Jer. 22:3 - BUKO SIPUNENAN

³ Kasene le' ngangan Tuhan: Galaiake le' puroipoat samba pubulanan, obaake le' sirimanua siraurau kakabei sirimanua sipasirarauraunia, bui nuorei samba bui nugalai pugege katubut sirimanua siooiake, siputata' ina, samba sipululumang samba bui numateiake sirimanua sita'sele ka kudduat nene!

Jer. 22:3 Iomraidhean Croise

2Sam. 23:3

Taikamanuan Jakob masikua; sijago tai Israel masikua katubukku: Rimata siparentaake siberikabaga kabagat katuroipoat sipasiuteake kabagat purereddet katubut Tuhan,

2Rim. 24:4

bulat siboiki iate kalulut mamateiakena sirimanua sitaimasele. Ta ioba si Tuhan masiappeake jot Manasye kalulut katai sigalainia.

Job 22:9

Koiniakenungan ratuitui tai lumang sita'abbinen, samba bakbakngakenungan kabeira siputata'ina.

Job 24:9

Sirimanua sikatai masioppu tatoga siputata'ina ka tottot inania, samba masiala toga sigoiso, togatda simageba sipuutak katubutda.

PSALMEN 68:5

Puurai kam ka Taikamanua, umunake kam ka oniNia, buakngake kam Nia sienungi tanairusa, OniNia iate Tuhan; pusanang kam ka mataNia!

PSALMEN 82:4

Belaake kam sirimanua simalilimai samba simageba, belaake kam sia ka kabeira sirimanua sikatai!”

PSALMEN 94:21

Musara le sia masisaggangi sirimanua simatopit, samba masiukum ukum kamateiat sirimanua sitaanai puseleat.

PSALMEN 94:6

silumang samba sirimanua siooiake arapajajakingan, samba tailusai aramateiakean;

2Mos. 22:21

Bui' nupaoreiji kam ele nugalaiake kam sitaimaroipo katubut sirimanua siooiake, repdem kam aipoi siburu kam leu et sirimanua siooiake ka Misir.

2Mos. 22:22

Bui' nugalaiake kam siobat bagamui katubutda tai lumang ele sipululusai.

Pangt. 23:10

Bui nuparitci song polak siikepakenen ele nuala polak bakkatda sitaina samba sita'ukkui.

Pangt. 6:17

mata pubuangan patuat, jalai simapajoat, kabei simateiake sirimanua sitaimasele,

Jes. 1:23

Sautemui iate sitaimareddet samba musara ka sipananangkou. Sangamberitda raoba masisilo bulagat ka sitaimaroipo samba masikukru bulagat ka enungan sitaimaroipo. Ta araropake sitaina ka siripot siloketda, samba ta raoba masiarepi pakaroatda tailumang.

Jes. 58:6

Ta! Mupuaso le obaketKu, iate masibuka palenggui pukakatai samba masirugut appra bairanen,

Jes. 58:7

bule nupaabo rotimui ka simalaje, masiambit simageba sitaanai lalep ka lalepmui, samba ke nuinco kam sirimanua simabulutut, kaumuian leppeinia samba bui' nupalipput kam tubummui ka sasarainamui!

Jer. 19:4

Aipoi arakaddiuakean Aku, atukauan kudduat nene ka taikamanua siooiake samba atulaboan buluakenen sene' ka taikamanua siooiake sitaiaagaietda samba taikebbukatda samba tai rimata Jehuda. Aragalaian kudduat nene sun le' logau sirimanua sita'anai sele.

Jer. 21:12

“Kasene le' ngangan Tuhan, ale muntogat David: Beleake le' ukum simaroipo senen simancep samba obaake le' kakabei sipasirauraunia sirimanua sioppu pubabakkatnia, bule oloi guluKu bui ipasilabo' kele obengan samba ipujulu ta'anai sipe'akenia, kalulut sangamberi galaitubumui sikatai!

Jer. 22:17

Tapoi matam samba paatuatnu sarat masibesiake ka pasikukukru uktuk le', ka pasimamateiake sirimanua sita'sele, ka pasiraraurau samba ka pasioorei!

Jer. 26:16

Lepa kuarangan sautet laggai samba taikauma nenda katubutda tai imam samba tai nabi nenda: “Sirimanua nene ta'mateu tuukum matei, aipoi amanibongannia katubutta ka onin Tuhan, Taikamanuanta.”

Jer. 5:28

sirimanua simabeu tubu samba simamo'mo. Aipei bagei raobaake le' itusabau sangamberi pukakatai, ta'rapuletsei ukum ta'aramanangake pakarora tatoga sita'eppu, samba ta'raropmake bakkatda simageba.

Jer. 7:23

sarat nene le' Aku parentaake katubutda: Arepake le' ngangangKu, iageti bailiunangan Aku Taikamanuamui samba kam ibailiu geti paamianKu, samba tut le' sangamberi enungan siparentaakenenKu katubumui, bule imaangka bagamui!

Jer. 9:24

tapoi kasei sioba katuumunan tubu, kauan iumunake tubunia kalulut nene: kalulut againa kolou samba iagai Aku, Aku te' Tuhan sipakoinong putotopit, puroipo samba pubulanan ka polak; bulatnia, sangamberinia nenda Kuoba, kise te' ngangan Tuhan.”

Sou. 3:36

kalulut itupabailok puroipoat, bulat iagai le si Tuhan samba aile ilelelekake.

Jehz. 18:12

masipaorei sirimanua sipangongorik samba simageba, masiraurau, ta aitoiliake sibaleakenenda sirimanua, masimattai ka sabulungan samba igalaiake kasitsitakenen,

Jehz. 18:7

ta aipaorei sirimanua sabagei, itoiliake sibaleakenen sirimanua, ta airaurau aponia pa, ikau komenda sirimanua simalaje, ikau leppeira sirimanua sibulutut,

Jehz. 22:7

Ukkui samba ina katubum tupaloloi samba katalagamui sirimanua masigalaiake pasirauraugat ka sirimanua siooiake, sitaukkui samba tai lusai katubum tupaorei.

Jehz. 45:9

Kasene le' tiboiet Tuhan Taikamanua: “Paan nenda, ale tai rimata Israel, areuake le' pugegege samba paoret, tapoi galaiake le puroipoat samba pubulanan. Ariake pukakatai situituiake paamianKu ka pulak bakkatda, kise tiboiet Tuhan Taikamanua.

Jol. 3:19

Misir ibailiu simatangeu, samba Edom ibailiu simagarak, taan sia sirimanua sikudduijinia, aipoi arasaggangingan tai Jehuda, samba mateiakerangan sirimanua, sipulalaggai sitaanai jo.

3Mos. 19:15

Bui nugalaiake patajuat kabagat pasiukuman; bui nuropake sirimanua sitaiaddeakenen ka enungan ta siripokatnia samba bui numare're' ka sirimanua siabeu tiboi tubu, tapoi kau nupasiukum saaleinu sirimanua kabagat pubulanan.

Ams. 5:15

Pulagakibaga sikatai, pununtukibaga simaeru; samba rioakekam katuroipoat ka matbaliu gugurukat. Baleu ipunununtukibaga si Tuhan, Taikamanua Sebaot muntogat Josep sipulelegei.

Ams. 5:24

Tapoi eddangannia puroipoat nenda ipuguruk kele oinan samba pubulanan kele bagat oinan simariuriu muguruk.”

Mik. 3:11

Sautet laggai masiparentaake bule' ibara bulagat kaenungan sitaimaroipo samba tai imam masigalaiake' surukat Tuhan bule ibara upa, samba tai Nabi masitiddou enungan sibara ka Taikamanua, bule ibara bulagatdra. Iageti sangamberidra masipaatu si Tuhan ainia karubeiatdra. Kuadrangan, “Si Tuhan ainia katalagatta; taiorak sita paoreat.”

Mik. 6:8

Ta! Aipatoilaan poi simaeru ka tubutta si Tuhan. BesiakenenNia ka tubutta geti iate bule tagalaiake simaroipo, masiparaboatnake pununtuat baga, puepekat paatuat, masisuraake puririmanua ka Taikamanuanta.

Malk. 3:5

Kuanangan Tuhan Sipulugege, “Momoi te Aku ka tubumui bule kupasiukum. Ta'an mauju ibailiu Aku sipasimumuneng ka sia sipugagaut, sirimanua sigalai paelenan, simunengake boko, sigalai patajuat kapasikakau upa ka sirimanua upaet, sipajo tai lumang, tai lusai, samba sirimanua siooiake, ka sia sangamberi sirimanua sitaisuru' Aku.

Mat. 23:23

Paan te ka kam siagaisurat samba tai Parise, sipatataju! Aipoi nukau le kam ka Taikamanua saparpulu rubeiat laiga, kiniu samba raro, tapoi siabeunia ka Surukat geti kele puroipoat, katet baga samba putopinan ta nupuletsei kam. Nene kau itugalaiake, tapoi nenda bui itugalakngake.

5Mos. 10:18

Nia te masipuuku sita'ina samba tailumang bule tugalaiake simaroipo katubutda. Manuntu bagaNia ka tai toi sikukuddu ka talagat bangsatta samba ikau leu komen samba bibilet.

5Mos. 24:17

Bui' nuraurau kam bakkatda tai toi samba siputata' ina, samba bui' nuala kam bibiletda tai lumang sibailiu kele sara sili.

5Mos. 24:7

Sirimanua sipasinanangkou sirimanua pasasambatda sabangsania, lepa galaiakenangan ka tubunia kele sara pagugulet ele isakiakenia, bui' ta tuukumnia simateiakenen. Kisedda te nutata'ake kam pukakatai ka talagamui.

5Mos. 25:1

Ke ai rua tai Israel sieei ka sipasiukum masinganduake sara pakaroat, iageti ka bagat pakaroatda nenda tupakoinong sara sitaimasele samba simasele.

5Mos. 27:19

‘Tutelei le sia sipasiraraurau bakkatda tai toi, siputata'ina samba tai lumang.’ ‘Amen!’

Jak. 1:27

Puaarat simalina samba si ta loloiet ka matat Taikamanua Ukkuita, ia te: masibalou sipululusai siputataina samba sipululumang ka bagat gejat bagada, samba masijago tubu bui ilolitnake nia polak nene.