Jer. 3:19 - BUKO SIPUNENAN

¹⁹ Siboiki Kupaatu: Bulatnia Kuoba le' masikudduake' ekeu katalagatda tatogaKu samba masiake katubum laggai simalainge, bakkat ikepmakenen bulat simakope sanang bele pei le' ka sangamberi bangsa. Kupaatu, nusogai le' Aku: Ukkuiku, samba ta'mutuitui minca kapasitututmui Aku.

Jer. 3:19 Iomraidhean Croise

PSALMEN 106:24

Ta'taakerangan laggai simalainge nenda, ta matonem bagatda ka tiboietNia.

PSALMEN 16:6

Bulat malainge le akenenNu ka tubukku, bulat siangkaake bagaku!

PSALMEN 89:26

Kugalai le geti kabeinia masikupkup koat, samba kabeinia sikattoet masikupkup sangamberi bagat oinan.

Pangt. 3:35

Sirimanua simasiku patuat ibakkati le katuumunan, tapoi sirimanua simakela patuat isilo le geti paloloiat.

Jes. 63:16

Ta pa Ekeu le Ukkuimai? Bulatnia, si Abraham ta iagai aponia pa pagalaiat kai, samba Israel ta iagai kai. Oi Tuhan, Ekeu le Ukkuimai; onim iate “Sipanebui kai” barania peile ka siburu.

Jes. 64:8

Tapoi kineneiget, ale Tuhan, Ekeu le Ukkuimai! Kai te polak ottot samba Ekeu sigalai kai, samba sangamberimai iate sigalai kabeiNu.

Jer. 12:10

Maigi le' sipasijago amasipakai monen anggurKu, masipaperaki sangamberi polakKu, samba ragalai le' polak simakiliu bagaKu bailiu su'su simatangeu.

Jer. 3:17

Kateteret nenda Jerusalem tuoniake le' geti “Kudduat purimataat Tuhan', samba senen bangsa paruru le' geti sedda, ka onin Tuhan ka Jerusalem, samba taan ratututnake siripot pukelakat paatuatnia sikatai.

Jer. 3:4

Ta'pa simaruei le' anusogai Aku: Ukkuiku! Ekeu le' aleiku ka sule'ku!

Jer. 31:20

Toga kilibetbaga pa' Efraim kaKu ele toga obaket le'? Aipoi senen Kugolunia, ta' takki Kurepdepnia; kalulut nenda mangeleibangakKu katubunia; taiagai ta' imakiliubagaKu katubunia kise te' ngangan Tuhan.

Jer. 31:9

Kabagat pusosou oi sia kabagat pusuibiatbaga Kuambit le' sia; Kupaneinei le' geti sia ka sangamberi bagat oinan, ka enungan simagaktuk, kaipa ta' ratusoksok; aipoi aibailiuan Aku ukkui Israel, Efraim iate toga sikebbuakatKu.

Jer. 33:9

Laggai nene geti ibabailiu le' puangkakatbaga: tuoni, tuumun samba tuabeuake kaKu kamatat sangamberi bangsa ka polak sipasiaarep pagalaiat sangamberi pueeru sigalaiKu katubunia; tugege'ge' le' sia samba mugegeret le' tubutra kalulut sangamberi pueeru samba sangamberi sun puririmanua sigalaiKu katubunia.

Jer. 5:7

Kipa, ke' kasedda, momoi pa' Kuappeakeu? Tatogam arakaddiuakean Aku, samba musuppa ta' ka Taikamanua. Lepat Akupaektek sia, paeletrangan, samba paaili ka lalep puoloman.

Jehz. 20:6

Ka gogoi nenda amusuppa Aku katubutda masiambit sia bela ka laggai Misir mei ka polak sipilikKu kaunenKu katubutda, laggai sipususukkra susu samba suat mani, polak simaeru katalagat sangamberi laggai.

Dan. 11:16

Rimata laggai ka bare' nenda igalai le geti siobakat bagania, samba berisara simagege masisagganginia. Kudduijinangan leu Polak Simalainge samba sangamberinia ai kabagat kupkumennia.

Dan. 11:41

Kisedda leu et polak simalainge isaggangi geti, samba imateiake sipupuluribu sirimanua. Tapoi purimataat Edom, Moab samba rubeiat simaeru ka muntogat Amon ta isasaggangi.

Dan. 11:45

Irioake le geti sapou puaabeunia kapaoggangan koat samba leleu kudduat Uman Tuhan. Tapoi lepa geti matei le nia samba berisara sirimanua siropmakenia.”

Dan. 8:9

Iageti sara katalagat ban nenda tu'tu sara ban sigoiso. Ban nenda bailiunangannia memei mabebeu samba gegenia siaili ka isit kaiaman, kebelaiat sulu samba ka isit polak bulat simalainge.

Hos. 11:8

Kuanangan si Tuhan, “Ale kam tai Israel, ta'momoi le kuobaake ekeu ele kukaddiuake ekeu. Momoi pa kusubuake ekeu kele si Adma, ele kugalaiake kele si Zeboim? Ta'iaili patuatku kugalaiake kele pagalaiat nenda, kalulut nuntut bagakku katubum makope beunan.

Gal. 3:26

Tatogat Taikamanuangan le poi kam sangamberimui kalulut tonem baga ka Kristus Jesus.

EPESUS 1:5

kirenangan aiteuakean ka bagat Jesus Kristus ibailiu sita tatogania, siripot siobat bagania,

5Mos. 14:1

“Kam nene iate paamian Tuhan Taikamanuamui. Oto ka teteret ai kam murereureu baga kalulut sirimanua sitatata', bui' nubaraake kam mauju' ka tubumui ele nusapu kam alaimui ka mata kele sigalaiakenendra tai bangsa bagei.

Ibr. 10:39

Sita geti ta sirimanua sisiksik teitei, sieei ka pulangokat, simatonem baga le, sieei ka puaragat.

1Ptr. 1:17

Ke nuagai kam nia Ukkui, sitaiiggat masiukum senen sirimanua siripot sigalaira, oto kau numaloto kam murimanua ujumui musitoi ka polak nene.