Jer. 22:10 - BUKO SIPUNENAN

¹⁰ Bui nusoibikam sirimanua simamatei samba bui nupureureubaga kalulut nia. Maeru peile nusoibikam nia situtuitui, aipoi taan geti totoilinia minca, ta'an geti iitco minca polak putu'tukat matania.

Jer. 22:10 Iomraidhean Croise

2Rim. 22:20

kalulut nenda pasiukuman Jerusalem ta Kuririuriuake ka burut puririmanuam. Matei le ekeu geti ka bagat aban.” Iageti toili sia sapakoiniet nenda katubut rimata samba segeakerangan leu patonekat nenda.

2Rim. 23:29

Pumumuan bagei pagalaiat Josia samba sangamberi sigalaiakenennia, tusuratake ka buko Pumumuan sangamberi rimata Jehuda.

2Taw. 36:4

Iageti rimata Misir masiuddetake si Elyakim, sarainan Joahas, ibailiu rimata ka Jehuda samba Jerusalem samba silinangan oninia bailiu Joyakim. Tapoi si Joahas, sarainania nenda, tangsiakenangannia si Nekho, samba ambitrangannia ka Misir.

Sip. 4:2

Kalulut nenda kuaddeake le sirimanua simamatei, simamatei siburu, masanang peile sia bele peile sirimanua sipuririmanua, sipuririmahua peile kineiget.

Jes. 57:1

Masubu le sirimanua simaroipo, samba berisara sirimanua sipuleleknia; matei le sangamberi sirimanua simatopit, samba berisara sirimanua sipuletseinia; bulatnia, kalulut amakakrangan pukakatai, mateirangan leu sirimanua simatopit

Jer. 16:7

Ta'anai sirimanua sipaabbo roti ka sirimanua sipurereureu baga addeat masipusuibinia kalulut ka mamatai nenda. Beri sara sirimanua sipasikakau lo'nia sibara kapulokat pusuibiat kalulut ka mamatei ukkui ele inania.

Jer. 22:11

Aipoi kasene le' ngangan Tuhan pagalaiat si Salum, togat Josia, rimata Jehuda, sibailiu rimata sipasisiliake si Josia ukkuinia, samba sikaddiuake kudduat nene: Ta'an geti totoilinia sene',

Jer. 22:18

Lulut nenda kasene le' ngangan Tuhan pagalaiat si Joyakim togat Josia, rimata Jehuda: “Ta'an rasosoibinia geti sirimanua: Ale kebbuku! Ale maniuku! Ta'an rasosoibinia geti sirimanua: Ale tuan! Ale rimataku!

Jer. 22:27

Tapoi ka laggai repdemenbagatda ratoili sedda, ta'an geti totoili sia!”

Jer. 25:27

Lepe buitanukua katubutda: Kasene' le' ngangan Tuhan Sebaot, Taikamanuan Israel: Lokam teret ipuinengkam samba nupugelekam! Maibu le' samba ba'an tususuru minca, kalulut lanjau akenenKu katalagamui!

Jer. 28:4

Samba leu si Jokhoya togat Joyakim, rimata Jehuda, pasamba sangamberi sirimanua siribbaiakenen sibara ka Jehuda siambit ka Babel Kutoiliake le' ka kudduat nene, kise te' ngangan Tuhan! Bulatnia te', Kutatakkiake le' bairanen rimata Babel nenda!

Jer. 42:18

Bulatnia, kasene le' tiboiet Tuhan Sebaot, Taikamanuan Israel: Kele itubura goluKu samba imaoloi patuatKu ka sipukukuddu ka Jerusalen kise te' geti itubura oloi paatuatKu ka tubumui, ke'bai mei kam ka Misir. Ibabailu le' geti kam teleiet, bulat kalotoakenen, pateleiet samba lolit; ta'an nuitco kam minca kudduat nene.

Jer. 44:14

Tai Jahudi sipulelegei, sieei mukuddu ka Misir, beri te' sarasia sibebela samba sipuririmanua. Beri leu sia sara sitotoili ka Jehuda, kenanen bulat rabesiaake. Bulatnia, ta'anai sitotoili, tapoi piga pa' sipujajaujau le.”

Sou. 4:9

Mangorik samba matei le sia simamoile kalulut bulat taanai komenda; simamatei ka pasaggangan mautuk pei le simamatei kalulut laje.

Jehz. 24:16

“Ale togat sirimanua, itco, Kuoba masiala katubum nia bulat simanuntu bagaKu kele siorak pateleiat, tapoi bui' nupusou geri ele nupusou samba bui' nubelaake elum.

Luk. 23:28

Pitsanangan sia Jesus, kuanangan ka matada, “Kam tainanalep tai Jerusalem, ba sosoibi kam aku, tubumui le soibi kam samba tatogamui!