Jer. 23:6 - BUKO SIPUNENAN

⁶ Kateterenia Jehuda tubebelaake le', samba Israel muririmanua le' kabagat aban; samba nene le' ononia rakau sirimanua katubunia: Tuhan puroipoatta.

Jer. 23:6 Iomraidhean Croise

1Rim. 4:25

bailiu tai Jehuda samba tai Israel mukuddu sia ka bagat angkat baga, sene-senenda ka tei loinat anggur samba sileu barania ka Dan aili ka Bersyeba, ka burut purimanuaiat Salomo.

PSALMEN 45:5

Oppu le kamanangan kabagat pubulanan, roipot pusisirimanua samba puroipoat! Eddangannia kabei sikattoetnu masigelaiake ekeu galaiet simakope beunan!

2Mos. 9:26

Sarat laggai Gosyen, kudduatda tai Israel, taanai urat bukku.

Jes. 2:4

Bailiunangan te getiNia sipasiukum katalagat sangamberi laggai, samba sipasiteteuake ka sirimanua simigi; paddairangan geti lanjaura ibailiu sasabik samba simuine bakkat bailiu balatu pasisapu; taan raoppat lanjau sirimanua ka sirimanua, samba taan masigegelai sia pasaggak.

Jes. 32:1

Bulatnia te, muparenta le geti sara rimata siripot katubulanan, samba saute mupaneinei le sia siripot katuroipoat,

Jes. 32:18

Mukuddu le geti paamian ka kudduat simaaban ka kudduat simaaroi ka kudduat puariat simasanang.

Jes. 33:22

Kalulut si Tuhan iate Rimatatta. Tuhan iate sipasiake surukat ka sita; Tuhan iate Rimatatta, Nia te masiarauake sita.

Jes. 33:5

Tuhan bulat simalina, Nia le sikupkupake sangamberinia' masirioake surukat samba puroipoat ka Jerusalem.

Jes. 35:9

Ta babara geti sedda singa, tarimeu simasabbak taan muenung sedda samba taan babara sedda; sangamberi situaarau muenung le geti sedda.

Jes. 42:6

“Aku nene, Tuhan, akusogaian ekeu nugalaiake pasiaraugat, Akuukkaakean kabeinu; Akugalaian ekeu samba Kuake katubum sibailiu palelengan ka sirimanua, sibailiu pato' ka sangamberi bangsa,

Jes. 45:17

Tapoi tai Israel iarauake le sia si Tuhan kabagat puaraugat teret buruburu; ta tupakaila samba tupalololoi kam teret buruburu.

Jes. 54:17

Senen pamatei sipaddai bule rasaggangi ekeu ta mamamanang sia, samba senen sirimanua siake pasuksungan kabagat pakaroat patoilanungan geti puseleatda. Nene te sibailiu rubeiatda sapagugulet Tuhan samba pubulanan sisilora katubukKu, kise te tiboiet Tuhan.

Jes. 7:14

Kalulut nenda Tuhan le geti masiaake sara katuaggaiat katubum: Bulatnia te, mususuruket te sara siokko samba tutuakenangan geti sara matat toga simanteu samba leu oniakenangannia Imanuel.

Jes. 9:6

Abeu puparentaatnia, samba paabanan ta'anai kalepaketnia kabagat pupaneineiat David samba kabagat purimataatnia, kalulut ikau le bongen samba pasironnia kabagat puroipoat samba pubulanan barania kineneiget teret buruburu. Tuhan Sebaot te masigagalaiake nene.

Jer. 29:11

Aipoi Aku nene Kuagai le' sangamberi panaatu sibara ka tubuKu pagalaiat kam, kise te' ngangan Tuhan, iate pupaatuanan paabanan samba ta kakamateiat, tapoi addeat masiake katubumui gogoi sisun pukakaronan.

Jer. 30:10

Iageti Ekeu, ba'maloloto, ale paguguletKu Jakob, kise te' ngangan Tuhan, bui imakarat bagam, ale tai Israel! Aipoi bulatnia te', Kupaarau le' ekeu ka kudduat ka sareunan samba samuntogatnu ka laggai katuribbaiatra. Totoili le' geti si Jakob samba murimanua simakolou samba masanang, samba ta'anai katuge'ge'kat.

Jer. 31:23

Kasene' le' ngangan Tuhan Sebaot, Taikamanuan Israel, “Sirimanua masitiboake toboiet nene minca ka polak Jehuda samba ka sangamberi laggainia, ke'bai Akutoiliakean puririmanuanra: Bule ipanukani ekeu si Tuhan, ale kudduat pubulanan ale leleu sipunenen!

Jer. 32:37

Bulatnia te' Kururuake le sia ka sangamberi laggai, kaipa kudduat Akupasaragai sia kalulut goluKu, oloi goluKu samba ngoingoibagaKu sabeu, samba Kutotoiliake le' sia ka kudduat nene samba Kubailiuake le' sia mukuddu ka bagat sanang puririmanua.

Jer. 33:15

Kateteret nenda samba gogoi nenda Kututu'tuake le' geti sinula simaroipo kai David. Igalaiake le' geti puroipoat samba pubulanan ka laggai.

Jer. 33:16

Kateteret nenda Jehuda geti tuobaake le', samba Jerusalem geti murimanua le' sipulelek. Samba ka oni nene te' geti tusosogai sia: Tuhan puroipoatta!

Jehz. 21:27

Simaragat, simaragat, Kubailiuake le nia simararagat! Nene leu ta matotom. Teret ioi bulat sipubabakkat katubunia, samba Kukau le nenda katubunia.”

Jehz. 28:26

Mukuddu le sia kabagat pusanangan, ragalai le lalepda samba monen aggurda. Bulatnia te, mukuddu le sia kabagat pusanangan kateteret Kuorakngake ukuman ka sangamberi pabebeakenennia sipaloloi sia. Agairangan getinia Aku te Tuhan, Taikamanuanda.”

Jehz. 38:14

Lulut nenda, pusibalat le', ale togat sirimanua samba kua katubut Gog: Kasene le' tiboiet Tuhan Taikamanua: Kateteret paamianKu Israel ai sia mukuddu kabagat kolou puririmanua, kateteret nenda te nuoi,

Jehz. 48:35

Oto sangalio kupkumen laggai nenda iate pulu balu ribu ngaeto. Barania ka gogoi nenda onin kupkumen laggai nenda iate: Tuhan MOI SEDDA.”

Dan. 9:24

Pitu pulungaminca pitu ngarura iate tetere siteuakenen Taikamanau masibelaake taikalaggaiatmui samba laggaimui sipunenan nenda ka pukakatai, addeat masitataake jo, masilepaake jo, masiposa puseleat, addeat masiparon puroipoat sitaitatata, masisunake pasiitcot mata samba pasitutuptup samba masisukatnake uman Tuhan sipunenan nenda.

Dan. 9:7

Oi Tuhan, Ekeu le sineseat, tapoi mateu le kumaila kai kele kagogoi nene. Kai iate tai Jehuda, sipulaggai ka laggai Jerusalem, samba sangamberi tai Israel, sikuddu ka leggre samba ka sareunan, ka sangamberi laggai anuribbaiake kai kalulut taimaredetmai katubum.

Hos. 1:11

Tai Jehuda samba tai Israel tusasaraake le sia minca. Rioakerangan sara siuteake sia, samba makakrarangan samba maerunangan puririmanuanda ka laggaira. Bulatnia, gogoi Jizreel ibailiu le geti gogoi siabeu!

Hos. 1:7

Tapoi tai Jehuda kupunununtuki le sia baga. Aku, Tuhan, Taikamanuanda masiarauake sia, tapoi ta sialei pasaggangan, samba leu ta sialaei lanjau, ele silogui ele kuro samba sipukukuro.”

Hos. 2:18

Kateteret nenda, Galaikungan palelengan ka sangamberi tarimeu bule sangamberidra tat ragegeugeu paamianKu. Ariakekungan sangamberi pasaggangan samba masiareuake sangamberi pakeiet ka pasaggangan ka laggaira paamianKu nenda, kaukungan purimanuaiatdra simaeru samba maaban.

Obj. 1:17

“Tapoi ka leleu Sion, babara te simaarau, samba leleu nenda bailiu kudduat simakokoi addeatKu. Iageti sapunuteteu Jakob bakkatirangan geti minca' polak taikebbukadra.

Obj. 1:21

Sipulaggai simaarau ka Jerusalem saggangirangan laggai Edom samba kalaake'rangannia. Iageti Aku Tuhan muparenta sibailiu rimata.

Zep. 3:13

Tai israel sipulelegei ta'an paboboko sia minca' katubut kaseipa', samba ta'an mupajojoat sia puririmanuanda ta anai magulai samba maaban samba ta anai kaloto'akenen.

Zakh. 10:6

“Kuparon le geti sipulaggai ka Jehuda, paamian Israel geti Kupaarau le. Kuambit le sia ratoili minca ka tobbou laggaira kalulut manuntu poi bagaKu ka tubutdra. Kuaddeake le sia kele sara bangsa si taanai puseleat. Aku te si Tuhan Taikamanuandra, sangamberi panindogatda leu Kupuletsei le geti minca.

Zakh. 3:10

Kebai aiailingan gogoi nenda, senen sirimanua masisogai geti pabebeakenennia lalep bule raoi masinanam aban samba arau baga ka talagat monen anggur samba sangamberi loinat sileumui.”

ROMA 3:22

ia te kalulut tonem baga ka Jesus Kristus le iparoroipo sirimanua Taikamanua sangamberi sirimanua simatonem baga. Ta poi anai pabaggeiatnia.

1Kor. 1:30

Sibara ka Taikamanua le poi aikau kam musara ka Kristus Jesus, sibailiu sikut paatuat ka sita, siparoipo, sipuneni samba sipasitetebui sita.

2Kor. 5:21

Nia sitaiagai jo, aibailiuakean nia jo kalulut sita, bule ka bagat tubunia iparoipo sita Taikamanua.

Plp. 3:9

samba kukuddu ka tubunia, ta kalulut puroipoatku kalulut pasirereddet Surukat, tapoi ka puroipoat kalulut tonem baga ka Kristus le, ia te puroipoat sipanguruatnakenen Taikamanua kalulut tonem baga.