Jer. 3:4 - BUKO SIPUNENAN

⁴ Ta'pa simaruei le' anusogai Aku: Ukkuiku! Ekeu le' aleiku ka sule'ku!

Jer. 3:4 Iomraidhean Croise

PSALMEN 119:9

Kipa ipasikeli parabotnia sibau tubu bule imariuriu imalina? Kabagat pukakaronan ka tiboietNu.

PSALMEN 48:14

lelekake kam gelinia, enungi kam sangamberi uma purimataatnia, bule ioi nupungunguake kam nia ka sapunuteteumui ka sibabara:

PSALMEN 71:17

Ale Taikamanua, Anugelaiakean aku barania ka sigoiso peile aku, samba teret kineiget kuparep le sigalaiNu kiseiakenen;

PSALMEN 71:5

Aipoi Ekeu le karonanku, ale Tuhan, katonemanku barania ka bau tubukku, ale Taikamanua.

Pangt. 1:4

Masikau puaagai ka sirimanua sitaimaagai, samba agai kolou samba leu sikut patuat katubutda sibau tubu.

Pangt. 2:17

sikaddiuake simanteunia kateteret mabau peile nia samba sikalipogi pelelengan Taikamanuania;

Jer. 2:2

“Kenan masipaagai ka sipulalaggai ka Jerusalem samba kua: Kise le tiboiet Tuhan: Kurepdep le' nuntut bagam kateteret mabau pei le tubum, kapunununtut bagam kateteret ai bailiu ekeu siputatalimou, kipa nutut Aku kasimatangeu, ka laggai sita'anai siuremannia.

Jer. 2:27

sipaninibo ka sangate'te' loina: Ekeu te' ukkuiku! samba ka bukku: Ekeu te' situ'tuake matakku! Bulatnia, rateiteiake le' Aku samba ta' ramattai Aku, tapoi kateteret iorak sia pugejaat baga kuarangan: Surungan masipaarau kai!

Jer. 3:19

Siboiki Kupaatu: Bulatnia Kuoba le' masikudduake' ekeu katalagatda tatogaKu samba masiake katubum laggai simalainge, bakkat ikepmakenen bulat simakope sanang bele pei le' ka sangamberi bangsa. Kupaatu, nusogai le' Aku: Ukkuiku, samba ta'mutuitui minca kapasitututmui Aku.

Jer. 31:22

Pigamoian le' ujunia ipururua paatuatnu, ale toga sinanalep sitaimeretdet? Aipoi igagalai le' si Tuhan sara sibau ka laggai: tainanalep masilakkaiake taimanteu.”

Jer. 31:9

Kabagat pusosou oi sia kabagat pusuibiatbaga Kuambit le' sia; Kupaneinei le' geti sia ka sangamberi bagat oinan, ka enungan simagaktuk, kaipa ta' ratusoksok; aipoi aibailiuan Aku ukkui Israel, Efraim iate toga sikebbuakatKu.

Hos. 2:15

Sangamberi monen anggurnia toiliakekungannia minca ka tubunia, samba guluggu pugejaat baga bailiuakekungannia matat baliu pasingenaan putoneman baga. Sedda te isilo Aku kele kateteret mabau peile tubunia, kateteret simaruei peile aibela ka Misir.

Malk. 1:6

Kuanangan Tuhan Sipulubeunan katubutda tai Imam, “Sara toga bui' ta isuru' ukkuinia, samba sara pagugulet bui' ta isuru' tuannia. Aku nene iate Ukkuimui, angoi ta nusuru' kam Aku? Aku nene tuanmui, angoi tak maloto' kam katubukKu? Nupaloloi' kam Aku, tapoi nurerere' peile kam, kipa galainia kupaloloi' kai Ekeu?

Malk. 2:14

Parere' kam, angoi ta ioba isiloNia. Kalulut iagai taimatopitmui ka tainanalep sitalimouakenenmui ka teteret sibau tubu peile kam. Sinanalep nenda aleimui murimanua, tapoi anupajo le kam nia, kenanen anugalaian palelengan ka matat Taikamanua bule numariuriu mutopit ka tubuNia.