Jer. 3:3 - BUKO SIPUNENAN

³ Kalulut nenda jaijai urat ta'bebele' samba kabuttet gogoi urat ta'bebele'. Tapoi baranu iate bara sinanalep simaolop tubu, sitaiagai aila le' ekeu.

Jer. 3:3 Iomraidhean Croise

1Mos. 19:34

Pato aimapato' kuanangan kebbunia ka baginia, “Kasoibo silelepa amerepman aku pasamba ukkui! Kasoibo nene leu kautangan iroronia minca. Lepa perep ekeu pasamba nia. Bule senenta bara tatogatta.”

Neh. 9:17

Ta' mareddet sia, sangamberi topitnu kalipogitdrangannia, samba sangamberi pukerengan sigalainu pepe le kapaatuat. Ka buak paatuat pilitdrangan siuteake sia, sipasiabbit sia ka Misir toili bailiu pagugulet. Tapoi ekeu Taikamanua sioba masiappeake le, simaom baga, simakiliu baga samba sisun nuntut baga. Nuntut bagam bulat ta amagulai, ta'anukaddiuake sia.

Pangt. 21:29

Sirimanua simaroipo baga matonem bagania katubunia, tapoi sirimanua sikatai ta iagai katukolobat.

Jes. 5:6

Obaakekungan geti ipututu parou, ta tupalilina loinania, bailiu putu'tunangan turuturu samba bekbek kurut; koiniakekungan geti tanai rusa, bule ta bele urat ka mone nenda.

Jer. 14:1

Tiboiet Tuhan siooi katubut Jeremia pagalaiat teteret legeu.

Jer. 14:22

Ai leu pa' sioi masibeleake' urat katalagat taikakamanua siboboi bangsa nenda? Ele' momoi pa' manua masiake' urat simatirit? Ta' pa' sarat Ekeu le', ale Tuhan Taikamanuamai, karonanmai, sigalai sangamberinia nenda?

Jer. 14:3

Sangamberida siabeu tiboi tubunia masikoiniake sapakoinienda masigaba oinan; sege sia ka sangamberi uggungan, tapoi ta'arasese oinan, bailiu toili sia sarat tappatat sita'kabaga le'. Maaila le' sia, pumataatda ibailiu mabonan, pat tabborangan ute'ra.

Jer. 14:4

Galaiakenen ka mone amuaringan, kalulut taibebelet urat ka laggai, iageti sipumomone mabelenangan bagatda samba tabborangan ute'ra.

Jer. 36:2

“Ala le' buko pupurunan samba suratnake kabagania senengamata tiboiet sinegeakenenKu katubum pagalaiat Israel, Jehuda samba sangamberi bangsa, barania kapanandat Akupanibo katubum iate barania ka puparentaat rimata Josia teret gogoi nene.

Jer. 5:24

Ta'arakua ka paatuatda: Kau le' geti ta'maloto kai Tuhan, Taikamanuanta, sipasiake urat ka teterenia, urat ka panandat rura samba leu urat ka buttet rura, samba sipasikeli ka sita senen menggui simariuriu pasimoneiat

Jer. 5:25

Puseleatnu masikekreake sangamberinia nene, samba jom masipetpetake simaeru ka tubum,

Jer. 5:3

Ale Tuhan, ta' pa' nuipoake mataM ka pubulanan? Nu bo'bo' le sia, tapoi ta'amabesi sia; Pabubunangan sia, tapoi ta'araoba' masisilo nganturat. Rakelaake le' patuatda, bele pei bukku, samba ta'raoba masibauake paatuat.

Jer. 6:15

Siripokatnia maaila le sia, kalulut aragalaiakean le' kasitsitnakenen; Tapoi ta'araagai aila samba ta'araagai lolitda. Kalulut nenda bele le' geti sia katalagatda sirimanua sibebele'; tusoksoksok le' sia kateteret Akuukum sia, ngangan Tuhan.”

Jer. 8:12

Siripokatnia maaila le' sia, aipoi aragalaian paloloiat; tapoi ta'raagai aila samba tatuagai lolitda. Kalulut nenda mabukkat le geti sia, katalagat sangamberi sirimanua simabubukkat, tusoksok bele le' sia kateteret tuukum sia, ngangan Tuhan.

Jer. 9:12

Kasei pa' sirimanua simakope' sikut paatuat, bailiu oinangan iagai kolou pagalaiat nene, sirimanua sipasisisilo tiboiet sibara ka ngungu Tuhan, bule ioi ipaagainia? Aponia lulunia imasusubu laggai nene, magarak kele su'su simangai pat taibaranangan sirimanua sisabauginia?

Jehz. 3:7

Tapoi muntogat Israel ta raoba raarepi ekeu, kalulut ta raoba masiarepi Aku, kalulut sangamberi muntogat Israel makela patuat samba ta mareddet.

3Mos. 26:19

Kubakbakake le geti gege atsiakenenmui. Taan te geti bebele urat, tenan le polaknu bailiu magarak samba makele kele laba'.

Ams. 4:7

Aku leu masikeraake urat katubum, kateteret telungalaggo minca kepei masimonei; Kubeleake le' urat ka sara laggai samba ka laggai bagei ta'tubebeleake urat; mone bage iurani, samba mone, sitaiorak urat ibailiu le' magarak;

Ams. 4:8

sipulalaggai rua telu laggai mei siparere're ka sara laggai mulo' oinan, tapoi ta' masege bagatda; tapoi ta atotoili kam katubukKu,” kise te' ngangan Tuhan.

Zep. 2:1

Oi kam bangsa sitaiagai puailaat, agai pei kam

Zep. 3:5

Tapoi aile' si Tuhan ka laggai nenda, sarat katubulanan le igagalai samba ta'babara simasele. Senen simanseman sarat iake' le katuroipoat ka laggai nenda mariuriu le ragalai katai takmamaila sia.

Hag. 1:11

Akubailiuakean imagarak sangalio polak, samba ka sangamberi tinambu, ka monen gandum samba ka sangamberi monen anggur samba leu et ka sangamberi monen zaitun, samba ka sangamberi siputututu ka polak nene, samba leu et ka tubut sirimanua samba ka tarimeu samba leu ka sangamberi besiakenenmui.”

5Mos. 28:23

Ta'an bebele urat samba magaraknangan polakmui bailiunangannia kele laba'.

Ibr. 12:25

Pagaba kam, bui te ta nuarepi kam nia sipaninibo. Aipoi ke ta bela sia sitaioba masiarepi sipasisesegeake tiboiet Taikamanua ka polak nene, sara pei sita ke ta taarepi nia sipaninibo sibara ka sorga.