Jer. 23:11 - BUKO SIPUNENAN

¹¹ “Bulatnia, nabi samba leu imam masigalaiake le'; ka lalepKu leu et Kuaili le' pukakataira' kise te' ngangan Tuhan.

Jer. 23:11 Iomraidhean Croise

2Taw. 33:5

Ka rua laibokat Uman Tuhan rioakenangan kudduat pasibuluijiat panyanyat.

2Taw. 33:7

Kaunangan tularat bulungan kabagat Uman Tuhan, kenanen aikuangan si Tuhan katubut David samba kai Salomo, togania, “UmangKu samba laggai Jerusalem nene, sikokoiakenenKu katalagat sipulurua muntogat Israel, iate kudduat siteuakenenKu sibailiu kudduat panindogat katubukKu teret buruburu.

2Taw. 36:14

Ta sarat nenda, Uman Tuhan sikokoiakenen kai Tuhan, palolitrangannia sikebbukat laggai Jehuda, tai imam samba siberikabaga, kalulut aratutake masibuluiji tularat bulungan samba masitutake enungan purimanuaiatda si jo sibara ka laggai-laggai ka bebera.

Ezra 10:18

Nene te oninda sangamberi sirimanua sipusinanalep sibara ka bangsa bagei: tai imam tusurat oni pasamba muntogatnia: muntogat Jesua pasamba sasarainania, tatogat Jozadak: Maaseya, Eliezer, Jarib samba si Gedalya.

Jer. 11:15

Aponiangan le' pasikelat simakiliu bagaKu ka bagat umangKu, ta'pa aigalaiaken sangamberi pinaatu pagalaiat katai? Momoi leu pa' palelengan samba akkula sipunenan masipasabau pugejaat baga ka tubum, bailiu lepageti oinangan numaangaka baga?

Jer. 23:15

Kalulut nenda kasene le' ngangan Tuhan Sebaot pagalaiat tai nabi nenda: “Bulatnia te', Kukakau geti komenda simapongit samba mulo' tuba, aipoi barania ka tai nabi Jerusalem atusaluan pukakatai ka sangaliot laggai.”

Jer. 32:34

Rapagalak le' sabulunganda ka sitsitnakenen ka lalep ka uddutnia oningKu tusogaake addeat masikasitsitnakenia.

Jer. 5:31

Tai nabi masipatuptup sipatataju samba tai imam sipasigegelaiake ka obat baga, samba sapaamianKu raoba le' kise! Tapoi aponia le' geti nugalaikam ke' bai amoian kalepakatnia?

Jer. 50:6

PaamianKu kele sara biribiri simalilimai; siobakenanra sipasijajago terimeu imalimai. Putebarangan kasenen leleu bagei samba pat kalipogirangan lalepra.

Jer. 6:13

Bulatnia, barania ka sigoiso pat aili ka sabeu katalagatda, sangamberitda masikukru uktuk, tai nabi samba tai imam sangamberitda masigalai patajuat le'.

Jer. 7:30

Bulatnia, tai Jehuda aragalaiakean sikatai ka mataKu, kisene le' ngangan Tuhan. Aiuddetakean sangamberi taikamanua kasitsitakenen ka bagat lalep pasisogaiat oningKu nene addeat masilolitake.

Jer. 8:10

Kalulut nenda Kukakau le' geti sangamberi sinanalepda ka sirimanua sabagei, sangamberi monenda katubut sipaorei. Bulatnia te' barania ka sigoiso pat aili ka sabau, sangamberitda masikukru uktu; nabi samba imam leu, sangamberitda masigalaiake patajuat.

Sou. 2:20

Tuhan, itco samba lelekake pei sia sipaoreiNu nenda! Ai leu pa anugalaiake kisedda? Ina masikom togania simanuntu bagania, imam samba nabi tumateiake kabagat Umam sipunenan.

Jehz. 23:39

Raja'ja le tatogatda uktuk sabulunganda, moi le sia ka gogoi nenda ka kudduat sipunenanKu samba masipasabau pusisipunenannia. Bulatnia, nene te aragalaiake kabagat lalepKu.

Jehz. 44:10

Tapoi tai Lewi situaareu katubukKu kateteret ta aramatopit katubukKu ka pasitutut sabulunganda, rasilo ke geti ukumanda.

Jehz. 7:20

Rapalainge le tubutda pasamba mas samba perak samba erunia pulaingean nene siabbit sia kabagat pubuangan patuat. Sibara ka mas samba perak nenda ragalai le tularat bulungan sikatai samba sabulunganda kasitsitakenen; kalulut nenda mas samba perakra Kubailiuake le katuailaatda.

Jehz. 8:11

Samba kamatania murio pitu pulu sia sikebbukatda samuntogat Israel, pasamba si Jaazanya togat Safan katalagatda. Senenda masiukkaake tutungan kumanyang kakabeira, samba singin kujuk kumanyang nenda tusakai kapata.

Jehz. 8:16

Iageti ambitnangan aku ka pugeratat kabagat uman Tuhan; bulatnia, kabebet enungan gugurukat ka uman Tuhan, ka paoggangan bilik sabeu Uma Sipunenan samba kudduat pasibuluijiat ai rua pulu lima sia taimanteu, siteitei uman Tuhan samba simatai ka kabelekat sulu samba ai sia murerekkuk ka ipot matatsulu ka isit kabelaiat sulu.

Zep. 3:3

Sangamberi siabeu tiboi tubu ka laggai nenda kele' singa sipurorou. Sipasiukumnia kele jojot leleu simalaje: bulat maalau bagadda bailu berisara tolat tak aralegeiake komen mancep.

Zep. 3:4

Tai nabi ta anai ukut bagadda samba tamomoi tukatonemi; tai imam leu rapalolit leu kaunen kai Tuhan samba rapabailok le surukat Taikamanua bailiu puuktunganda.