Jer. 30:6 - BUKO SIPUNENAN

⁶ Sibo pei parereake samba gaba, ai leu taimanteu sipususule? Angoi senen taimanteu Kuitco kabeinia ka tengania kele sara sinanalep sipususule? Angoi senen pumataat isili le' bailiu mamusi?

Jer. 30:6 Iomraidhean Croise

PSALMEN 48:6

kateteret araitconia, kisei le kabagatda, tugegerangan, lepa pakaddonangan sia ratuitui

Jes. 21:3

Kalulut nenda mabesinangan tengangku, imunnangan bagakku kele imun bagat sinanalep sipususule pakoukounangan aku, kalulut siarepku tuge'gekungan, kalulut aponia siitcoku.

Jes. 29:22

Kalulut nenda kuanangan si Tuhan, Taikamanuan muntogat Jakob, Nia sibelaake si Abraham: “Barania kineneiget taan isisilo puailaat si Jakob, samba taan mamumusi matania.

Jer. 13:21

Aponia le' kuanennu, ke'bai tuakkatake sibailiu utenu sangamberi sirimanua nubailiuake sia umunakenen? Ta'pa' pubesikat le' geti masikupkupmake ekeu kele pagalaiat sara sinanalep sipususule'?

Jer. 22:23

Ale ekeu sipukukuddu ka leleu Libanon, samba sipururumun ka sangamberi loinat pinilok! Makope le' nupungu'ngu' kateteret iorak ekeu besi' besi' kele bairanen sinanalep sipususule!

Jer. 4:31

Aipoi kuarep le' nganga kele ngangan sinanalep sipususule', ngangan sirimanua situokip kele ngangan ina sipasitu'tu'ake matat toga siboiki, ngangan okko Sion simaengai, sipasirerepaake kabainia: “Paan te' kaku, aipoi matei le' aku kamatatda sipamamatei!”

Jer. 48:41

Sangamberi laggai samba iripnia tuaaleu geti samba saladdunia muloloto le kele sinanalep sepususule.

Jer. 49:22

Itusakai tuburut kele mayang, tuburut samba ikebbakngake kapponia ka uddut Bazra. Kateteret nenda saladdut Edom muloto kele sinanap sipususule.”

Jer. 49:24

Sipulalaggai ka Damsyik ibailiu masaggo, samba tuitui kalult loto'. Mukatsi samba mangorik le sia kele sinanap sipususule.

Jer. 50:43

Rimata Babel aiarepman katuareman pagalaiat sia, ibailiu masaggo le kabeinia pugejatbaga aitarakupannia, ipangorik kele sinanalep sipususule.

Jer. 6:24

Akuarepman kai katuaremannia, kabeimai aibailiuan masaggo; pangoringan ailabaan kai, kuorik le' kai besi kele sinanalep sipususule.

Dan. 5:6

Lepa pumusinangan matat rimata samba bulat malotonia pat pugeretnangan bokklonia.

Hos. 13:13

Tai Israel ai oggak addeat murimanua, tapoi makope le taiagaira patuat bailiu ta'arapakei oggak nenda. Makere lenia kele toga ta'an mabuburu ipututu mata tapoi ta'ioba bela kabalugut inania.

Jol. 2:6

Kateteret arapurut sia, sangamberidda mugeret tubu, sangamberitda ibailiu mamusi mata samba muloto.

Nah. 2:10

Amakataian te Niniwe, matangeuan samba amagarakngan! Aipulouan sipulaggai sedda kalulut loto. Boklodra ibailiu masaggo samba mugeret. Pumataatdra bailiu mamusi.

1Tes. 5:3

Ke rakua bai, “Aban le samba ta anai apa pa,” lepa tulut saksaknangan sia gejat baga, kele sara sinanalep sipususuruket iorik besit pususule, bulat ta te momoi rabela.