Jer. 38:4 - BUKO SIPUNENAN

⁴ Iageti kuarangan sikebbukat laggai katubut rimata: “Maeru le' ituukum matei sirimanua nene! Aipoi siripokatnia pasikukua pagalaiat kele nenda isasapruake le' rontubuda sangamberi saladdu sipulelegai ka laggai nene samba osat tubut sangamberi taikauma. Bulatnia, sirimanua nene ta'ibesiake imaeru puririrmanuan bangsa nene, tapoi ibebesiki pugejaatbaga.”

Jer. 38:4 Iomraidhean Croise

1Rim. 21:20

Kele si Ahab masiitco si Elia, kuanangan, “Ale saggak, kalepakatnia aku leu nuaailiake!” Aleginangannia si Elia, “Bulatnia.” Kalulut anugalaiake sikatai ka muinet paatuat ka matat Tuhan,

2Taw. 24:21

Tapoi arabaraake le pukerekat baga pasamba Rimata Joas, samba kabagat pakoinian Rimata Joas baijukrangan si Zakharia bukku ka pugeranan Uman Tuhan.

Ezra 4:12

Bule nuagainia ale Tuanku, arakaddiuakean laggai bagei tai Jehudi ka bagat purimataat Tuanku, kineneiget amukuddungan sia ka Jerusalem samba airagagalai minca laggai sikatai samba sitaimareddet. Arataddaakean masirioake minca irip laggai samba ta an mauju ilelepa.

Neh. 6:9

Sibodrangan rapalotoki kai bule kuariake kai galajet nenda. Iageti panindoukungan, “Oi Taikamanua paron aku!”

2Mos. 5:4

Kuanangan si Parao katubut Mose samba si Aron, “Angoian le nugalai kam sangamberi sirimanua nenda rakalipogi galajetda? Kenan kam sangamberimui masigalai galeietmui!”

Jer. 11:21

Kalulut nenda kasene le' ngangan Tuhan pagalaiat tai Anatot sioba masimateiake aku pasamba masikua: “Ba' pasitutuptup ka onin Tuhan, bule bui numatei kalulut kabeimai!” –

Jer. 18:23

Tapoi Ekeu, ale Tuhan, Nuagai le' sangamberi sipinaatutdra masimateiake aku. Ba' appeake puseseletda, samba ba' poposa jotda kamataM, tapoi eddangania ratusoksok ka mataM; galaiake' le' katubutda ka gogoi pugolukatNu.”

Jer. 26:11

Lepa panoborangan tai imam samba tai nabi nenda katubut sangamberi sautet laggai samba ka taikauma nenda, kuarangan: “Sirimanua nene mateu le' ituukum matei, aipoi nia aipotonean pagalaiat laggai nene, kele siarepit talingamui.”

Jer. 29:7

Besiake kam erut puririmanuan laggai kai pa Kuribbaiake kam, samba panindou kam addeat ka laggai nenda kai Tuhan, aipoi erut puririmanua laggai nenda iate erut puririmanuamui.

Jer. 38:16

Iageti simengmeng pusuppanangan rimata Zedekia katubut Jeremia, kuanangannia, “Ka onin Tuhan sipuriRimanua, siake enga nene katubutta, ta' kumamateiake ekeu samba ta' kukakau ekeu kakabeira sirimanua sibesiake masiala engam nenda!”

Jer. 38:25

Ke'bai raarep sikebbukat laggai, amanibongan aku pasamba ekeu, lepa geti oi sia masitiddou katubum: Paagai le katubumai aponia sikuam katubut rimata samba aponia aikua rimata katubum; ba' pakele katubumai, bule bui kumateiake kai ekeu!,

Jer. 43:3

tapoi si Barukh togat Neria nenda le amasitubbui ekeu katubumai, bule ioi nukau kai ka kabeira tasisagai Kasdim, bule ramateiake kai samba raambit ka kudduat pasiribbaiat ka Babel.”

Jehz. 22:27

Sikebbukat laggai katalagatda iate kele jo'jot leleu sipasitarakkup komennia kabagat oggou logau, sisubuake sirimanua bule iuktukake tubunia ka enungan sikatai.

Ams. 7:10

Iageti si Amazia, imam ka Betel, masikoiniake sirimanua masiailiake si Jerobeam rimata Israel, pasamba patonekat: “Aigalaian si Amos pukerekatbaga masisaggangi tuanku katalagat muntogat Israel; laggai nene ta'an ai omake sangamberi tiboietnia.

Luk. 23:2

Taddaakerangan rajoake nia, kuarangan, “Sinene akuaili kai nia ipakatai nganga ka bangsamai samba ikera bagei masikau juran kai Kaisar, aipoi aikua, nia le Kristus, Rimata.”

Pugap. 16:20

Ambitrangan sia ka matat pamarenta Roma, kuarangan, “Sia nene tai Jahudi, sibaraake pugaugapat ka laggaita,

Pugap. 17:6

Kele ta arasese sia, giritrangan si Jason samba piga pa saalei ka matada sautet laggai, pugereirangan, “Tai nene te sibaraake pugaugapat ka sangalio polak! Kineneiget amoian leu sia sene,

Pugap. 24:5

Aipoi akusese kai sirimanua nene sibaraake oringen samba sibaraake pugaugapat ka sangamberi tai Jahudi ka sangalio polak, samba utet aratda tai Natsaret le nia.

Pugap. 28:22

Tapoi koba kuarep kai sibara kekeu kipa paatuatnu; akuagaian poi kai pagalaiat arat nene, kaipa kaipa sarat rapajoggoloake.”