Jer. 23:5 - BUKO SIPUNENAN

⁵ Bulatnia te', babara te' geti teterenia, kise te' ngangan Tuhan, Kutu'tu'tuake le' Sinula simaroipo kai David. Mupaparen le' nia sibailiu rimata simaroipo samba igagalaiake geti puroipoat samba pubulanan ka laggai.

Jer. 23:5 Iomraidhean Croise

2Sam. 23:3

Taikamanuan Jakob masikua; sijago tai Israel masikua katubukku: Rimata siparentaake siberikabaga kabagat katuroipoat sipasiuteake kabagat purereddet katubut Tuhan,

PSALMEN 45:4

Apraake lanjaunu ka tengam, ale sirimanua simagege, kabagat puaabeunu samba erut tubum!

PSALMEN 80:15

Ale Taikamanua Sipulugege, toiliake Ekeu, kinere sibara ka manua samba itco pei! Lelekake pei loinat anggur nene,

PSALMEN 99:4

Ekeu Rimata simaron, simanuntu baga ka surukat, Ekeu le airioake pubulanan; surukat samba puroipoat katalagat muntogat Jakob, Ekeu le amasigalaiake.

Jes. 33:5

Tuhan bulat simalina, Nia le sikupkupake sangamberinia' masirioake surukat samba puroipoat ka Jerusalem.

Jes. 4:2

Kateteret nenda sinula situ'tuakenen Tuhan ibailiu le geti pulaingean samba pulatsanan, samba buat mone leu ibailiu le geti katuumunan samba puaabeu ka tai Israel situaarau.

Jes. 42:6

“Aku nene, Tuhan, akusogaian ekeu nugalaiake pasiaraugat, Akuukkaakean kabeinu; Akugalaian ekeu samba Kuake katubum sibailiu palelengan ka sirimanua, sibailiu pato' ka sangamberi bangsa,

Jes. 45:24

sialei masikua: Puroipoat samba puroron sarat ka kabei Tuhan le. Sangamberi sibara golu katubuNia moi le geti katubuNia samba silorangan puailaat,

Jes. 52:13

Bulatnia te, mauktuk te paguguletKu, tuabeuake, tuumun samba tuumunake.

Jes. 53:10

Tapoi iobaake le si Tuhan itubo'bo samba itubesikinia. Ke isegeake tubunia sibailiu buluakenen pasitebui jo, itconangan geti muntogatnia, ramaburu murimanua, samba obaket Tuhan mariuriu kalulut nia.

Jes. 53:2

Sibailiu sinula mutu'tu le nia ka matat Tuhan samba sibailiu sinula ka polak simagarak. Ta simalainge itcoiketta katubunia taanai simaala bagatta samba simakiddi kabagatta.

Jes. 9:5

Kalulut amutu'tuan matat sara toga ka sita, aiakean sara toga simanteu ka sita; ibailiu le nia geti sipaneinei samba oninia rakua sirimanua: Sipangantru simakerek, Taikamanua Sipulugege, Ukkui Sitaitatata, Rimata Paabanan.

Jes. 9:6

Abeu puparentaatnia, samba paabanan ta'anai kalepaketnia kabagat pupaneineiat David samba kabagat purimataatnia, kalulut ikau le bongen samba pasironnia kabagat puroipoat samba pubulanan barania kineneiget teret buruburu. Tuhan Sebaot te masigagalaiake nene.

Jes. 9:7

Aibaijukakean tiboietNia si Tuhan kai Jakob samba tiboietnia nenda iorak tai Israel.

Jer. 22:15

Nukua le' rimata pa' ekeu, ke'patakai bai ekeu kapasipapakei loina pinilok? Ta'pa mukokom samba mulolo leu ukkuinu samba ibakkati pusanangan? Tapoi igalai puroipoat samba pubulanan,

Jer. 22:3

Kasene le' ngangan Tuhan: Galaiake le' puroipoat samba pubulanan, obaake le' sirimanua siraurau kakabei sirimanua sipasirarauraunia, bui nuorei samba bui nugalai pugege katubut sirimanua siooiake, siputata' ina, samba sipululumang samba bui numateiake sirimanua sita'sele ka kudduat nene!

Jer. 22:30

Kesene le' ngangan Tuhan: “Suratnake sirimanua nene sibailiu sirimanua sita'toga, sibailiu simanteu sitaimaungtuk tubu kabagat puririmanuania; aipoi beri sara kamuntogatnia simaungtuk tubu mukuddu ka kudduat purimataat David samba muparenta minca ka Jehuda.”

Jer. 23:6

Kateterenia Jehuda tubebelaake le', samba Israel muririmanua le' kabagat aban; samba nene le' ononia rakau sirimanua katubunia: Tuhan puroipoatta.

Jer. 29:11

Aipoi Aku nene Kuagai le' sangamberi panaatu sibara ka tubuKu pagalaiat kam, kise te' ngangan Tuhan, iate pupaatuanan paabanan samba ta kakamateiat, tapoi addeat masiake katubumui gogoi sisun pukakaronan.

Jer. 30:3

Aipoi, bulatnia te, babara geti teterenia, kise te ngangan Tuhan, Kupaeru le' geti minca puririmanuan paamianKu Israel samba Jehuda ngangan Tuhan samba Kutotoiliake geti sia ka laggai sikauKu ka taikebbuakatra, samba bakkatirangannia.

Jer. 30:9

Mupagugulet geti sia kai Tuhan, Taikamanuanra, samba kai David, rimatatra, sisuruakenenKu ka sia.

Jer. 31:27

“Bulatnia, babara te' teterenia, kise te' ngangan Tuhan, Kususunake le ka tai Israel samba ka tai Jehuda sirimanua samba tarimeu.

Jehz. 21:27

Simaragat, simaragat, Kubailiuake le nia simararagat! Nene leu ta matotom. Teret ioi bulat sipubabakkat katubunia, samba Kukau le nenda katubunia.”

Jehz. 34:16

Gabakungan leu simapepepe, toiliakekungan leu simalilimai, apprakkungan sipumauju, ronakekungan simabesi', samba leu pasikelikungan simamo'mo samba simaron tubu; jagokungan leu sia bulat simakolou.

Jehz. 34:29

Kugalai le geti ka sia sara mone pusanangan, bailiu ka polak nenda berisara sirimanua simamatei kalulut laje samba taan rababairat puailaat sibaraakenenda tai bangsa.

Jehz. 45:8

Nenda te' ibailiu bakkatnia ka polak Israel. Sangamberi rimatat Israel ta'an rapaoreiji paamianKu. Rakau le geti laggai nenda katubut muntogat Israel siripokat sangamberi sukutda.”

Dan. 9:24

Pitu pulungaminca pitu ngarura iate tetere siteuakenen Taikamanau masibelaake taikalaggaiatmui samba laggaimui sipunenan nenda ka pukakatai, addeat masitataake jo, masilepaake jo, masiposa puseleat, addeat masiparon puroipoat sitaitatata, masisunake pasiitcot mata samba pasitutuptup samba masisukatnake uman Tuhan sipunenan nenda.

Hos. 1:11

Tai Jehuda samba tai Israel tusasaraake le sia minca. Rioakerangan sara siuteake sia, samba makakrarangan samba maerunangan puririmanuanda ka laggaira. Bulatnia, gogoi Jizreel ibailiu le geti gogoi siabeu!

Hos. 3:5

Tapoi babara te teterenia ratoili minca tai Israel katubut Tuhan Taikamanuandra, samba ka rimatadra sibara ka muntogat David. Malotorangan geti samba masururangan kai Tuhan, samba leu silorangan panukananNia.

Ams. 9:11

“Ka gogoi nenda Kuririoake le' geti minca sapou David simabubukkat; Kutatabbo le' geti rupinia simararagat, samba masirioake minca siragatatnia; Kugagalai le' minca simakere' kele' siburu';

Mik. 5:3

Iageti galaiakenangannia samba jagonangan sia kabagat ron Tuhan, kabagat puaabeu onin Tuhan Taikamanuania; pukuddurangan leu simariuriu, kalulut kineneiget ibailiu le nia siabeu pat aili ka tu'tut polak,

Zakh. 3:8

Arepmake ale Imam sabeu Josua, ia leu et kam tai imam sibailiu paaleiakenennia, kam sangamberimui iate tularat gogoi simaeru ka sibabara. Kateteret nenda koiniakekungan te geti paguguletKu kuanenta “Silibetat”.

Zakh. 9:9

Ale, sipulalaggai ka Sion, pugora kam baga! Ale, sipulalaggai ka Jerusalem, kau imangka bagamui! Itco kam, amoian rimatamui ka bagat kamanangan! Nia rimata puroipoat siambit katuaraugat. Tapoi sun purepekat paatuat aioi sipukakalidei kalidei ta'kabelai sibau tubu.

Mat. 2:2

kuarangan, “Kaipa nia rimatada tai Jahudi sibau mututu mata? Akuitco poi kai panyanyatnia ka kabelaiat sulu, ia te akuoi kai murappo ka matania.”

Joh. 1:45

Lepa pasesenangan si Natanael si Pilipus kuanangan ka matania, “Akusesengan kai nia sinuratnakenen Mose ka Surukat, samba siniboira tai nabi, ia te Jesus, togat Josep, sibara ka Natsaret.”

Joh. 1:49

Kuanangan si Natanael, “Rabbi, Togat Taikamanua le ekeu. Rimatada tai Israel le ekeu!”

1Kor. 1:30

Sibara ka Taikamanua le poi aikau kam musara ka Kristus Jesus, sibailiu sikut paatuat ka sita, siparoipo, sipuneni samba sipasitetebui sita.

Ibr. 8:8

Aiitco poi Taikamanua seleda sabangsania, kuanangan, “Babarangan le te gogoinia,” ngangan Tuhan, kubaraake pakerekat baga sibau, aku, uman Israel samba uman Juda.

Pamoil. 19:11

Lepa itcokungan tubuka sorga, makoinongnangan sara kuro simabulau; samba sikuddu ka uddutnia muoni: “Simatopit samba Sineseat”, samba maroipo ipasiukum samba ipasaggak.