Jer. 3:17 - BUKO SIPUNENAN

¹⁷ Kateteret nenda Jerusalem tuoniake le' geti “Kudduat purimataat Tuhan', samba senen bangsa paruru le' geti sedda, ka onin Tuhan ka Jerusalem, samba taan ratututnake siripot pukelakat paatuatnia sikatai.

Jer. 3:17 Iomraidhean Croise

1Mos. 8:21

Singin tubut panguruatnakenen buluakenen nenda masiangkaake bagat Tuhan, samba Ikua kapaatuat, “Taan Kutetelei geti polak nene kalulut galaitubut sirimanua; Akuagaian, kateteret bau tubunia, paatuat sirimanua nenda makatai. Taan Kususubuake geti minca sangamberi sipungongoingoi kele sigalaiKu simaruei nene.

1Rim. 8:41

Ke sara sirimanua siooiake, ta tai Israel, sibara ka tobbou laggai kasareunan moi kalulut Ekeu, –

PSALMEN 102:23

kateteret araparuru simakere sangamberi bangsa samba sangamberi purimataat rapanindou katubut Tuhan.

PSALMEN 78:8

samba bui' kele taikebbukatda, reddedenan sikatai samba simakela patuat, reddenan sitaimamuine patuat samba sitaimaron muandai ka Taikamanua.

PSALMEN 87:3

Sangamberi pagalaiat simalatsat tukua pagalaiat ekeu, ale laggai Taikamanua. S e l a

Jes. 26:8

Oi Tuhan, aileu kungengenaake kai ka enungan puroipoatNu teterenia Nuenungake pasiukuman; obaket bagamai iate masisogai onim samba masirepdep Ekeu.

Jes. 56:6

Sangamberi sirimanua siooiake siruruake tubunia katubut Tuhan sibailiu sipuukuNia, masipununtuki baga onin Tuhan samba ibailiu sapaguguletNia, sangamberitda sipasisuru gogoi Sabat samba sitaipalolitnia samba siukkaake palelenganKu,

Jes. 59:19

oto malotorangan sirimanua ka onin Tuhan ka kudduat kabelekat sulu samba maloto sirimanua ka pulatsananNia ka sikalaut, kalulut moi le nia geti kele roirai sibara ka kudduat simaokkip, situkkluakenen engan Tuhan.

Jes. 6:1

Ka rura kamateiat Rimata Uzia, itsokungan si Tuhan mukuddu ka uddenan purimataatNia simabuak samba tu'tut leppeiNia masilakkup Uma Sipunenan.

Jes. 66:1

Kise te tiboiet Tuhan: Manua iate kudduat purimataatKu samba polak kalak rerekKu; lalep kipangan le nuririoake kam kaku, samba kudduat kipangan le sibailiu puariatKu?

Jes. 66:18

Kuagai sangamberi sigalai samba siisiakenenda, samba moi le Aku Kururuake sangamberi bangsa sibara ka sangamberi nganga, samba moi le sia geti samba itcorangan pulatsananKu.

Jes. 66:20

Raambit le geti sangamberi sasarainamui sibara ka bangsa sibailiu buluakenen kai Tuhan ka uddut kuro samba kereta samba ka uddut pasibairat, ka uddut kalidei samba unta sinanalep simanangka muenung, ka uddut leleuKu sipunenan, ka Jerusalem, tiboiet Tuhan, kele raambit buluakenen tai Israel kabagat kudduat simapunen ka Uman Tuhan.

Jer. 11:8

Tapoi ta'raoba masiarepake ele masilelekake, tapoi senenda ratutake le' kelat paatuatda sikatai: iageti Akubaraakean katubutda sangamberi nganga palelengan nene, siparentaakenKu tuukkaake, tapoi ta'araukkaake.”

Jer. 12:15

Tapoi lepat Kuburau sia, iageti Kupununtuki baga le' geti sia minca. Kutotiliake le' geti sia senenda ka laggainia.

Jer. 12:16

Samba ke'bai bulat sibulatnia ragelai enungan puririmanuan paamianKu bailiu pusupparangan ka oningKu, ‘Kai Tuhan sipuririmanua,’ kele siboiki ragelaiake paamianKu musuppa kai Baal, Iageti sia leu turioake ka talagat paamianKu.

Jer. 14:21

Buian Nukeraake kai, kalulut oniM, samba buian Nupaloloi kudduat pulatsananNu! Repdep le' palelenganNu pasamba kai, buian Nulepaakenia!

Jer. 16:12

Samba nugalaiake kam simakope katai bele pei taikebbukatmui. Itco, sene-senemui masitutake pukelakat paatuatmui sikatai bele pei le masiarepi Aku.

Jer. 16:19

Ale Tuhan, puronanku samba iripku, kudduat katuituiatku ka gogoi pusaggoat! KatubuM le' geti raoi sangamberi bangsa sibara katutut polak masikua: “Bulatnia, taikebbukatmai sarat masibakkati sabulungan sipatataju sabulungan siboboi berisara ta'anai paluluatnia.

Jer. 17:12

Kudduat pulatsanan, malina le' baranangan ka siboiki, kudduat uma sipunenanta!

Jer. 18:12

Tapoi rakua le': Ta'anai lulunia! Aipoi kuoba le' kai mugalaitubu masitut pinaatumai senemai samba senenda masigalaike masitut pukelakat paatuatnia sikatai.”

Jer. 3:19

Siboiki Kupaatu: Bulatnia Kuoba le' masikudduake' ekeu katalagatda tatogaKu samba masiake katubum laggai simalainge, bakkat ikepmakenen bulat simakope sanang bele pei le' ka sangamberi bangsa. Kupaatu, nusogai le' Aku: Ukkuiku, samba ta'mutuitui minca kapasitututmui Aku.

Jer. 31:23

Kasene' le' ngangan Tuhan Sebaot, Taikamanuan Israel, “Sirimanua masitiboake toboiet nene minca ka polak Jehuda samba ka sangamberi laggainia, ke'bai Akutoiliakean puririmanuanra: Bule ipanukani ekeu si Tuhan, ale kudduat pubulanan ale leleu sipunenen!

Jer. 33:9

Laggai nene geti ibabailiu le' puangkakatbaga: tuoni, tuumun samba tuabeuake kaKu kamatat sangamberi bangsa ka polak sipasiaarep pagalaiat sangamberi pueeru sigalaiKu katubunia; tugege'ge' le' sia samba mugegeret le' tubutra kalulut sangamberi pueeru samba sangamberi sun puririmanua sigalaiKu katubunia.

Jer. 4:2

Samna ke'bai musuppakam ka bagat topit, kabagat puroipoat samba kabagat pubulanan: Kise Tuhan sipuririrmanu!, iageti sangamberi bangsa pasukat le' geti sia katubuNia samba masiumun tubu katubuNia.”

Jer. 7:24

Tapoi ta'raoba masiarepi samba ta'raoba masipuletsei. Raoba pei le' masitutnake isiatda samba pukelakat paatuatdra sikatai samba rapatoila le' teiteira samba ta' pumataatda.

Jer. 9:14

tapoi aratutake le' pukelakat paatuatda samba masitut tai Baal kele sigelaiakenen taikebbukatda katubutda.

Jehz. 1:26

Ka uddut manua sikuddu ka utera ai kele uddenan purimataat kele permata lazurit; samba ka uddut siputubu kele uddenan purimataat ituitco kele putubuat sirimanua.

Jehz. 43:7

kuananganNia katubukku: “Ale togat sirimanua, nene te kudduat uddenan purimataatKu samba nene te kudduat peraket rerekKu; sene' te geti Kukukuddu katalagatda tai Israel teret buruburu samba muntogat Israel ta'an rapalololit oningKu sipunenan; sia samba leuet tai rimatatda, pasamba puoloman tubutda ele pasamba sangamberi tubut rimatatda simamatei;

Jehz. 48:35

Oto sangalio kupkumen laggai nenda iate pulu balu ribu ngaeto. Barania ka gogoi nenda onin kupkumen laggai nenda iate: Tuhan MOI SEDDA.”

Zakh. 2:11

Kateteret nenda maigi le bangsa siooi ka tubut Tuhan addeat ibailiu paamianNia. Mukuddu le Nia geti ka talagamui, samba agaimuian si Tuhan le amasikoiniake aku ka tubumui.

Zakh. 8:8

samba tuambit sia ratoili minca baratda ka bare samba sibara ka sikaleleu, bailiu rakuddu minca ka Jerusalem. Bailiunangan geti sia paamianKu samba bailiunangan Aku Taikamanuandra. Paneineikungan sia pasamba topit samba puroipoat.”

4Mos. 15:39

Oto simajai nenda masiparepdep kam, ke' nuitso bai kam, ka senen parentat Tuhan, pat galaiakemuiannia samba taan nututut kam patuatmui ele matamui, kele simatukkle nugalaiake kam kabagat tai matopitmui katubut Tuhan.

ROMA 1:21

Kenanen poi raagai Taikamanua, tapoi ta rasuru nia simateu ka Taikamanua, ele rasuraki nia. Bailoknia le, sarat si ta galai le rapaatu, samba paatuatda sitaiagai apa pa bailiu magepgep.

ROMA 6:14

Taan poi ipaneneinei kam jo, aipoi taan anai kam ka kupkumen Surukat, aian le kam ka kupkumen kiliu bagat Taikamanua.

Gal. 4:26

Tapoi Jerusalem ka sorga geti ia te sinanalep sipuuja, ia te inanta.

5Mos. 29:29

Ai piga pa sipinakelet Tuhan Taikamanuanta, tapoi surukatNia aipatoilaan ka tubutta, sita samba leu sapunuteteuta buita tareddet teret buru-buru.”

Pas. 2:19

Tapoi ke matei saute nenda, puparaboanan bangsa nenda sisaliu katai peile ka reddenan siboiki. Sia masipaguguletnake tubutda ka taikamanua bagei samba masibuluiji taikamanua bagei. Toili sia ka katukelatda sikatai samba ta raoba masisili paraboatda.