Jer. 24:6 - BUKO SIPUNENAN

⁶ Iageti Kuipoake le' mataKu katubutda addeat pueerura, samba Kuambit le' geti sia toili minca ka laggai nene. Kurioake geti sia, ta' masibukkatnakenia; Kuurep le' geti, ta' masiburaunia.

Jer. 24:6 Iomraidhean Croise

1Mos. 44:21

Si Tuanku masikoiniake kai masiambitnia sene, bule ioi nuitconia,

2Taw. 16:9

Kalulut matat Tuhan masilelekake sangaliot polak masikau puroronNia ka sangamberi sirimanua simariuriu topit katubuNia. Anugalaiakean sitaimakolou, kalulut nenda barania kineneiget mariuriu le geti iorak ekeu pasaggangan.

Neh. 5:19

Kutiddou oi Taikamanua, repdep le sangamberinia sigalaiakenenku ka bangsa nene samba panukani le aku.

PSALMEN 34:15

Areuake kam sikatai samba galaiake kam simaeru, gaba kam paabanan samba besiakekam masibakkati!

PSALMEN 44:2

Oi Taikamanua, pasamba piumai amasiarep, taikebbukatmai amasipoiliatnan katubumai galaiakenen sigalaiakenenNu kateteretra, kateteret siburu pei le.

Jes. 14:1

Ipununtuki le baga si Tuhan Jakob samba Israel paamianNia, samba ipili sia minca sibailiu bakkatNia samba obaakenangan rakuddu ka laggaira. Oto sirimanua siooiake oirangan leu paruru katubutda samba musara ka muntogat jakob.

Jes. 60:21

Sangamberi silaggaiji ekeu iate sirimanua simatopit rabakkati le laggai teret buruburu; sia iate kele sinampit siurepakenenKu bule rapatoila pulatsananKu.

Jer. 1:10

Agai le' ka gogoi nene Kuuddetnake ekeu ka sangamberi bangsa samba sangamberi purimataat addeat masiburau samba masibukkatnake, masipakatai samba masiguiluake, addeat masigalai samba masiurep.”

Jer. 12:15

Tapoi lepat Kuburau sia, iageti Kupununtuki baga le' geti sia minca. Kutotiliake le' geti sia senenda ka laggainia.

Jer. 16:15

tapoi: Katubut Tuhan sipuririrmanua, sipalulu tai Israel bela ka laggai ka bare' samba sibara kasangamberi laggai kaipa aipasabu sia! Kalulut Kuambit geti sia minca toili ka laggai sikauKu ka taikebbukatda.

Jer. 21:10

Aipoi Akusaklangan laggai nene addeat masibaraakeoringan samba ta' masibaraake puuktungannia, kise te' ngangan Tuhan. Laggai nene tukau le' geti ka kabei rimata Babel sipasilalabonia teret sapru pasamba obengan.”

Jer. 23:3

Samba sarakKu le' geti masirururuake biribiri-ku sipulelegei sibara kasenen laggai kaipa Akupasabu sia samba Kuambit le' sia minca geti ka laggaira: bara le' tuppai tubutda samba tuppainangan igitda.

Jer. 29:10

Aipoi kasene' le' ngangan Tuhan: ke bai amamuinean pitu pulunga rura rubeiat Babel, ia pei Kupuletsei kam. Kususunnake le' palelenganKu nenda katubumui samba tutoiliake le' kam ka kudduat nene.

Jer. 31:28

Iageti kele siboiki Akujago sia, masiburau, samba masibukkatnake, masiibuake samba masipakatai samba masisubuake samba masib esiki kisedda te Kujago sia geti addeat masigalai samba mangurep, kise te' ngagan Tuhan.

Jer. 31:4

Kuririoake le' ekeu minca, bailiu purionungan, ale okko Israel! Nupalainge le' geti minca tubum pasamba rebana samba makoinong le' ekeu ka pututuru'ra sipuangka baga.

Jer. 32:37

Bulatnia te' Kururuake le sia ka sangamberi laggai, kaipa kudduat Akupasaragai sia kalulut goluKu, oloi goluKu samba ngoingoibagaKu sabeu, samba Kutotoiliake le' sia ka kudduat nene samba Kubailiuake le' sia mukuddu ka bagat sanang puririmanua.

Jer. 32:41

MaangkabagaKu kalulut sia addeat masigalai simaeru katubutra samba Kubabailiuake le' sia mutu'tu ka laggai nene kabagat putotopit, ka muinen paatuatKu samba ka munen ketsatKu.

Jer. 33:7

Kupaaeru le' geti erut puririmanuan Jehuda samba Israel samba masipaeru sia geti kele siburu':

Jer. 33:9

Laggai nene geti ibabailiu le' puangkakatbaga: tuoni, tuumun samba tuabeuake kaKu kamatat sangamberi bangsa ka polak sipasiaarep pagalaiat sangamberi pueeru sigalaiKu katubunia; tugege'ge' le' sia samba mugegeret le' tubutra kalulut sangamberi pueeru samba sangamberi sun puririmanua sigalaiKu katubunia.

Jer. 39:12

“Ambit le' samba pasikeli le' nia, ba'gagalai aponia pa katubunia, tapoi buitanugalai le katubunia siripot tiddougetnia katubum!”

Jer. 42:10

Ke' mukuddu kam simariuriu ka laggai nene, iageti Kupaeeru le' samba ta' Kupabubukkat kam, Kugalai le' geti kam mutu'tu samba ta' tububuraukam; aipoi aioleian bagakKu akubaraake pugejaatbaga katubumui.

Jehz. 36:24

Kuala le' geti kam ka talagat sangamberi bangsa samba Kururuake kam ka sangaliot laggai samba Kuambit le' geti kam minca ka polakmui.

Ams. 9:14

Kutotoiliake le' geti minca paamianKu Israel: ragagalai le' geti minca sangamberi laggai simakakatai samba masukudduijinia; rapauuremi le' sangamberi monen anggur samba masilo' anggurnia. Ragagalai le sangamberi monen buat kaju samba masikom buania.

5Mos. 11:12

Si Tuhan Taikamanumui le masijajago laggai nenda samba masipasisikeli ka sanganantat rura.

1Ptr. 3:12

Aipoi matat Tuhan riuriu le masikinere simaroipo baga samba talingania masiarepi panindogatda sipaninindou paroman, tapoi sigalai sikatai geti isasaggangi le sia si Tuhan.”