Jer. 3:18 - BUKO SIPUNENAN

¹⁸ Kateteret nenda mei le' geti muntogat Jehuda ka muntogat Israel, samba moi le' sia simakere baratda ka laggai ka isit ka bare ka laggai siparubeiKu ka taikebbukatmui sibailiu bakkat ikepmakenen.

Jer. 3:18 Iomraidhean Croise

1Mos. 12:7

Patoilanangan tubunia si Tuhan kai Abram samba kuanangan katubunia, “Nene te laggai akenenKu geti kasapunuteteunu.” Lepa rio'akenangan si Abram sara kudduat pasibuluat sedda addeat Tuhan sipasitotoilaake tubu ka tubunia.

Jes. 43:5

Bui' numaloto, kalulut Kupaalei le ekeu, Kuake le geti sateteunu sibara ka kabelaiat sulu, samba Kururuake geti ekeu sibara ka kabelekat sulu.

Jes. 43:6

Aku masikua geti katubut bare: Akean le! samba katubut kaiaman: Baan kekera! Abbit le tatogakKu taimanteu sibara ka sareunan, samba tatogakKu tainanalep sibara ka tu'tut polak,

Jer. 16:15

tapoi: Katubut Tuhan sipuririrmanua, sipalulu tai Israel bela ka laggai ka bare' samba sibara kasangamberi laggai kaipa aipasabu sia! Kalulut Kuambit geti sia minca toili ka laggai sikauKu ka taikebbukatda.

Jer. 23:8

tapoi: Kai Tuhan sipuririmanua sipalululu samba sipasiambit toili muntogat Israel bela ka laggai ka isit ka bare, samba sibara ka sangamberi laggai kaipa aipasabu sia!, iageti kudduat sia kapolakda senenda.”

Jer. 3:12

Kenan le' masigereiake sangamberi tiboiet nene ka bare' kua le': Toiliangan le' ale Israel, sinanalep siareuake Aku, kise le ngangan Tuhan. PumataatKu ta'masusulei katubumui, aipoi Aku nene simaanggai baga le, kise le ngangan Tuhan, ta'an mugogolu Aku teret buruburu.

Jer. 30:3

Aipoi, bulatnia te, babara geti teterenia, kise te ngangan Tuhan, Kupaeru le' geti minca puririmanuan paamianKu Israel samba Jehuda ngangan Tuhan samba Kutotoiliake geti sia ka laggai sikauKu ka taikebbuakatra, samba bakkatirangannia.

Jer. 31:8

Bulatnia te, Kuaambit le' geti sia baratra ka polak ka bare' samba turururuake le' geti sia barania ka tutut polak; ka talagatra ai sirimanua simapeset samba simasakit, ia tainanalep sipususuruket pasamba parurukat sipususule'; kabagat mungkuat sabeu toili le' geti sia minca sene!

Jer. 50:20

Kateteret nenda, kise le ngangan Tuhan, ragabe le geti sirimanua puseleatra tai Israel, samba jotda tai Jehuda, tapoi ta'aisese, Kuappeake le geti sirimanua sipaarauKu.

Jer. 50:4

Kuanangan si Tuhan, “Kateteret nenda tai Israel samba tai Jehuda momoi geti sia simakere musou, masigaba Aku, Taiakamanuanra.

Jer. 50:5

Raparereake geti enungan ka Sion, iageti puenungrangan kaenungan siei sedda. Konan kam tapatabraake tubu kai Tuhan, patabra ka sara palelengan simatom sitaoitukalipogi!

Jer. 7:7

oto Kuoba le' mukuddu pasamba kam ka kudduat nene, ka polak siakeKu ka taikebbukatmui, barania ka siburu teret buruburu.

Jehz. 11:17

kalulut nenda kua: Kise te tiboiet Tuhan Taikamanua: Kupatataddeake te kam baramui ka tai bangsa samba masiruruake kam baramui ka sangamberi laggai ka kudduat katusaragaiatmui, samba akekungan geti katubumui polak Israel.

Hos. 1:11

Tai Jehuda samba tai Israel tusasaraake le sia minca. Rioakerangan sara siuteake sia, samba makakrarangan samba maerunangan puririmanuanda ka laggaira. Bulatnia, gogoi Jizreel ibailiu le geti gogoi siabeu!

Hos. 2:2

Kuanangan si Tuhan, “Ale kam tatogakKu, inamui ta'an sinanalepKu, samba ta'an simanteunia Aku. Kalulut nenda pakaroake kamnia bule bui ipaelet samba buian ipuolop tubu minca.

Ams. 9:15

Iageti Kupauuremi le sia ka polakra, samba ta'an tupabuburau sia minca ka polak sikauKu katubutra,” ngangan Tuhan, Taikamanua.

Zakh. 10:6

“Kuparon le geti sipulaggai ka Jehuda, paamian Israel geti Kupaarau le. Kuambit le sia ratoili minca ka tobbou laggaira kalulut manuntu poi bagaKu ka tubutdra. Kuaddeake le sia kele sara bangsa si taanai puseleat. Aku te si Tuhan Taikamanuandra, sangamberi panindogatda leu Kupuletsei le geti minca.

Zakh. 2:6

Kuanangan si Tuhan ka tubut paamianNia, “Aku pasabungan kam ka sangamberi matat rusa. Tapoi kineneiget katuitui kam ka Babilonia