Jer. 3:13 - BUKO SIPUNENAN

¹³ Sarat seseake le', puseselem, anusaggangingan Tuhan, Taikamanuam, anusunakeaan nuntut baga kaolop tubu ka siooiake ka senen tei loina simalibbut, samba taanuarepikam ngangangKu, kise te' ngangan Tuhan.”

Jer. 3:13 Iomraidhean Croise

Neh. 9:2

Rasaraake tubutdra ka sangamberi sirimanua sioiake. Sibailiu toggaiat reureu baga, pakeirangan komak goni samba rapakarap abu ka utera. Lepa puriorangan samba seseakerangan sangamberi jodra samba seletda taikebbukatra.

Pangt. 28:13

Kasei silipputake jonia ta mauktuknia, tapoi kasei sipoiliat samba sikaddiuake jonia, tupununtuki le nia baga.

Jes. 57:5

ale kam sirimanua simakope botbot tubu ka tei loina buluijiet, ka senen tei loina simalibbut, ale sangamberi sirimanua sijaja tatoga ka sangamberi su'su, kabagat polou sangamberi leleu bukku.

Jer. 14:10

Kasene le' tiboiet Tuhan pagalaiat bangsa nene: Maangka bagatda muteba' samba ta'raomake reretda. Kalulut nenda ta' ioba sia si Tuhan; tapoi kineiget Ioba le' iparepdep puseleatda samba masiukum jotda.”

Jer. 14:20

Ale Tuhan, kuagaikai pukakataimai samba puseletda taikebbukatmai; bulatnia, amajongan kai katubuM.

Jer. 2:20

Aipoi kateteret siburu pei le' anubakbakngakean bairanennu, anutakkiakean sesere pangampram, samba masikua: Ta'akuoba minca tupaguguletnake Aku. Mandean leu ka senen uddut leleu sipununuinuiat samba ka senen tei loina simalibbut nuperep samba muolop tubu.

Jer. 2:25

Jago le', bule bui tamutarangai rerem samba bule buita imaonggou tolou lolokkatnu! Tapoi kuanungan: Siboboi le'! Siboboi le'! Aipoi manuntu bagakku ka sangamberi sirimanua siooiake', oto kuoba le' masitut sia.

Jer. 3:2

Papitsaake' pei matam ka sangamberi leleu sitaanai paloina loina samba itco pei! Kaipa' ta'araperemi ekeu? Ka sangamberi bebet enungan nukuddu masingena umunakenennu kele tai Arab ka su'su' simatangeu. Anupalolit laggai ka paeletnu samba ka pukakatainu.

Jer. 3:25

Oto, eddangan taparep ka bagat aila, samba eddangania isobbeji sita lolitta, aipoi amajongan sita kai Tuhan, Taikamanuanta, iate sita samba taikebbukatta barania ka bau tubutta teret ka gogoi kineneiget; samba ta'an ataarep ngangan Tuhan, Taikamanuanta.”

Jer. 3:6

Tiboiet Tuhan katubuku kateteret puparentaat rimata Josia: “Anuitcoan leu aponia sigalaiakenen Israel, sinanalep sitaimatopit nenda, kipa ioi itusakai ka senen uddut leleu simabuak samba iei ka senen tei loina simalibbut muoloptubu.

Jer. 7:24

Tapoi ta'raoba masiarepi samba ta'raoba masipuletsei. Raoba pei le' masitutnake isiatda samba pukelakat paatuatdra sikatai samba rapatoila le' teiteira samba ta' pumataatda.

Jer. 7:26

tapoi ta'araoba masiarepi Aku samba ta'araoba masipuletsei, tapoi raparon le te'tekatda, masigalai katai simakope bele pei le' ka taikebbukatda.

Jehz. 16:15

“Tapoi nukaroake le laingen tubum samba paolopnungan tubum kabagat masikaroake pubebeunannu samba masigalai puoloman tubu ka senen sirimanua situsasabau.

Hos. 5:15

Kukakaddiuake le geti paamianKu teret sege rapangorik kalulut sangamberi jodra, lepa oi sia masigaba Aku. Buleu ka bagat pangongorikdra, besiakerangan geti masigaba Aku.”

5Mos. 12:2

Ke anugurukingan kam kupkumen laggai nenda, buita nupakatai kam sangamberi kudduat pasibuluatdra ka uddut leleu simabuak, ka patinambu-tinambu samba ka tei loina simalibbut buttet, kudduat bangsa sikukuddu sedda rapanindogi taikamanuandra.