Jer. 3:8 - BUKO SIPUNENAN

⁸ Itconangannia, kalulut paelenannia Kupasaraake le' Israel, sinanalep sitaimatopit nenda, samba masikau katubunia surat pasaraat; tapoi Jehuda, sarainania sinanalep sitaimatopit nenda ta'molotonia, tapoi mei leuetnia muolop tubu.

Jer. 3:8 Iomraidhean Croise

2Taw. 21:11

Samba leu galainangan kudduat pasibuluijiet sabulungan ka leleu Jehuda. Bailiuakenangan tai Isarel samba Jerusalem majo ka matat Tuhan.

Jes. 50:1

Kise te tiboiet Tuhan: “Kaipania surat pasaraat inam toggaiat Akukeklenia? Ele kasei katalagat sipasititiddou utakKu Akusakiake pa ekeu? Bulatnia te, kalulut selem le aitusakiake ekeu samba kalulut pukakatainu aitukekle inam.

Jer. 2:19

Pukakatainu ikukukru le' geti ekeu, samba tuaareunu kai Tuhan iorei le' geti ekeu! Agai samba itco le', kopet katai samba besinia nukaddiuake Tuhan, Taikamanuam, samba ta'an mugeret tubu katubukKu, kise' le' ngangan Tuhan Taikamanua sebaot.

Jer. 3:1

NgangaNia: “Ke' sara sirimanua masisaraake sinanalepnia, lepa sinanalep nenda tuitui katubunia samba bailiu sinanalepda sirimanua sabagei, totoili leu pa' simanteu siboiki ka sinanalep nenda? Ta' pa laggai nenda ama lolitnan? Amujongan ekeu ka umunnakenennu simigi, samba nuoba toili ka tubuKu? kise te' ngangan Tuhan.

Jer. 33:24

“Ta' pa' anupulelek aponia sikuatda sangamberi sirimanua nene: Karua muntogat sipilit Tuhan nenda aitataakean” Kalulut nenda ragegei le' paamianKu, ta'an iaddeakenia sara bangsa.

Jer. 5:7

Kipa, ke' kasedda, momoi pa' Kuappeakeu? Tatogam arakaddiuakean Aku, samba musuppa ta' ka Taikamanua. Lepat Akupaektek sia, paeletrangan, samba paaili ka lalep puoloman.

Jehz. 16:46

Kebbunu sikebbuakat iate Samaria, pasamba tatogania tainanalep mukuddu ka isit bare, samba sarainam bulat sisule iate Sodom, pasamba tatogania mukuddu ka isit kaiaman.

Jehz. 16:47

Ta pa murimanua le ekeu siripot sigalaira samba galaiakenungannia kele sigalaiakenenda sikatai; taan mauju nugalai bulat sikatai ka sanganantat purimanuaiatnu bele peile kataira.

Jehz. 16:51

Samaria ta aigalaiake iletalaga jom, tapoi nugalaiake le maigi pukakatai bele peile ka ruatda, bailiu ka sangamberi pukakatai sigalaiakenennu, nubailiuake sangamberi sasarainam tainanalep kele simatopit.

Jehz. 23:44

Moi le sia katubunia kele raailiake sinanalep simaolop tubu. Kisedda te raei katubut Ohola samba Oholiba bule ragalaiake paelenan.

Jehz. 23:9

Kalulut nenda Kukau le nia kakabeira simanuntu bagania, ka kabeira tai Asyur, katubut kasei pa ipubotbot tubunia.

Hos. 3:4

Kasedda te pagalaiatnia bangsa Israel, bulat maburu te rapurimanua sita'anai rimata ele siuteake sia, ta'anai buluakenen ele kudduat keikeijet, ta'anai sabulungan ele jagot tubu sipaagai purimanuaiat ka gogoi sibabara.

5Mos. 24:1

“Ke ai sara simanteu sitalimouake sara siokko, lepa geti taiobanangannia kalulut ai galai tubunia sibaraake katuailaat. Iageti simanteu nenda kaunangan surat pagalangan ka tubunia, lepa tuituiakenangannia ka lalepnia.

5Mos. 24:3

Tapoi ta amauju taiobanangannia simanteu nenda, iageti simanteu nenda kaunangan surat pagalangan ka tubunia samba tuituiakenangannnia. Ele simanteunia sikarua nene amatei le nia.