Jer. 23:3 - BUKO SIPUNENAN

³ Samba sarakKu le' geti masirururuake biribiri-ku sipulelegei sibara kasenen laggai kaipa Akupasabu sia samba Kuambit le' sia minca geti ka laggaira: bara le' tuppai tubutda samba tuppainangan igitda.

Jer. 23:3 Iomraidhean Croise

PSALMEN 106:47

Arauake kai, ale Tuhan, Taikamanuamai, samba ruruake le kai sibara katalagat sangamberi bangsa, bule musura kai ka oniM sipunenan, samba muangka baga kabagat urai pasiumun katubum.

Jer. 16:15

tapoi: Katubut Tuhan sipuririrmanua, sipalulu tai Israel bela ka laggai ka bare' samba sibara kasangamberi laggai kaipa aipasabu sia! Kalulut Kuambit geti sia minca toili ka laggai sikauKu ka taikebbukatda.

Jer. 29:14

Kuake geti kakam nusese kam Aku, kise te' ngangan Tuhan, samba Kupaeru geti puririmanuamui samba Kururuake geti kam katalagat senganberi bangsa ka senen kudduat kai pa Akupasabukam kise te ngangan Tuhan samba Kutoiliake geti kam ka kudduat kaipa' Akuribbaiakekam. –

Jer. 30:10

Iageti Ekeu, ba'maloloto, ale paguguletKu Jakob, kise te' ngangan Tuhan, bui imakarat bagam, ale tai Israel! Aipoi bulatnia te', Kupaarau le' ekeu ka kudduat ka sareunan samba samuntogatnu ka laggai katuribbaiatra. Totoili le' geti si Jakob samba murimanua simakolou samba masanang, samba ta'anai katuge'ge'kat.

Jer. 30:3

Aipoi, bulatnia te, babara geti teterenia, kise te ngangan Tuhan, Kupaeru le' geti minca puririmanuan paamianKu Israel samba Jehuda ngangan Tuhan samba Kutotoiliake geti sia ka laggai sikauKu ka taikebbuakatra, samba bakkatirangannia.

Jer. 31:7

Aipoi kesene' le' ngangan Tuhan: “Pusoga le' kai Jakob pasamba angkatbaga puangkabaga le' kalulut siuteake sangamberi bangsa! Paagai, umun, samba kua le': “Aipaarauan si Tuhan paamianNia, iate tai Israel sipulelegai!

Jer. 31:8

Bulatnia te, Kuaambit le' geti sia baratra ka polak ka bare' samba turururuake le' geti sia barania ka tutut polak; ka talagatra ai sirimanua simapeset samba simasakit, ia tainanalep sipususuruket pasamba parurukat sipususule'; kabagat mungkuat sabeu toili le' geti sia minca sene!

Jer. 32:37

Bulatnia te' Kururuake le sia ka sangamberi laggai, kaipa kudduat Akupasaragai sia kalulut goluKu, oloi goluKu samba ngoingoibagaKu sabeu, samba Kutotoiliake le' sia ka kudduat nene samba Kubailiuake le' sia mukuddu ka bagat sanang puririmanua.

Jer. 46:27

“PaamianKu, Israel, bui numaloto kam! PaguguletKu Jakob, bui mageret tubum! Ekeu samba muntogatnu geti Kupaarau barania ka laggai kasareunan, ka kudduat aturibbaiake sia. Totoili le geti ekeu samba mukuddu ka laggainu simariuriu murinanua Muririmanua le geti ekeu ka erut puririmanua; ta'anai kalotoakenennu

Jer. 50:19

Tapoi Kutototiliake le tai Israel ka laggiara. Mukom le sia buat siureman ka leleu Karmel samba ka basan. Maengtek le sia buat siureman ka kupkumen Efraim samba Gilead.

Jer. 8:3

Tapoi sangamberi sirimanua sipulelegei ka muntogat sikatai nene raoba le' matei bele pei murimanua ka senen kudduat kaipa Kupasabu sia, kisene te' ngangan Tuhan Sebaot.

Jehz. 11:17

kalulut nenda kua: Kise te tiboiet Tuhan Taikamanua: Kupatataddeake te kam baramui ka tai bangsa samba masiruruake kam baramui ka sangamberi laggai ka kudduat katusaragaiatmui, samba akekungan geti katubumui polak Israel.

Jehz. 36:11

Kugalai le' geti maigi sirimanua samba tarimeu ka tubum. Ituppai le igitda samba mupunuteteu. Kugalai le' geti nukudduji kam minca kele siboiki samba mugalai simaeru bele pei siburu. Agaimuiannia Aku te' Tuhan.

Jehz. 36:24

Kuala le' geti kam ka talagat sangamberi bangsa samba Kururuake kam ka sangaliot laggai samba Kuambit le' geti kam minca ka polakmui.

Jehz. 36:37

Kasene le' tiboiet Tuhan Taikamanua: Kabagat nene leu Kukiddi le', bule muntogat Israel masitiddou katubukKu aponia Kugagalaiake katubutda, iate masituppai igitda kele mungkuat sirimanua simigi.

3Mos. 26:9

Kusukatnake le geti kam samba Kuake le migi sapunuteteu katubum. Apa sipalelekKu katubum, Kususutnake le.

Mik. 2:12

Kuanangan minca si Tuhan, “Kam tai israel sipulelegei! Kurururuake te kam samba Kusaraake kele biribiri sitotoili ka gelinia. Kele biribiri ka su'sut parou, kisedda leu et laggaimui sun minca sirimanua.

Mik. 7:12

Sangamberi sirirmanua toili minca ka tubum sibara ka senen kudduat – sibara ka Asyur ka isit kabelaiat sulu, sibara ka Misir isit ka bare, sibara ka oinan Efrata, sibara ka silat koat samba sibara ka leleu ka sareunan.