Jer. 32:5 - BUKO SIPUNENAN

⁵ Lepa geti ambit si Zedekia ka Babel samba kuddunia sedda teret Kupasikelinia, kise le nganga Tuhan. Ke' pasaggak bai kam masisaggangi tai Kasdim nenda, ta'mauuktuk kam!”

Jer. 32:5 Iomraidhean Croise

2Taw. 13:12

Siuteake kai iate Taikamanua le samba tai imamNia sibabara sene. Amatarekngan sia masinauake pipiau sibailiu toggaiat kakai kusaggangi kai kam. Ale tai Israel, bui' nusaggangi kam si Tuhan, Taikamanuanda taikebbukatmui! Ta mamamanang kam!”

2Taw. 24:20

Iageti sopsopnangan Ketsat Taikamanua si Zakharia togat Imam Joyada. Ei si Zakharia ka matatda siberikabaga samba panibonangan, “Tuhan Taikamanua masikua: Angoi ta anureddet kam surukatKu samba bailiu baraakemuian pangoringanmui. Kalulut ta anupletsei kam Aku, oto Aku leu taan Kupuleletsei kam!”

Pangt. 21:30

Taanai sikut patuat samba puagaijat, sioi masilawan si Tuhan.

Jer. 2:37

Sedda leuet geti nubela pasamba masiakkatnake kabeinu, aipoi aikeraakean sia si Tuhan katonemiennu baga samba ta'mauktuk ekeu ka tubutda.”

Jer. 27:22

Sangamberinia tuaambit le' ka Babel samba tugagalakngake le' sedda teret gogoi Kupuletseinia minca, kise le ngangan Tuhan, lepa ambitkungannia minca ka kudduat nene.

Jer. 32:24

Bulatnia, sangamberi irip pakeiet masialou laggai aian mamalegre; kalulut lanjau, pulajeat samba besi sipamamatei iageti laggai nenda atukaunia ka tai Kasdim sisagganginia. Iageti aponia sitiboakenenNu nenda amuailingan; bulatnia Ekeu le' amasiitconia.

Jer. 32:6

Kuanangan si Jeremia: “Amoi tiboiet Tuhan katubuku, ngangania:

Jer. 33:5

Tuguguru le' geti sirimanua pasaggak masisaggangi tai Kasdim samba laggai nene geti sut le' tubut sirimanua simamatei simateiakenenKu kalulut goluKu samba oloi goluKu, aipoi Akulipputnakean pumataatKu ka laggai nene kalulut senangamata pukakataira.

Jer. 37:10

Ke'bai nukalaake sangamberi saladdutda tai Kasdim sisaggangi ekeu nenda, bailiu sipulelegai katalagatda sarat sirimanua sibara mauju, senenda ka sapoura tusuru sia samba laborangan laggai nene pasamba obengan.”

Jer. 39:4

Masiitco sia sangamberitda, iageti Zedekia, rimata Jehuda, pasamba sangamberi saladdunia tuitui sia, masikaddiuake laggai nenda ka teteret soibo masienungi enungan monen purimataat, masienungi enungan ka matat baliu gugurukat ka paoggangan rua irip laggai; lepa geti puenungrangan masiailiake Araba-Jordan.

Jer. 39:5

Tapoi kukrurangan sia tai saladdut Kasdim nenda samba ailiakerangan si Zedekia ka su'sut Jeriko; labarangannia samba ambitranannia kai rimata Nebukadnezar, rimata Babel ka laggai Ribla ka tobbou Hamat, lepa orakakenangan ukuman ka tubunia.

Jer. 39:7

Lepa nenda kiokrangan matat Zedekia, lepa kabe'rangannia rantai tembaga samba ambitrangannia ka Babel.

Sou. 1:14

Alanangan sangamberi jokku, lepa apprananganNia bailiu sara, samba ngalouakenangannia ka lolokkatku, bailiu sanenia nenda sisaggoake tubukku. Kaunangan aku si Tuhan ka saggakku; taanai ronku kusaggangi sia.

Jehz. 12:12

Rimata katalagatda ikau le geti sangamberi bibiletnia ka ta'tania ka soibo simagepgep samba mei ka uja; ragalai le sara lobok sirimanua ka irip bukku bule ibara enungan kabelaiatnia; itabbo le geti pumataatnia bule ta iitco polak nenda.

Jehz. 12:13

Kubele le geti jarikKu bule kujariknia samba ialania seserekku samba abbitkungannia ka Babel, laggaira tai Kasdim, tapoi taiitco laggai nenda; matei le nia geti sedda.

Jehz. 17:15

Tapoi sirimanua nenda mukela patuat katubunia kabagat masikoiniake pakoiniatnia ka Misir, bule itukau katubunia kuro samba saladdu simigi. Mauktuk pa nia? Momoi pa imaarau sirimanua sigalaiake kisedda? Momoi pa imaarau sirimanua sipasabau palelengan?

4Mos. 14:41

Tapoi kuanangan si Mose: “Angoi nuoba kam masipasabau parentat Tuhan? Ka pagalaiat nenda ta babara puuktungan.