Jer. 3:14 - BUKO SIPUNENAN

¹⁴ Toiliake kam, ale tatoga situaareu katubukKu, kise te' ngangan Tuhan, kalulut aibailiuan Aku tuan ka kam! Kuala te' geti kam, sara sirimanua kasenen laggai, rua sirimanua kasenen muntogat, samba masiambitkam ka Sion.

Jer. 3:14 Iomraidhean Croise

2Taw. 30:6

Iageti tuitui sia simaola sikoiniakenen nenda ka sangaliot Israel samba Jehuda masiambit surat sibara kai rimata samba ka sikebbukat laggai, samba segeakerangannia kele sikuat rimata, “Ale tai Israel, toiliake kam kai Tuhan, Taikamanuan Abraham, Ishak samba Israel, bule itoili minca si Tuhan iropake kam.

Jes. 1:9

Ke Tuhan Sebaot ta ilegeiake ka sita goiso sirimanua sibebela, aibailiuan sita kele Sodom, samba kele Gomora.

Jes. 10:22

Kenanen tai Israel kineneiget makere le igit ngai ka bebet koat, tapoi sarat legeinia le totoili. Aibulatakean si Tuhan kaooinia katusubuat samba sibara sedda puottounangan katuroipoat sipububuggra.

Jes. 17:6

Tapoi mulelegei te katubunia appengen ka gogoi sibabara kele kateteret ragetai buat zaitun, mulegei sara ele rua ka tu'tut buttetnia samba piga pa ka rannia, kisedda te tiboiet Tuhan, Taikamanuan Israel.

Jes. 27:12

Oto tetere nenda pameraknangan geti si Tuhan barania kabagat oinan Efrat pat aili bagat oinan Misir, samba kam nene tururuake geti pasasara, ale tai Israel!

Jes. 31:6

Bauake kam patuatmui katubuNia, ale tai Israel, nuareuake kam tubumui katubuNia!

Jes. 44:22

Akuposangan sangamberi jom pukelakat patuatnu kele kujuk iburutakenia rusa samba sangamberi jom kele tanai rusa siboroiakenen. Toiliake ekeu katubukKu, kalulut Akutebuian ekeu!

Jes. 54:5

Kalulut sibailiu simanteunu iate Nia sibaraake ekeu, Tuhan Sebaot oniNia; sibailiu Sipanebui ekeu iate Sipululatsat, Taikamanuan Israel, Tuoniake le Nia Taikamanua ka sangaliot polak.

Jes. 55:7

Eddangan sirimanua sikatai rakaddiuake enunganda, samba sirimanua sikatai rakaddiuake siisiakenenda; eddangan itoili katubut Tuhan, oto pununtukinangannia baga, samba ka Taikamanuanta, kalulut iake le katuappekat kabagat anggai baga.

Jes. 57:17

Mugolu le Aku kalulut puseleat alau bagania, Kuukum le nia, Kulipputake matakKu samba mugolu, tapoi ikaddiuake le katonemiennia, bailiu enunginangan enungan sipilit patuatnia.

Jes. 6:13

Samba ke ai mulegei katalagatda seperpulu, buita iorak peile sia sangaminca katusubuat, tapoi purimanuaitda ibailiu geti kele loina sokut sipuririo turonia kateteret itutadde. Sibara ka turo nenda te ibebela sinula sipunenan!”

Jer. 2:19

Pukakatainu ikukukru le' geti ekeu, samba tuaareunu kai Tuhan iorei le' geti ekeu! Agai samba itco le', kopet katai samba besinia nukaddiuake Tuhan, Taikamanuam, samba ta'an mugeret tubu katubukKu, kise' le' ngangan Tuhan Taikamanua sebaot.

Jer. 2:2

“Kenan masipaagai ka sipulalaggai ka Jerusalem samba kua: Kise le tiboiet Tuhan: Kurepdep le' nuntut bagam kateteret mabau pei le tubum, kapunununtut bagam kateteret ai bailiu ekeu siputatalimou, kipa nutut Aku kasimatangeu, ka laggai sita'anai siuremannia.

Jer. 23:3

Samba sarakKu le' geti masirururuake biribiri-ku sipulelegei sibara kasenen laggai kaipa Akupasabu sia samba Kuambit le' sia minca geti ka laggaira: bara le' tuppai tubutda samba tuppainangan igitda.

Jer. 29:14

Kuake geti kakam nusese kam Aku, kise te' ngangan Tuhan, samba Kupaeru geti puririmanuamui samba Kururuake geti kam katalagat senganberi bangsa ka senen kudduat kai pa Akupasabukam kise te ngangan Tuhan samba Kutoiliake geti kam ka kudduat kaipa' Akuribbaiakekam. –

Jer. 3:1

NgangaNia: “Ke' sara sirimanua masisaraake sinanalepnia, lepa sinanalep nenda tuitui katubunia samba bailiu sinanalepda sirimanua sabagei, totoili leu pa' simanteu siboiki ka sinanalep nenda? Ta' pa laggai nenda ama lolitnan? Amujongan ekeu ka umunnakenennu simigi, samba nuoba toili ka tubuKu? kise te' ngangan Tuhan.

Jer. 3:12

Kenan le' masigereiake sangamberi tiboiet nene ka bare' kua le': Toiliangan le' ale Israel, sinanalep siareuake Aku, kise le ngangan Tuhan. PumataatKu ta'masusulei katubumui, aipoi Aku nene simaanggai baga le, kise le ngangan Tuhan, ta'an mugogolu Aku teret buruburu.

Jer. 3:8

Itconangannia, kalulut paelenannia Kupasaraake le' Israel, sinanalep sitaimatopit nenda, samba masikau katubunia surat pasaraat; tapoi Jehuda, sarainania sinanalep sitaimatopit nenda ta'molotonia, tapoi mei leuetnia muolop tubu.

Jer. 31:12

Momoi te' geti sia musoga angkatbaga ka uddut leleu Sion, pumataatda malatsat kalulut pusisikut patuat Tuhan, kalulut gandum, anggur samba tula, kalulut sangamberi togat biribiri samba jaui; puririmanuanda geti kele mone sisuaiji simakolou, ta'an geti mululu'baga sia minca.

Jer. 31:32

ta' kele palelengan sigalaiKu pasamba taikebbukatra kateteret Akuukkaake kabeira addeat masiambit sia bela ka laggai Misir; PalelenganKu nenda arapasabauan, kenenen bai ibailiu Aku tuan simagege ka sia, kise te' ngangan Tuhan.

Jer. 31:6

Bulatnia, babara geti gogonia, sipujajago mugegerei geti ka leleu Efraim: Kauan, konan tapanatra ka Sion, kai Tuhan Taikamanuanta!

Hos. 5:15

Kukakaddiuake le geti paamianKu teret sege rapangorik kalulut sangamberi jodra, lepa oi sia masigaba Aku. Buleu ka bagat pangongorikdra, besiakerangan geti masigaba Aku.”

Zakh. 1:4

Bui'an kele taikebbukatmui. Siburu peile tai nabi masisege'ake patonekatKu ka tubutdra bui' ragalai minca katai samba jo. Tapoi taarapuletcei samba taraoba mureddet katubukKu.

ROMA 9:27

Si Jesaya leu amusoga pagalaiat tai Israel: “Kenanen kele ngai ka koat igida bangsa Israel, sarat goiso muririmanua.