Jer. 23:8 - BUKO SIPUNENAN

⁸ tapoi: Kai Tuhan sipuririmanua sipalululu samba sipasiambit toili muntogat Israel bela ka laggai ka isit ka bare, samba sibara ka sangamberi laggai kaipa aipasabu sia!, iageti kudduat sia kapolakda senenda.”

Jer. 23:8 Iomraidhean Croise

Jes. 11:11

Kateteret nenda akkatakenangan leu kabeinia si Tuhan bule itebui paamianNia sipulelegei sipukukuddu ka Asyur samba ka Misir, ka Patros, ka Etiopia samba Elam, ka Sinear, ka Hamat samba sangamberi tobbou ka koat.

Jes. 14:1

Ipununtuki le baga si Tuhan Jakob samba Israel paamianNia, samba ipili sia minca sibailiu bakkatNia samba obaakenangan rakuddu ka laggaira. Oto sirimanua siooiake oirangan leu paruru katubutda samba musara ka muntogat jakob.

Jer. 16:14

Kalulut nenda, kasenen le' ngangan Tuhan, “Bulatnia te', babara geti teterenia, ta'an rakukua minca sirimanua: Ka onin Tuhan sipuririmanua, sipalului tai Israel bela ka laggai Misir!,

Jer. 16:15

tapoi: Katubut Tuhan sipuririrmanua, sipalulu tai Israel bela ka laggai ka bare' samba sibara kasangamberi laggai kaipa aipasabu sia! Kalulut Kuambit geti sia minca toili ka laggai sikauKu ka taikebbukatda.

Jer. 23:3

Samba sarakKu le' geti masirururuake biribiri-ku sipulelegei sibara kasenen laggai kaipa Akupasabu sia samba Kuambit le' sia minca geti ka laggaira: bara le' tuppai tubutda samba tuppainangan igitda.

Jer. 29:14

Kuake geti kakam nusese kam Aku, kise te' ngangan Tuhan, samba Kupaeru geti puririmanuamui samba Kururuake geti kam katalagat senganberi bangsa ka senen kudduat kai pa Akupasabukam kise te ngangan Tuhan samba Kutoiliake geti kam ka kudduat kaipa' Akuribbaiakekam. –

Jer. 30:10

Iageti Ekeu, ba'maloloto, ale paguguletKu Jakob, kise te' ngangan Tuhan, bui imakarat bagam, ale tai Israel! Aipoi bulatnia te', Kupaarau le' ekeu ka kudduat ka sareunan samba samuntogatnu ka laggai katuribbaiatra. Totoili le' geti si Jakob samba murimanua simakolou samba masanang, samba ta'anai katuge'ge'kat.

Jer. 30:3

Aipoi, bulatnia te, babara geti teterenia, kise te ngangan Tuhan, Kupaeru le' geti minca puririmanuan paamianKu Israel samba Jehuda ngangan Tuhan samba Kutotoiliake geti sia ka laggai sikauKu ka taikebbuakatra, samba bakkatirangannia.

Jer. 31:8

Bulatnia te, Kuaambit le' geti sia baratra ka polak ka bare' samba turururuake le' geti sia barania ka tutut polak; ka talagatra ai sirimanua simapeset samba simasakit, ia tainanalep sipususuruket pasamba parurukat sipususule'; kabagat mungkuat sabeu toili le' geti sia minca sene!

Jer. 32:37

Bulatnia te' Kururuake le sia ka sangamberi laggai, kaipa kudduat Akupasaragai sia kalulut goluKu, oloi goluKu samba ngoingoibagaKu sabeu, samba Kutotoiliake le' sia ka kudduat nene samba Kubailiuake le' sia mukuddu ka bagat sanang puririmanua.

Jer. 8:3

Tapoi sangamberi sirimanua sipulelegei ka muntogat sikatai nene raoba le' matei bele pei murimanua ka senen kudduat kaipa Kupasabu sia, kisene te' ngangan Tuhan Sebaot.

Jehz. 28:25

Kise te tiboiet Tuhan Taikamanua: Kateteret Kururuake muntogat Israel sibara katalagat suku bangsa, kudduat katusaragaiatda samba Kupatoila le pusisipunenanKu katubutda kamatatda tai bangsa, oto pukuddurangan geti ka polakra sikauKu katubut paguguletKu si Jakob.

Jehz. 34:13

Kuambit le sia geti rabela katalagatda tai bangsa samba masiruruake sia baratda ka sangamberi laggai samba masiambit sia ka polakra. Jagokungan leu sia ka uddut leleu sangamberi Israel, ka sangamberi bagat oinan samba ka sangamberi kudduat ka polak nenda.

Jehz. 36:24

Kuala le' geti kam ka talagat sangamberi bangsa samba Kururuake kam ka sangaliot laggai samba Kuambit le' geti kam minca ka polakmui.

Jehz. 36:35

Bailoknia kuarangan: Polak sioreakenen simagarak nene ibailiu le' kele mone Eden samba laggai simararagat, saingere samba tata', kineiget tukudduiji samba ibailiu kudduat simaron.

Jehz. 37:25

Mukuddu le' geti sia ka polak sikauKu ka paguguletKu si Jakob, kaipa arakuddu taikebbukatda, bulatnia, sia, tatogatda ele sapunuteteura mukuddu le geti sedda teret buruburu. PaguguletKu si David ibailiu le rimatatda teret buruburu.

Jehz. 39:28

Raagei le geti, Aku te' Tuhan, Taikamanuanda, sipasiambit sia kabagat katuribbaiat ka talagat sangamberi bangsa samba masiruruake sia minca ka polakda samba ta'Kuobaake berisara sirimanua katalagatda mukuddu sedda.

Jol. 3:7

Kineneiget kuambit le sia rabela ka kudduat anusakiake sia, samba kusisiliake le jom sigalainu katubudda.

Mik. 7:15

Galaiake pukerengan kakai, oi Tuhan, bule sigalaiNu siburu kateteret anuabbit kai bela ka laggai Misir. Bangsa sipasiitco nene bailiu maila kalulut raagai sangamberi ron tubudda tak anai paluluatnia. Sappru le patuadda, pat taiioinangan rapatibo ele rapasiarep.

Zep. 3:20

Babara te teterenia, taikalaggaiatmui simasasaragai Kupalulu sia ratoili. Kuabeuake' leu kam ka sangaliot polak, samba purimanuaitmui simaeru' kupaeru' minca'.” Kise' te ngangan Tuhan.