Jer. 3:23 - BUKO SIPUNENAN

²³ Bulatnia, sangamberi tinambu pasibuluat iate patajuat le' iate pugaugaupat ka uddut leleu nenda! Bulatnia te', sarat kai Tuhan Taikamanuanta le ai puaraugat Israel!

Jer. 3:23 Iomraidhean Croise

PSALMEN 3:8

Paarau aku, oi Tuhan Taikamanuangku, ukum samba paluluk le sangamberi saggakku.

PSALMEN 62:7

Sarat Nia le leleu bulakku samba puaraugatku, laggai kekrekku, ta ipauilak aku.

Pangt. 21:31

Kenanen ai kuro pakeiet ka pasaggangan, tapoi Tuhan le masiteuake kamanangan.

Jes. 10:20

Tapoi kateteret nenda tai Israel sipulelegei samba sibebela katalagat muntogat Jakob, taan mukakaron minca ka sikalaake sia, tapoi mukaronan le sia simariuriu katubut Tuhan, Sipunenan, Taikamanuan Israel simariuriu nuntut baga.

Jes. 12:2

Bulatnia, Taikamanua nenda puaragatku, matonem bagaku taan maloloto aku. Aipoi Tuhan Taikamanua nenda ronku samba pasiumunku, aibailiuannia puaragatku.”

Jes. 43:11

Aku, Aku le Tuhan samba taanai sipaarau ke ta sibara Kaku.

Jes. 44:9

Sangamberi sirimanua sigalai tularat, sangamberinia siboboi le, samba sangamberi bibilet kilibet bagatda nenda taanai katukaunannia. Sangamberi sibuluiji tularat nenda ta raitco mata samba ta raagai aponia pa; kalulut nenda rasilo le puailaat.

Jes. 45:15

Bulatnia, Ekeu Taikamanua silipputake tubu, Taikamanuan Israel, Sipaarau.

Jes. 45:17

Tapoi tai Israel iarauake le sia si Tuhan kabagat puaraugat teret buruburu; ta tupakaila samba tupalololoi kam teret buruburu.

Jes. 45:20

Paruru kam samba konan kam, patoila ka tubumui simakere, ale kam sangamberimui sibebela katalagat sangamberi bangsa! Taanai simaagai sangamberi sirimanua sipasiabbit tularat sigalai sibara loina samba sipanindou ka taikamanua sitaoi masiarauake.

Jes. 63:1

“Kaseinia sioi sibara ka Edom, sioi sibara ka Bozra sipuleppei simabonan, nia simalainge pasamba leppeinia, sipubakkou kabagat gegenia sabeu? Akute aipalelek puroipoat samba simagege masiarauake!”

Jes. 63:16

Ta pa Ekeu le Ukkuimai? Bulatnia, si Abraham ta iagai aponia pa pagalaiat kai, samba Israel ta iagai kai. Oi Tuhan, Ekeu le Ukkuimai; onim iate “Sipanebui kai” barania peile ka siburu.

Jer. 14:8

Ale Karonien Israel, Sipasiroromnia keteteret puokkiman! Angoi kele sirimanua sioiake le' Ekeu ka laggaimai nene, kele sirimanua sipueppak sipugogoi sangasoibo lepe tuitui?

Jer. 17:14

Aleake le' aku, ale Tuhan, iageti malekungan aku; arauake le' aku, iageti maaraukungan, aipoi Ekeu le kuumunake!

Jer. 17:2

sibailiu repdemen ka sia! Sangamberi kudduat pasibuluatda samba sangamberi arigit buluatda kerenangan ai ka bebet loina simalibbut ka uddut leleu simabuak,

Jer. 3:6

Tiboiet Tuhan katubuku kateteret puparentaat rimata Josia: “Anuitcoan leu aponia sigalaiakenen Israel, sinanalep sitaimatopit nenda, kipa ioi itusakai ka senen uddut leleu simabuak samba iei ka senen tei loina simalibbut muoloptubu.

Jer. 31:7

Aipoi kesene' le' ngangan Tuhan: “Pusoga le' kai Jakob pasamba angkatbaga puangkabaga le' kalulut siuteake sangamberi bangsa! Paagai, umun, samba kua le': “Aipaarauan si Tuhan paamianNia, iate tai Israel sipulelegai!

Jehz. 20:28

Kalulut kalepat Akuambit sia ka laggai kabagat suppa Akupalelekngan Kukaunia katubutda. Raitco le ka senen leleu simabuak samba ka senen buttet loina simaigi ran samba panguruatakerangan sedda buluakenenda sija'ja samba ambitrangan panguruatda sibesikiake patuat, samba leu rasinginake sedda panguruatda simasingin samba panguruatakerangan sedda buluakenenda sipiliakenen.

Hos. 1:7

Tapoi tai Jehuda kupunununtuki le sia baga. Aku, Tuhan, Taikamanuanda masiarauake sia, tapoi ta sialei pasaggangan, samba leu ta sialaei lanjau, ele silogui ele kuro samba sipukukuro.”

Joh. 4:22

Kam nupanindogi kam taiagaietmui, kai geti kuagai kai panindogietmai; aipoi puaragat ka tai Jahudi le ibabara.