Jer. 27:7 - BUKO SIPUNENAN

⁷ Sangamberi bangsa makala le' geti katubunia, ka tagogania samba kasapunuteteunia, teret iaili leu teteret ka laggainia, iageti maigi le' bangsa samba tai rimata sabeu geti masikalaakenia.

Jer. 27:7 Iomraidhean Croise

PSALMEN 37:13

Tuhan masiga'gati sirimanua sikatai nenda, kalulut aitcoan, gogoinia amalegrengan.

Jes. 13:1

Tiboiet Tuhan katubutda tai Babel sipoiliat kai Jesaya togat Amos.

Jes. 21:9

Itco, amoian sangabagguak sirimanua, sirimanua sipukukuro sipararara! Lepa pusoganangan, “Amubakkatnan, amabukkatnan Babel, samba sangamberi tularat bulungannia amasaragaian ka polak.”

Jer. 27:22

Sangamberinia tuaambit le' ka Babel samba tugagalakngake le' sedda teret gogoi Kupuletseinia minca, kise le ngangan Tuhan, lepa ambitkungannia minca ka kudduat nene.

Jer. 34:1

Tiboiet siooi sibara kai Tuhan katubut Jeremia, kateteret si Nebukadnezar, rimata Babel samba sangamberi saladdunia, sangamberi purimataat ka polak ka paneineiatnia purimataatnia, samba sangamberi bangsa masisaggangi Jerusalem samba sangamberi laggainia.

Jer. 44:30

Si Hofra rimata Misir Kukakau le nia katai saggak sioba masimateiakenia, makere kele Aku kau si Zedekia rimata Jehuda kai Nebukadnezar rimata Babel, saggaknia sioba masimateiakenia nenda.

Jer. 46:13

Kateteret ai oi si Nebukadnezar masisaggangi Misir, panibonangan Tuhan katubukku, kuanangan,

Jer. 52:31

Kagogoi rua pulu lima laggo pulu rua karura sikatelu pulu pitu lepat aituambit si Joyakhin ka pasiribbaiat, iageti Ewil-Merodakh bailiu rimata Babel. Karura nenda leu et pakoinongnangan katetbagania kai Joyakhin, samba belaakenangannia ka tangsi.

Jehz. 30:24

Kuronake le geti kabei rimata Babel samba masikau lanjauKu ka kabeinia, tapoi Kubakbakake le kabei Parao samba mukatci le kamatat rimata Babel kele sirimanua sipumauju sabeu.

Dan. 2:37

Oi, Tuanku, tuanku iate rimata ka sangamberi rimata; Taikamanua ka manua masikau katubut tuanku purimataat, gege, puroron samba pulatsanan,

Dan. 4:22

Ale Tuanku, Tuanku te loina simabuak samba simaron nenda. Puaabeu Tuanku ituppat teret ka manua samba pugeget Tuanku malio teret katutut polak.

Hab. 2:7

Tapoi ta' anuseseake, ekeu sipasikakalaake sirimanua sabagei, muutak leuet samba rapaksa nulului utak samba bunga. Momoi te tai saggaknu samba sibaraake numaloto. Rauraurangan te geti bibiletnu!

Hab. 2:8

Maigingan bangsa anuparaurangi, tapoi bangsa-bangsa sitaiooi nuraurau, rapararauraugi te ekeu, kalulut pamamatei sigalaiakenennu, samba kalulut gegem ka tobbou laggai-laggai sigoiso' samba sabeu samba ka sirimanua sipulalaggai.

Pamoil. 14:8

Lepa oi bagei malaika sikarua masitut nia, kuanangan, “Amabukkatnan, amabukkatnan Babel, kota sabeu, sipasipupuinengake sangamberi bangsa anggur pubotbonan puumunannia.”

Pamoil. 16:19

Maragatnangan leu kota sabeu bailiu telu ngarubeiat; mabukkatnangan sangamberi kotara sipuarat sabulungan. Repdepnangan leu Babel sabeu Taikamanua masikau ka tubunia pulokat sisusun anggur golut bagania.