Jer. 3:21 - BUKO SIPUNENAN

²¹ Arep! Kasangamberi tu'tut leleu sitaanai paloina-loina maarep le' sou rapasitiddou tatogat Israel, aipoi aratutnakean enungan kapepeat, samba arakalipogingan Tuhan Taikamanuanda.

Jer. 3:21 Iomraidhean Croise

Job 33:27

Puurainangan ka matat sirimanua, samba kuanangan: akugalaiakean jo, samba simaroipo akukoilutnakean, tapoi ta atulumunake katubukku.

Pangt. 10:9

Kasei simalina paraboat, mariuriu puenunganannia, tapoi kasei simaigi katusoiman enungannia, tuaagai le geti.

Pangt. 19:3

Taiagai patuat iate sipepeake enungan sirimanua, iageti seleakenangan Tuhan.

Jes. 15:2

Okkot Dibon manatra ka leleu pasibuluat musou; Moab mugeri kalulut Nebo samba Medeba. Sedda te rukuilu utera sangamberitda samba rakirit bulut ngungunda sibailiu toggaiat reureu baga.

Jes. 17:10

Kalulut anukalipogingan Taikamanua siarauake ekeu, samba ta anurepdep leleu bukku sibailiu ronnu. Kalulut nenda kenanen nugalai, mone simalainge samba nupangureminia uremen bulat simaeru,

Jes. 57:11

Kasei katubu numaloloto bailiu pabokonungan samba ta anurepdep Aku ele nupuletsei Aku? Ta pa kalulut taipaninibokKu samba tatabbokKu matatakKu, oto taimalotonungan katubukKu!

Jer. 12:12

Amoian sipakatainia masigejengi sangamberi leleu simagarak ka simatangeu; aipoi lanjau Tuhan mugolu masikom barania katutut laggai sara ka tutut laggai bagei; ta'anai aban kasangamberi sipuririmanua.

Jer. 13:25

Nenda te' enungan puririmanum, rubeiatnu sikireKu addeatnu, kise te' ngangan Tuhan, kalulut anukalipogingan Aku, samba anukatonemingan sipatataju.

Jer. 18:15

Tapoi paaminKu arakalipogingan Aku, aralabo' le' buluakenen katubut taikamanua pusiboboiat; atusoksokan sia bele' ka sangamberi enunganda, iate sangamberi enungan baranangan kasiburu pei le', samba tusoip ka enungan, iate enungan sitaigagaktukngakenen.

Jer. 2:32

Momoi leu pa' sara siokko ikalipogi pulalaingeannia, ele sara siokko siputatalimou ikalipogi akkik tengania? Tapoi paamianKu masikalipogi Aku, kateteret ta'an tuagai tuadde ujunia.

Jer. 3:2

Papitsaake' pei matam ka sangamberi leleu sitaanai paloina loina samba itco pei! Kaipa' ta'araperemi ekeu? Ka sangamberi bebet enungan nukuddu masingena umunakenennu kele tai Arab ka su'su' simatangeu. Anupalolit laggai ka paeletnu samba ka pukakatainu.

Jer. 31:9

Kabagat pusosou oi sia kabagat pusuibiatbaga Kuambit le' sia; Kupaneinei le' geti sia ka sangamberi bagat oinan, ka enungan simagaktuk, kaipa ta' ratusoksok; aipoi aibailiuan Aku ukkui Israel, Efraim iate toga sikebbuakatKu.

Jer. 7:29

Sapu le alai ka utenu samba ribbaiake le'! “Pusoubaga ka uddut leleu sitaanai loina, aipoi aikeraakean si Tuhan samba airibbaiakean bangsa siorak goluNia!

Jehz. 23:35

Kalulut nenda, kise te tiboiet Tuhan Taikamanua: Kalulut anukalipogi poi Aku samba nukateiteiake Aku, kineneiget bairatle paeletnu samba puloman tubum.”

Jehz. 7:16

Samba kenanen ai situarau katalagatda, mukuddu le sia geti ka sangamberi leleu kele uma' limendeu ka sangamberi su'su, sangamberinia mukatci, senesenenda kalulut puseleatnia.

Hos. 13:6

Tapoi kele anukudduiji kam laggai simaeru samba masege bagamui, mabuaknangan patuatmui samba kalipogimuian aku.

Hos. 8:14

Tai Israel masigalai lalep, tapoi rakakalipogi sipasibabara sia. Tai Jehuda masipaigi laggai sibara pujagoat, tapoi aku geti masibeleake obengan addeat masilabo itata sangamberi lalep samba laggaira.

Mik. 3:9

Arepake' kam tiboietku nene, ale kam sautet Israel sipulagaki baga simaroipo samba sipasiaake katuroipoat.

4Mos. 22:32

Parerenangan malaikat Tuhan, “Angoi nubo'bo kalideinu aili telu ngaminca? Moi Aku masisaila ekeu, aipoi siripot sipinatukku, ta maeru nuei.

2Kor. 7:10

Aipoi reureu baga siripot siobat Taikamanua, masibaraake katubaugat paatuat sipasikakau ka puaragat samba ta ioolei baga; tapoi reureu baga sibara ka polak masibaraake kamateiat.