Jer. 30:8 - BUKO SIPUNENAN

⁸ Iageti ka gogoi nenda, kise le' ngangan Tuhan Sebaot, Kubakbakngake geti loina bairanen katetekatda samba pangamprada Kutakkiake le' samba ta'an mupagugulet sia minca ka sangamberi sirimanua siooiake.

Jer. 30:8 Iomraidhean Croise

PSALMEN 107:14

Ambitnangan sia bela sibara ka pugepgeman, samba bakbakakenangan sangamberi appratda.

Jes. 14:1

Ipununtuki le baga si Tuhan Jakob samba Israel paamianNia, samba ipili sia minca sibailiu bakkatNia samba obaakenangan rakuddu ka laggaira. Oto sirimanua siooiake oirangan leu paruru katubutda samba musara ka muntogat jakob.

Jes. 14:25

Kususubuake te tai Asyur ka laggaiKu samba masipaperaki sia ka uddut leleuKu; ribbaiakekungan leu bairanen sigalakakenenda ka paamianKu kisedda leu et bairanen siorakakenenda ka tatara.”

Jes. 14:3

Oto ka gogoi ikappluake si Tuhan besi samba pangoringamui samba pugagalai siubbuakenen siakera katubumui,

Jes. 9:4

Aipoi senen tarangaira saladdu sipukukupkup samba senen leppei simalogau ibailiu le geti laboket obengan.

Jer. 2:20

Aipoi kateteret siburu pei le' anubakbakngakean bairanennu, anutakkiakean sesere pangampram, samba masikua: Ta'akuoba minca tupaguguletnake Aku. Mandean leu ka senen uddut leleu sipununuinuiat samba ka senen tei loina simalibbut nuperep samba muolop tubu.

Jer. 25:14

Aipoi sia leu et geti ibailiu le' pagugulet ka sangamberi bangsa simigi samba tai rimata sabeu, samba Kululumunake le' sia siripot sigalaira samba siripot sigalai kabeira.”

Jer. 27:2

Kasene' le' ngangan Tuhan katubukku: Galai le' pengampra samba bairanen, lepa apraakenungannia ka tetekatnu!

Jer. 27:7

Sangamberi bangsa makala le' geti katubunia, ka tagogania samba kasapunuteteunia, teret iaili leu teteret ka laggainia, iageti maigi le' bangsa samba tai rimata sabeu geti masikalaakenia.

Jer. 28:10

Lepa geti alanangan nabi Hananya bairanen ka tetekat nabi Jeremia, lepa takkiakenangannia.

Jer. 28:13

“Kenan masisegeake katubut nabi Hananya: Kasene le' ngangan Tuhan: Anutakkiakean bairanen loina, tapoi Kugagalai le geti bairanen sibara ka laba sibailiu silinia!

Jer. 28:4

Samba leu si Jokhoya togat Joyakim, rimata Jehuda, pasamba sangamberi sirimanua siribbaiakenen sibara ka Jehuda siambit ka Babel Kutoiliake le' ka kudduat nene, kise te' ngangan Tuhan! Bulatnia te', Kutatakkiake le' bairanen rimata Babel nenda!

Jehz. 30:18

Gogoi ibailiu le magepgep ka Tahpanhes kateteret Kubakbakake geget Misir sedda samba leu puukkanan tubunia, sibaraakenen puroronnia, tulepaake. Laggai nenda itabbo le geti tanai rusa samba tatogania tainanalep tuambit itutangsiake.

Jehz. 34:27

Sangamberi loina ka mone pubuanangan samba polak nenda akenangan leu bua. Murimanua le sia kabagat sanang ka polak nenda. Agairangan getinia, Aku te Tuhan, kateteret Kubakbakake loina bairanenda samba masibelaake sia kakabeira sirimanua sipaguguleni sia.

Nah. 1:13

Kineneiget Kukakappluake'an le pugegeatdra tai Asyur ka kam, samba Kutatakkiakean le rantei siappra kam.”