Jer. 23:12 - BUKO SIPUNENAN

¹² Lulut nenda, enunganda makere' le' geti enungan simalutlut ka sia; ka bagat pugepgeman tusosoksok le' sia samba bele' geti sia sedda; aipoi Kubabaraake le' geti pugejaatbaga katubutda, ka rura teteret tuukum sia, kise te' ngangan Tuhan.

Jer. 23:12 Iomraidhean Croise

Job 18:18

Tukeklenia barania ka pato iei kabagat pugepgeman, samba tutuituiakenia ka polak.

PSALMEN 35:6

eddangan imagepgep samba imalutlut enunganda, samba Malaikat Tuhan masikukru sia!

PSALMEN 73:18

Bulatnia ka kudduat simalutlut le Nukau sia, Nubelaake sia kabagat katukataikat.

PSALMEN 82:5

Ta raagai samba ta raagai kolou aponia pa, kabagat gepgep rapuenung puuilaknangan sangamberi bongen polak.

2Mos. 32:34

Kenan le kineneiget samba ambit sia ka kudduat sikuaKu katubumui. MalaikatKu le ipalululu ekeu, tapoi iaili teterenia Kulumunake jotda, Kuukumake sia.”

Pangt. 4:19

Enunganda sirimanua sikatai kele pugepgeman le, ta raagai aponia lulunia isosoksok reretda.

Jes. 8:22

samba itcorangan geti ka polak, samba bulatnia te, sarat puokkiman samba pugepgeman, pureureugat baga sipasiokkip, samba turibaiake geti sia kabagat pugepgeman.

Jer. 11:23

ta'anai sipuririmanua katalagatda, kalulut Kubabaraake le' geti pugejaat baga ka tai Anatot ka rura, tuukum sia.”

Jer. 13:16

Latsatake le' si Tuhan Taikamanuam, kepei Igalaiake gogoi pugepgeman, kepei tusoksok rerem ka uddut sangamberi leleu sisaluki soibo, kele airangengena, toro tapoi Ibailiu le' mainep samba silinangannia bailiu magepgep.

Jer. 48:44

Sirimanua situituiake tubuna ka tugegekat bebele le ia kabagat lobok, samba sibebela ka lobok nenda geti isesere le nia. Sangamberinia nenda muaaili kateteret siteuakenenKu addeat masipakatai Moab.

Jer. 50:27

Mateiake sangamberi saladdunia! Tataake sia! Paan te ka kam taikauman Babel, aipoi aiailingan teterenia, ituukum sia!”

Jer. 8:12

Siripokatnia maaila le' sia, aipoi aragalaian paloloiat; tapoi ta'raagai aila samba tatuagai lolitda. Kalulut nenda mabukkat le geti sia, katalagat sangamberi sirimanua simabubukkat, tusoksok bele le' sia kateteret tuukum sia, ngangan Tuhan.

Sou. 2:20

Tuhan, itco samba lelekake pei sia sipaoreiNu nenda! Ai leu pa anugalaiake kisedda? Ina masikom togania simanuntu bagania, imam samba nabi tumateiake kabagat Umam sipunenan.

Mik. 7:4

Bulat simakope roipo sibara ka talagaddra kele parou sita'anai katukaunan. Aiailingan teterenia Taikamanua masiukum pamianNia kele' siparepdepnia ka tai nabi-nabiNia. Kineneiget aian pugaugaupat ka talagatdra.

Joh. 12:35

Kuanagan ka matada Jesus, “Taan mauuju ikuddu ka kam pato. Oto puenung kam ka teteret ai pei le pato ka kam, bui isaksak kam gepgep; aipoi sipueenung ka gepgep, ta iagai kaipa ieei.

5Mos. 32:35

Ilulumunake samba iukumake sia si Tuhan, ta'an mauju rabele ramatei, iaailingan le tetere katukataikatdra.

1Joh. 2:11

Tapoi sipulagaki baga sarainania, ai le nia ka bagat pugepgeman, samba murimanua ka bagat pugepgeman. Ta iagai kaipa eijanannia, aipoi aipesetnakean matania pugepgeman.

Jud. 1:13

Kele onun koat sipujajaa le sia, sibubutnake galai tubu katuailaatda; kele panyanyat sipugegejek; ka sia nene amatarekngan kudduat ka pugepgeman teret buruburu.