoba le' mukuddu pasamba kam ka kudduat nene, ka polak siakeKu ka taikebbukatmui, barania ka siburu teret buruburu.

Jehz. 11:18

Oto kalepat raoi sedda, areuakerangan geti sabulunganda kasitsitakenen samba sangamberi sikatai sigalaiakenenda ka polak nene.

Jehz. 18:13

masiala bungan bulagat samba iala uktuk, sirimanua kele nenda ta muririmanuania. Sangamberi kasitsitakenen aigalaiakean samba buita matei le nia; logaunia tuorakngake katubunia.

Jehz. 43:9

Kineiget, raareuake le geti taimatopitda samba sangamberi tubu rimatatda simamatei ka tubukKu samba mukuddu le geti Aku ka talagatda teret buruburu.

Hos. 14:1

Buita' tuukum le Samaria kalulut taimareddetnia ai saggangi Aku. Matei le geti rakyatnia ka bagat pasaggangan; sangamberi tatogania geti ragugulut, samba sangamberi tainanalep sibara suruket rasasausau balugura.”

Hos. 2:2

Kuanangan si Tuhan, “Ale kam tatogakKu, inamui ta'an sinanalepKu, samba ta'an simanteunia Aku. Kalulut nenda pakaroake kamnia bule bui ipaelet samba buian ipuolop tubu minca.

Hos. 7:16

Riuriu le ratut sabulungan sita'anai gege. Tamomoi tukatonemi sia kele rourou situpapakpak. Sautera manibo kabagat buak patuat, kalulut nenda matei le sia geti ka lanjau, samba gagatirangan sia tai Misir.

Jol. 2:12

Kuanangan si Tuhan, “Kineneiget toiliake kam katubuku, kabagat muinet patuat, kabagat pupuaso, mugeri samba musou.

Zakh. 1:4

Bui'an kele taikebbukatmui. Siburu peile tai nabi masisege'ake patonekatKu ka tubutdra bui' ragalai minca katai samba jo. Tapoi taarapuletcei samba taraoba mureddet katubukKu.

5Mos. 27:15

Kuarangan leu tai Lewi: ‘Tupateleiji le sia sigalai tularat sigalai sibara ka bukku, loina ele logam, samba rapanindoginia sipinakele. Bulat malaga bagaNia pasibubuluiji sabulungan!’ Iageti alegirangannia sapaamian: ‘Amin!’

5Mos. 4:30

Ke iorak kam sangamberi pugejaat baga samba ai kam ka bagat puokkiman, iageti toili kam ka tubut Tuhan Taikamanuamui samba mureddet ka tubuNia.

Jos. 24:14

“Oto kineneiget,” “Suru' kam si Tuhan. Paguguletnake kam tubumui katubuNia ka linat paatuat samba sialei topit. Katsliake kam taikamanua bagei buluijietdra taikebbukatmui sibara ka Mesopotamia samba ka Misir. Sarat kai Tuhan le paguguletnake kam tubumui.

Pas. 10:16

Lepa geti ribbaiakerangan sangamberi tularat sabulungan, lepa panindourangan ka Taikamanua. Iageti si Tuhan ta'an momoi iopmake paatuatNia masiitco sia ka bagat puokkiman.

1Sam. 7:3

Lepa kuanangan si Samuel ka paamian Israel, “Ke toili kam katubut Tuhan ka muinet patuatmui, buita nuribbaiake kam sangamberi sabulungandra siooiake samba tularat Dewi Asytoret. Segeake kam tubumui katubut Tuhan samba galai kam simaeru katubuNia, iageti belaakenangan geti kam ka tai Filistin.”