Jer. 27:10 - BUKO SIPUNENAN

¹⁰ Aipoi sia masisibalaake patajua le' katubumui bule nutuareukam ka polakmui, bailiunangan Kupasaragai kam samba masubumuian.

Jer. 27:10 Iomraidhean Croise

2Mos. 22:18

Senen tainanalep sigalaiake kerei buita tumateiake.

Jer. 14:14

Alegiat Tuhan katubukku: “Tai Nabi nenda mupoilianan sipatataju ka oningKu! Ta' Akukoiniake sia, ta' Akuuparentaake sia samba ta' manibo Aku katubudra. Rapoiliat le' katubum itcot mata paboboko, patuptupman siboboi samba patajuat sipabaratda saratda.

Jer. 23:16

Kasene le' ngangan Tuhan Sebaot “Ba' arepi tiboietda tai nabi sipupapatonekat katubumui! Sarat masiake pukakaronan siboboi katubum le' sia, samba sarat masitiboake itcot matat paatuatda saratda le', ta' aponia siooi sibara ka ngungun Tuhan;

Jer. 23:25

Akuarepman aponia sikuatda tai nabi sipupapatonekat ka patajuat ka oningKu pasamba masikua: Amangamutnan aku, amangamutnan aku!

Jer. 27:14

Bui nuarepi tiboietda tai nabi sipasikukua katubum: Bui nuoba makala ka rimata Babel! Aipoi sibalatda patajuat le' katubum.

Jer. 27:15

Aipoi ta Akukoiniake sia, kise' te' ngangan Tuhan, tapoi sibalatda patajuat le' ka oningKu, bailiu Kupasagai le' kam samba ibailiu le' masubu simakere' pasamba tai nabi sipusisibala katubumui nenda.

Jer. 27:16

Ka tai imam samba ka sangamberi taikauma nenda leuet kupaninibo, kuakungan: Kise' le' ngangan Tuhan: Bui nuarepikam tiboietda tai nabimui sipusisibala katubumui: Bulatnia te, sangamberi pugalai ka uman Tuhan taan mauuju tuambit geti minca barania ka Babel! Aipoi sibalat sigalaira patajuat le' katubumui.

Jer. 28:11

Kuanangan si Hananya kamatat sangamberi taikauama nenda: Kasene le' ngangan Tuhan: Kabagat ruangarura nene kasedda leu te' Kutakkiake bairanen loina Nebukadnezar, rimata Babel nenda, ka tetekatda sangamberi bangsa! Tapoi tuitui le' nabi Jeremia barania sedda.

Jer. 28:16

Aipoi kasenen le' nagngan Tuhan: Bulatnia te, Akukoiniakeaan ekeu masikaddiuake polak. Rura nene leuet mamatei le' ekeu, aipoi anukoiniakeaan bangsa nene masisaggangi si Tuhan.

Jer. 32:31

Oo, laggai nene, aisuruakean golu samba oloi guluKu barania ka gogoi aturioakenia teret gogoi nene, bailiu Kuareuakenia ka mataKu,

Jer. 8:19

Arep! soga okkot bangsaku masitiddou paroman barania ka laggai simareunan: “Ta'anai pa' si Tuhan ka Sion” Ta'anai pa' Rimatania ka bagania?” – Angoi pa' rabaraake le' besit paatuatKu pasamba sangamberi tularat buluijietda pasamba sangamberi taikamanua bagei sita'katukolobat?” –

Sou. 2:14

Sisegeakenenda tai nabi katubum, sarat patajuat samba pabokoat le. Ta arapakoinong jo sigalainu, bailiu taibauakenungan patuatnu. Tapoi rasegeake le katubum tiboiet pabokoat samba pasipepe.

Dan. 4:7

Lepa oi sia simaagai masipatuptup gogoi, simatawa, simasoppit samba siagai masitoggai panyanyat nenda poiliatkungan pangamutetku nenda katubutda, tapoi berisara sia amoi masikolouake katukolobatnia.

Zakh. 10:2

Sangamberi sirimanua sieei masitiddou enungan ka tubutda sabulungan samba ka tai kerei, tapoi alegiet sisilo'ra iate tiboiet pabokoat samba leu tiboiet sitapaluluat le. Ai sipasikokolouake pangamutet, tapoi sangamberi katukolobat siake'ra sarat sipapepe kam le, samba pusuibiat siakenia taanai katukaunannia. Kalulut nenda masaragai le rakyat kele biribiri. Mangorik lesia kalulut taanai sijago sia.

Malk. 3:5

Kuanangan Tuhan Sipulugege, “Momoi te Aku ka tubumui bule kupasiukum. Ta'an mauju ibailiu Aku sipasimumuneng ka sia sipugagaut, sirimanua sigalai paelenan, simunengake boko, sigalai patajuat kapasikakau upa ka sirimanua upaet, sipajo tai lumang, tai lusai, samba sirimanua siooiake, ka sia sangamberi sirimanua sitaisuru' Aku.

5Mos. 18:10

Bui' ibara ka talagamui sipanguruatnake tatogania sibailiu buluakenen rarangen. Samba bui' ibara berisara sipukerei tubuna ikua apa pa sibabara, masigaba toggaiat, masipakei kuanen susukat ele