Jer. 27:6 - BUKO SIPUNENAN

⁶ Samba kineiget, Kukakau le' sangamberi laggai nene kakabei paguguletKu, iate Nebukadnezar, rimata Babel; samba leu et tarimeu ka su'su Akukauan bule imareddet katubunia.

Jer. 27:6 Iomraidhean Croise

2Rim. 25:28

samba leu galaiakenangan simaeru katubunia. Kaunangan pangkat katubunia simabuak bele peile pangkatda tai rimata bagei siribbaiakenen ka Babel.

2Taw. 36:23

“Nene te parentat Kores, rimata Persia! Tuhan, Taikamanua sibakkat gege ka manua, aibailiuakean aku rimata ka sangaliot polak, samba aikoiniake aku masigalai umaNia ka Jerusalem ka laggai Jehuda. Oto, kam sangamberimui sibailiu paamian Taikamanua buita toili kam sedda! Bule Tuhan Taikamanuamui masipaalei kam.”

Jes. 44:28

Aku te amasikua pagalaiat Koresh: Nia paguguletKu; sangamberi obaketKu isutake le geti samba ikua pagalaiat Jerusalem: Eddangan itugalainia! Samba pagalaiat Uman Sipunenan: Eddangan tugalakake bongennia!”

Jer. 21:7

Lepa nenda, kise le' ngangan Tuhan, iageti si Zedekia, rimata Jehuda, samba sapaguguletnia samba taikauma ka laggai nene, legei sipuririmanua ka besi' sipamamatei, sibara ka lanjau samba ka pulajeat, Kusesegeake le' geti ka kabei Nebukadnezar, rimata Babel, iate ka kabei saggakda sibesiake masimateiake sia; rabo'bo' le sia sirimanua matei pasamba son lanjau ka tatat nuntutbaga, tatat katetbaga samba tatat katuaappe'.

Jer. 22:25

Kukau le' ekeu ka kabei sangamberi sirimanua sipasibebesiake masiala' engam, ka kabei sangamberi sirimanua kalotoakenennu, ka kabei Nebukadnezar, rimata Babel, samba ka kabeira tai Kasdim.

Jer. 24:1

Itcoan, aipakoinonggan si Tuhan katubukku ruangara'ga buat sileu murio kamatat uman Tuhan. Ai puaili nenda lepat aiambit ka pasiribbaiat si Jekhonya togat Joyakim rimata Jehuda pasamba sikebbukat laggai Jehuda, simaagaimugalai samba siagai musipaddai laba' sibara ka Jerusalem si Nebukadnezar rimata Babilonia, samba leu ambitnangan sia ka Babel.

Jer. 25:9

bulatnia te', Kusogai le' geti sangamberi muntogat sibara ka Bare – kise te' ngangan Tuhan – masikoiniake masisogai si Nebukadnezar, rimta Babel, paguguletKu nenda; Kusosogai le' sia masisaggangi laggai nene, masisaggangi sikudduijinia samba masisaggangi sangamberi bangsa kabebenia nene, Kususubuaake le' geti samba Kugalai ibailiu kalotoakenen, ibailiu paloloiet samba ibailiu simagarak teret buruburu.

Jer. 28:14

Aipoi kise le tiboiet Tuhan Sebaot, Taikamanua Israel: Bairanen sibara ka laba Kukakau le ka tetekat sangamberi bangsa nene, bailiu makalarangan kai Nebukadnezar, rimata Babel; sibulatnia, sia geti makala le ka tubunia! Sangamberi tarimeu ka susu leu Akukauan ketubunia.

Jer. 43:10

lepa kuanungan katubutda: Kasene le' ngangan Tuhan Sebaot, Taimanuan Israel: Bulatnia te, Kukoiniake le sirimanua masiala si Nebukadnezar, rimata Babel, paguguletKu nenda, bule irioake uddenan purimataatnia ka uddut sangamberi bukku, sikoiniakenenKu tulipputnake nenda, samba masinganangake lape' puaabeunia ka uddutnia.

Jer. 49:30

Ale kam tai Hazor! Aku, Tuhan, masikua: Kenan kam simaola mujaujau, samba mulipput. Si Nebukadnezar rimata Babel aiisiakean masisaggangi kam. Kuanangan,

Jehz. 29:12

Kubailiuake le geti polak Misir simatangeu katalagat sangamberi laggai sisubuakenen samba sangamberi kupkumen laggainia ibailiu le geti matangeu katalagat laggai sibukkatakenen epat pulungarura burunia. Kusaragaiake le geti tai Misir katalagat bangsa samba masisaragaiake sia ka sangamberi laggai.

Jehz. 30:24

Kuronake le geti kabei rimata Babel samba masikau lanjauKu ka kabeinia, tapoi Kubakbakake le kabei Parao samba mukatci le kamatat rimata Babel kele sirimanua sipumauju sabeu.

Dan. 4:12

Sangamberi buluknia malibbut samba buania bulat maigi, metnangan rakomnia sangamberi sikudduiji polak. Sangamberi tarimeu mukunem ka teinia samba sangamberi uma murumun ka rannia. Sangamberi sipungongoingoi momoi rakom buania.

Dan. 4:22

Ale Tuanku, Tuanku te loina simabuak samba simaron nenda. Puaabeu Tuanku ituppat teret ka manua samba pugeget Tuanku malio teret katutut polak.