Jer. 39:5 - BUKO SIPUNENAN

⁵ Tapoi kukrurangan sia tai saladdut Kasdim nenda samba ailiakerangan si Zedekia ka su'sut Jeriko; labarangannia samba ambitranannia kai rimata Nebukadnezar, rimata Babel ka laggai Ribla ka tobbou Hamat, lepa orakakenangan ukuman ka tubunia.

Jer. 39:5 Iomraidhean Croise

2Sam. 8:9

Kele aiarepnia Rimata Tou sibara ka Hamat, si David aikalaakean sangamberi saladdut Hadadezer,

2Rim. 17:24

Rimata Asyur masiambit tai Babel, Kuta, Awa, Hamat samba tai Sefarwaim, kaunangan sia mulaggai ka laggai Samaria sailitda tai Israel. Kudduijirangan laggai nenda samba pulaggairangan leu sedda.

2Rim. 23:33

Pangampulat puparentaat Joahas iate kateteret aitangsiakenia si Nekho rimata Misir ka Ribla, kupkumen laggai Hamat, bule ta ipuparenta ka Jerusalem. Kaunangan luluietda tai Jehuda si Nekho telu ribu epat ngotu ngakilo perak samba telu pulu epat ngakilo mas.

2Rim. 25:6

Iageti abbitrangan Rimata Zedekia katubut Rimata Nebukadnezar ka laggai Ribla, lepa ukumrangannia.

2Taw. 33:11

Kalulut nenda kaunangan si Tuhan sautet saladdut Asyur bule rasaggangi Jehuda. Labarangan si Manasye pasamba panangkut, lepa apparangannia samba ambitrangannia ka Babel.

Jes. 22:3

Sangamberi sautet saladdumui mutuitui simakere, aralabaan sia kepei rapanaake siloguira; sangamberi silaba tupatpatake simakere, kenanen amuituian sia ka sareunan.

Jer. 21:7

Lepa nenda, kise le' ngangan Tuhan, iageti si Zedekia, rimata Jehuda, samba sapaguguletnia samba taikauma ka laggai nene, legei sipuririmanua ka besi' sipamamatei, sibara ka lanjau samba ka pulajeat, Kusesegeake le' geti ka kabei Nebukadnezar, rimata Babel, iate ka kabei saggakda sibesiake masimateiake sia; rabo'bo' le sia sirimanua matei pasamba son lanjau ka tatat nuntutbaga, tatat katetbaga samba tatat katuaappe'.

Jer. 24:8

Tapoi kele buat sileu simakatai nenda, sitaioi tukom kalulut taimaerunia – bulatnia, kasene le' ngangan Tuhan – kise te' kugagalai katubut Zedekia, rimata Jehuda, pasamba sikebbukat laggai, pasamba tai Jerusalem sipulelegei sikuddu ka laggai nene samba sangamberi sirimanua simariuriu mukuddu ka laggai Misir.

Jer. 38:18

Tapoi ke'bai ta'nuoba tubum katubut saladdut rimatat Babel, iageti laggai nene tukau le' geti kakabira tai Kasdim sipasilalabonia pasamba obengan; samba ekeu leu ta'bebela kakabeira.”

Jer. 38:23

Sangamberitda tainanalepmui samba tatogamui tugirit geti ka uja kamatda tai Kasdim nenda. Samba ekeu geti ta'bebela kakabeira, tapoi ilalaba le' ekeu rimata Babel. Samba laggai nene tulabo' pasamba obengan.”

Jer. 4:12

tapoi rusa simaron sibara kaparentaKu Kineneiget sarakKu le' sipasibebeleake ukum ka sia.”

Jer. 44:30

Si Hofra rimata Misir Kukakau le nia katai saggak sioba masimateiakenia, makere kele Aku kau si Zedekia rimata Jehuda kai Nebukadnezar rimata Babel, saggaknia sioba masimateiakenia nenda.

Jer. 49:23

Nene te sikuat Tuhan pagalaiat Damsik. “Sipulalaggai ka laggai Hamat samba Arpat mukaratbaga samba mululubaga kalulut masiaper katuareman sitaimaeru. Paatuatra murukduk samba ipagu'gu' kele lektuk koat.

Sou. 1:3

Jehuda arakaddiuakeannia silaggaijinia kalulut pangoringan samba paoreat simasane. Kineneiget mukuddu le sia katalagat sangamberi lagai tapoi ta arasese pusanangan. Saggak masialou sia kateteret ai sia kabagat pangoringan.

Sou. 4:20

Ralaba le rimata sinulaijit Tuhan karonietmai sipasiaake purimanuaiat, samba sipasisakkeri kai ka saggak.

Jehz. 23:24

Moi le sia rasaggangi ekeu sangamberi kereta samba rodania samba sangamungkuat tai bangsa; rapagalak le korabbi sabeu samba sigoiso samba ketopong kabebenu masisaggangi ekeu, samba Kukau le pakaroat nene ka matania samba raukum le ekeu siripot surukatda.

Hab. 1:7

Kaipa le aisia bara pulotokat samba kaoddoi tubura raputata' sangamberi aturan sarat sipasese kasia le ratututnake.

4Mos. 13:21

Iageti ei sia sedda, lepa lelekakerangan laggai nenda barania ka kudduat sumatangeu Zin pat aili ka Rehob, ka enungan siei ka Hamat.

Jos. 13:5

ia leu et minca kupkumen laggai bangsa Gebal, samba sangamberi kupkumen laggai Libanon ka ipot kabelaiat sulu, sibara ka Baal-Gad ka isit ka kaiaman leleu Hermon teret sege ka enungan sieei ka Hamat.

Jos. 4:13

Sangamberidra epat pulu ribu sia sarat taimanteu sibara pamatei samba simatarek pasaggak ka matat Tuhan, putaliporangan masiailiake su'su ka legret Jerikho.

Jos. 5:10

Ta'pei amauju arapusapou ka Gilgal su'sut leleu simalegre ka Jerikho, paamian Israel pupunenrangan Paskah kasoibokat gogoi sikapulu epat laggo nenda.

Pas. 3:3

Tai bangsa sipulalaggai peile ka tobbou laggai nenda iate: bangsa sikudduiji ka bagat lima laggaira tai Filistin, sangamberi bangsa Kanaan, Bangsa Sidon samba bangsa Hewi sipulalaggai ka leleu Libanon, barania ka leleu Baal-Hermon sege ka enungan siailiake Hamat.