Jer. 28:4 - BUKO SIPUNENAN

⁴ Samba leu si Jokhoya togat Joyakim, rimata Jehuda, pasamba sangamberi sirimanua siribbaiakenen sibara ka Jehuda siambit ka Babel Kutoiliake le' ka kudduat nene, kise te' ngangan Tuhan! Bulatnia te', Kutatakkiake le' bairanen rimata Babel nenda!

Jer. 28:4 Iomraidhean Croise

1Mos. 27:40

Murimanua le geti ekeu ka lanjaunu, tapoi ibailu le pagugulet bagim, tapoi ke'paagra le ekeu, bela le geti ekeu ka gegenia.”

2Rim. 24:14

Abbitnangan sangamberi sipulalaggai ka Jerusalem ka kudduat katuribbaiatda, sangamberi sautet saladdu, sangamberi saladdu simagege, pulu ngaribu sitangsiakenen samba leu simaagai mugalai, siagai mugalai laba. Sarat sirimanua simakope geba le amulegei.

Jes. 9:4

Aipoi senen tarangaira saladdu sipukukupkup samba senen leppei simalogau ibailiu le geti laboket obengan.

Jer. 13:19

Sangamberi laggai polak Negep atupatpatnakean matatbaliunia, samba berisara sirimanua sipasububuka. Sangamberi tai Jehuda atuambitnan sia ka pasiribbaiat, tuambit ka bagat pasiribbaiat sangamberitda.

Jer. 2:20

Aipoi kateteret siburu pei le' anubakbakngakean bairanennu, anutakkiakean sesere pangampram, samba masikua: Ta'akuoba minca tupaguguletnake Aku. Mandean leu ka senen uddut leleu sipununuinuiat samba ka senen tei loina simalibbut nuperep samba muolop tubu.

Jer. 22:10

Bui nusoibikam sirimanua simamatei samba bui nupureureubaga kalulut nia. Maeru peile nusoibikam nia situtuitui, aipoi taan geti totoilinia minca, ta'an geti iitco minca polak putu'tukat matania.

Jer. 22:24

Kululut Aku sipuririmanua, kise te' ngangan Tuhan, kenenen bai si Konya togat Joyakim, rimata Jehuda, iate kele sipsip Meterai kakabei sikattoetKu, tapoi Kububurau le' ekeu!

Jer. 24:1

Itcoan, aipakoinonggan si Tuhan katubukku ruangara'ga buat sileu murio kamatat uman Tuhan. Ai puaili nenda lepat aiambit ka pasiribbaiat si Jekhonya togat Joyakim rimata Jehuda pasamba sikebbukat laggai Jehuda, simaagaimugalai samba siagai musipaddai laba' sibara ka Jerusalem si Nebukadnezar rimata Babilonia, samba leu ambitnangan sia ka Babel.

Jer. 24:5

“Kasene' le' ngangan Tuhan, Taikamanuan Israel: Makere' le' kele buat sileu simaeru nene, kise' te' Kulelekngake geti pueerura tai Jehuda siambitKu sibara kakudduat nene ka turibbaiat, ka laggaira tai Kasdim.

Jer. 27:8

Tapoi bangsa samba purimataat sitaioba makala katubut Nebukadnezar, rimata Babel, samba sitaioba masikau tetekatnia masibairat bairanen rimata Babel, iageti bangsa nenda Kuukun geti pasamba lanjau, pulajeat samba besi pamamatei, kise' te' nganang Tuhan, teret Kusegeake sia kakabeinia.

Jer. 28:10

Lepa geti alanangan nabi Hananya bairanen ka tetekat nabi Jeremia, lepa takkiakenangannia.

Jer. 28:2

Kasene' le' ngangan Tuhan Sebaot, Taikamanuan Israel: Aku takkiakean loina bairanen rimata Babel nenda.

Jer. 29:1

Kasene' le' ngangan surat Jeremia sibara ka Jerusalem katubutda sikebbukat katalagatda sia siribbaiakenen, ka tai imam, ka tai nabi samba katubut sangamberi taikauma siambit Nebukadnezar ka pasiribbaiat barania ka Jerusalem ka Babel.

Jer. 29:2

Aipuaili nenda lepat aibela si rimata Jekhonya pasamba inan rimata, sipugagalai ka kudduat purimataan, sautet Jehuda samba Jerusalem, siagaimugalai samba siagai laba abelangan ka Jerusalem.

Jer. 30:8

Iageti ka gogoi nenda, kise le' ngangan Tuhan Sebaot, Kubakbakngake geti loina bairanen katetekatda samba pangamprada Kutakkiake le' samba ta'an mupagugulet sia minca ka sangamberi sirimanua siooiake.

3Mos. 26:13

Aku, Tuhan Taikamanuamui, sipasiaambit kam bele ka laggai Misir bule taibailiu kam pakoiniet minca. Pugegeat sipaoreiji kam Aku takkiaakean, samba Kubailiuake le kam sirimanua situaaroi.”

Nah. 1:13

Kineneiget Kukakappluake'an le pugegeatdra tai Asyur ka kam, samba Kutatakkiakean le rantei siappra kam.”