Jer. 39:8 - BUKO SIPUNENAN

⁸ Laborangan tai Kasdim uma purimataat rimata samba sangamberi lalepra taikauma pasamba obengan, lepa bukkatnakerangan sangamberi irip Jerusalem.

Jer. 39:8 Iomraidhean Croise

2Rim. 25:8

Ka gogoi sikapitu laggo lima ka rura sikapulu siba puparentaat Nebukadnezar rimata Babel, ei si Nebuzaradan ka Jerusalem. Nia iate utera saladdu sipujajago samba sipugagalai ka uma purimataat rimata Babel.

2Taw. 36:19

Bukkatakenangan irip laggai Jerusalem, samba labonangan laggai nenda, kisedda leu et Uman Tuhan samba sangamberi uma purimataat pasamba bibilet simakeppu saki sipulelegei kabagat sangamberi uma purimataat nenda.

Neh. 1:3

Pungunguannakerangan sia sibebela ratoili baradda ka kudduat katuribbaiat raei ka laggai pututukat matadda. Kineneiget murimanua mangorik samba rapaloloi sia bangsa-bangsa siooi sibabara ka bebe'ra. Sarapei irip laggai Jerusalem makatai peile samba sangamberi gugurukatnia ta' pei atupaeru ka teteret aitulabo siburu pei le.

PSALMEN 79:7

kalulut arakoman itata si Jakob, samba arapakataian kudduatnia.

Jes. 5:9

Maarepnangan ka piuku tiboiet Tuhan Sebaot: “Bulatnia te, maigi te lalep ibailiu simatangeu; sangamberi lalep sabeu samba simalainge ta babara geti sikudduijinia.

Jer. 17:27

Tapoi ke'bai ta'nuarepi kam surukatKu addeat masipuneni gogoi Sabat samba ta' tuguguru' masiambit bibilet masienungi matat baliu gugurukat Jerusalem ka gogoi Sabat, iageti sangamberi matat baliu gugurukatnia Kuobekake le' geti obengan sipasilabo isapru geti sangamberi uma purimataat ka Jerusalem, samba sitaioi geti tupeake'.”

Jer. 21:10

Aipoi Akusaklangan laggai nene addeat masibaraakeoringan samba ta' masibaraake puuktungannia, kise te' ngangan Tuhan. Laggai nene tukau le' geti ka kabei rimata Babel sipasilalabonia teret sapru pasamba obengan.”

Jer. 32:29

Tai Kasdim sisaggangi laggai nene momoi le' geti sia masilabo samba masisapruakenia pasamba sangamberi lalep ka laprania sirimanua masilabo buluakenen ka Baal samba masipanguruatnake buluakenen siuruakenen ka taikamanua bagei addeat masibaraake besit paatuatKu.

Jer. 34:2

Kasenen le' ngangan Tuhan, Taikamanuan Israel: Kenan le' patibo kai Zedekia, rimata Jehuda, kua katubunia: Kise' le' ngangan Tuhan: Bulatnia, Kukau le' laggai nene kakabei rimata Babel, bule ilabonia itata pasamba obengan.

Jer. 34:22

Bulatnia, kise' te' ngangan Tuhan, Kukau le' parenta samba Kuambit le' sia minca ka laggai nene addeat masisagganginia, masialau samba masilabonia pasamba obengan. Kugagalai le' sangamberi laggai Jehuda ibailiunia simagarak sita'anai sikudduijinia.”

Jer. 37:10

Ke'bai nukalaake sangamberi saladdutda tai Kasdim sisaggangi ekeu nenda, bailiu sipulelegai katalagatda sarat sirimanua sibara mauju, senenda ka sapoura tusuru sia samba laborangan laggai nene pasamba obengan.”

Jer. 38:18

Tapoi ke'bai ta'nuoba tubum katubut saladdut rimatat Babel, iageti laggai nene tukau le' geti kakabira tai Kasdim sipasilalabonia pasamba obengan; samba ekeu leu ta'bebela kakabeira.”

Jer. 5:10

Sakai le' ka monen anggurnia si orat', pakatai le', tapoi ba' sasapruake. Ribbaiake le' sangamberi ran loina anggurnia, aipoi sangamberinia nenda ta' si Tuhan sibakkatnia!

Jer. 7:20

Kalulut nenda kasenen le' tiboiet Tuhan Taikamanua: Bulatnia, goluKu samba oloi guluKu mapili ka kudduat nene, ka sirimanua, ka tarimeu, samba ka sangamberi loina ka su'su' samba ka buania siureman; golu' nenda mujulu le' samba ta'mamatei.”

Sou. 1:10

Sangamberi pukayoatnia araraurauan tai saggaknia. Sarapei buita iitco le sia raguruki Uman Taikamanua, sara galaiakenen keraet Tuhan ka sirimanua sitaiaddeakenen paamianNia.

Sou. 2:2

Senen polak simaturuturu ka laggai Jehuda, pakatainangannia kabagat tatat katet baga. Kabagat goluNia tukkluakenangan imabukkat sangamberi irip bukku kekret laggai nenda. Purimataat nenda pasamba siuteakenia beleakenanganNia pat bailiunangan katuloloiat.

Sou. 2:7

Keraakenangan si Tuhan kudduat pasibuluat katubuNia sipunenan, samba kaddiuakenangan UmaNia; obaakenangan saggak si Tuhan rabukkatake sangamberi rupi uma purimataat. Ka kudduatta siburu manindou samba mupunen, mugorabaga le saggak kalulut kamananganda.

Jehz. 16:41

Laborangan geti sangamberi lalepnu samba masiake ukuman katubum kamatatda tainanalep simigi. Kabagat nenda Kugalai le ekeu nuariake muolop tubu samba taan nukakau upat olop tubu.

Jehz. 23:47

Rurukat sirimanua nene rapabaijungi le sia bukku samba rasaggri le lolokkatda pasamba lanjaura, masimateiake tatoga taimanteu samba tatogatda tainanalep samba laborangan itata sangamberi lalepda.

Jehz. 33:21

Ka rura sikapulusara ka lepat katuribbaiat, ka laggo sikapulu, ka gogoi sikalima laggo nenda, oi sara sirimanua situaarau sibara ka Jerusalem samba kuanangan: “Arakupkupakean laggai nenda!”

Ams. 2:5

Kukakau le geti obengan ka laggai Jehuda bailiu purimataat Jerusalem labonangannia itata.”

Mik. 3:12

Lulut pukakatainu nenda, Sion tupakru kele mone, Jerusalem tubailiuake pasitabbui siragatat samba tinambut lalep Tuhan bailiu mase'se'.