Jer. 30:7 - BUKO SIPUNENAN

⁷ Oo, bulat makope katai le' gogoi nenda, taanai pakirekatnia; nenda te' teteret pangoringan kai Jakob, tapoi tupaaraunia geti ka tubunia.

Jer. 30:7 Iomraidhean Croise

1Mos. 32:7

Masiarep nenda bulat maloto samba makarat baga le si Jakob. Lepa sangamberi sirimanua pasambania iparubei bailiu rua rubeiat, kisedda leu et biribirinia, kambingnia, jaui samba untania.

PSALMEN 25:22

Oi Taikamanua, belaake tai Israel ka senengamata puokkimannia!

PSALMEN 34:19

Malegre le si Tuhan ka sirimanua simabubu paatat; samba arauakenangan sangamberi sirimanua simatete patuat.

Jes. 20:6

Kateteret nenda sangamberi sirimanua sikuddu ka bebet koat masikua geti, “Itco, kise te uktuk tubu sangamberi sirimanua karonietmai. Siburu katubutda le kuei kai masitiddou paroman bule kubela kai ka rimata Asyur. Kipa te ioi kubela kai?”

Jer. 14:8

Ale Karonien Israel, Sipasiroromnia keteteret puokkiman! Angoi kele sirimanua sioiake le' Ekeu ka laggaimai nene, kele sirimanua sipueppak sipugogoi sangasoibo lepe tuitui?

Jer. 2:27

sipaninibo ka sangate'te' loina: Ekeu te' ukkuiku! samba ka bukku: Ekeu te' situ'tuake matakku! Bulatnia, rateiteiake le' Aku samba ta' ramattai Aku, tapoi kateteret iorak sia pugejaat baga kuarangan: Surungan masipaarau kai!

Jer. 2:28

Kaipangan ta kamanuamui sigalaimui nenda? Eddangannia ratusuru, ke'bai moi rapaarau ekeu ka teteret pugejaat bagamui! Aipoi kele iginia laggainu kise te' iginia tai kamanuamui, ale Jehuda!

Jer. 30:10

Iageti Ekeu, ba'maloloto, ale paguguletKu Jakob, kise te' ngangan Tuhan, bui imakarat bagam, ale tai Israel! Aipoi bulatnia te', Kupaarau le' ekeu ka kudduat ka sareunan samba samuntogatnu ka laggai katuribbaiatra. Totoili le' geti si Jakob samba murimanua simakolou samba masanang, samba ta'anai katuge'ge'kat.

Sou. 1:12

“Ale sangamberi sirimanua situsasabau ka enungan, itco samba lelekake kam! Ai leu pa pangoringan kele kopenia siorikku kineneiget, paoreijat siorakakenen Tuhan katubukku, siorakngakenen Tuhan katubukku kalulut goluNia sabeu nenda?

Sou. 2:13

Oi Jerusalem, Laggai Sion kilibet baga, karagatatnu bele peile kele liot koat. Aponia momoi kukua kuake pusuibiat bagam? Kalulut, tapei anai sipangongorik kele ekeu. Bulatnia taanai sioi masiarauake ekeu.

Sou. 4:6

Paamianku atuukumakean masane peile bele peile ka sipulagai ka Sodom ka sangapeipeikat mata makatainangan kalulut kabei Taikamanua, ta kalulut kabei sirimanua.

Dan. 12:1

Kuanangan minca malaika nenda, “Keteteret nenda babara geti si Mikhael malaika sabeu sipasijago tai Israel. Lepa nenda babara te geti pangoringan sabeu, sita'pei amuaili kateteret siburu kele pat aili tetere pangoringan sabeu nenda. Tapoi sangamberi tai Israel sitususurat oniia kabagat bukot Taikamanua, tupaarau te geti.

Dan. 9:12

Aironnakean tiboietNia, sinegeakenenNu katubumai samba ka sautemai. TiboietNu nenda masikua katubumai, Nubabaraake te pugejaat baga sabeu sitapei amuaili ka polak kele sipuaaili ka Jerusalem.

Hos. 1:11

Tai Jehuda samba tai Israel tusasaraake le sia minca. Rioakerangan sara siuteake sia, samba makakrarangan samba maerunangan puririmanuanda ka laggaira. Bulatnia, gogoi Jizreel ibailiu le geti gogoi siabeu!

Jol. 1:15

Gogoi kaoijanan Tuhan amalegrengan, gogoi kalotoakenen Teteret Sipulugege masibaraake katusaragaiat sirimanua.

Jol. 1:2

Arepake kam, ale sikebbukat laggai, lelekake kam, sangamberimui tai Jehuda. Ai leu kele nene sipuaili kateteremui, ele kateteredda taikebbukatmui?

Jol. 2:11

Mugong le ngangan Tuhan, masiake katuaragat, katubudra saladduNia. Saladdunia maigi sia, samba maron sia masigalaiake sikoiniakenenNia! Bulat makope le lotota gogoi Tuhan, berisara sirimanua siooi masiomake.

Jol. 2:31

Magepgepnangan matat sulu samba laggo ibailiu mabonan kele logau. Sangamberinia nenda geti ibara kepei iaili gogoi Tuhan, gogoi bulat kalotoakenen!

Mik. 4:9

Angoi makope nupusou? Angoi nupangorik kele tainanalep sipususule? Tapa kalulut tatania Rimatam samba sipangantoman kam atataan?

Hab. 3:16

Masiarep nenda sedde' le bagakku samba geret le bibokku, sulei le tubukku aitata ron tubukku, kaipa-kaipa le kupuenung soksoknangan rerekku. Tenan aku meng masingenaake ukuman Taikamanua katubutda sipasasaggak.

Zakh. 14:7

Ka gogoi nenda ta'an babara minca pugepgeman. Gogoi sarat mutorongan le, ia leuet kateteret sinoibo. Tapoi Sarat si Tuhan le iagai teterenia iaili gogoi nenda.

Malk. 4:1

Kuanangan Tuhan Sipulugege, “Iaili te geti gogoinia sangamberi sirimanua simabuak patuat samba sikatai tulabo kele sigetaiat. Ka gogoi nenda labonangan sia pat sappru, samba ta anai sipulelegei ka talagdra.

Mrk. 13:19

Aipoi ka teteret nenda babara paoreat, paoreat kele nenda tapei abara ka polak nene barania aibaraake polak Taikamanua teret kise, samba taan babara minca.

Pugap. 2:20

Magepgepnangan matat sulu samba laggo bailiu kele logau kei bara gogoi Tuhan, gogoi sabeu samba simalatsat.

ROMA 11:26

Kisedda te enungannia ituarauake sangalio Israel, kele sitususurat ka Surat Sipunenan: “Momoi le Sipanebui sibara ka Sion, areuakenangan leu sangamberi pukakatai kai Jakob.

Pamoil. 6:17

Aipoi aiailingan gogoi sabeu pugolukatda, kasei te momoi masiomake nia?”