Jer. 21:9 - BUKO SIPUNENAN

⁹ Kasei pa' sikukuddu ka laggai nene matei le' geti kalulut lanjau, pulajeat samba besi' sipamamatei; tapoi kasei pa' sibebela sibara sene' samba masiobaake tubu katai Kasdim sigoilik kam, mariuriu le' geti ipurimanua; engania ibailiu geti raurauget ka sia.

Jer. 21:9 Iomraidhean Croise

Jer. 14:12

Kenanen bai ai sia mupuaso, ta'Kuaarepi geti rapusoga; kenanen bai rapangunguruatnake buluakenen silabo samba buluakenen sitotoiakenen, ta'mamakikiliu bagaKu geti ka tubutda, tapoi Kusubuake le' geti sia pasamba lanjau, pulajeat samba besi sipamamatei.”

Jer. 21:7

Lepa nenda, kise le' ngangan Tuhan, iageti si Zedekia, rimata Jehuda, samba sapaguguletnia samba taikauma ka laggai nene, legei sipuririmanua ka besi' sipamamatei, sibara ka lanjau samba ka pulajeat, Kusesegeake le' geti ka kabei Nebukadnezar, rimata Babel, iate ka kabei saggakda sibesiake masimateiake sia; rabo'bo' le sia sirimanua matei pasamba son lanjau ka tatat nuntutbaga, tatat katetbaga samba tatat katuaappe'.

Jer. 24:10

Samba Kuaake le' geti pasaggangan, pulajeat, samba besi' sipamamatei katalagatra, pat sapru sia itutataake ka uddut polak sikauKu katubutra samba ka taikebbukatra.”

Jer. 27:11

Tapoi bangsa sioba masikau te'tekatnia katei bairanen rimata Babel samba simakala katubunia, iageti obaakekungan sia ka polakda, kise te' tiboiet Tuhan samba galairangannia samba kuddu sia sedda.”

Jer. 27:12

Katubut Zedekia, rimata Babel, aku tiboakean simakere, kuakungan: “Kau le' tetekatnu masibairat bairanen rimata Babel, kaunumakala ka tubunia samba ka takaumania, iageti purimanuanungan.

Jer. 27:13

Angoi ekeu pasamba taikaumam bui tamatei kalulut lanjau, ka pulajeat samba ka besi sipamamatei kele sitiboakenen Tuhan pagalaiat bangsa sitaioba' makala katubut rimata Babel nenda?

Jer. 38:2

“Kanene le' ngangan Tuhan: Kasei sikuddu ka laggai nene matei geti kalulut lanjau, kalulut pulajeat samba besi' sipamamatei; tapoi kasei sibebela samba masikautubunia ka tai Kasdim, mariuriu le geti ipurimanua; engania geti raurauget samba mariuriu ipurimanua.

Jer. 38:3

“Kasene le' ngangan Tuhan: Laggai nene geti bulatnia tukakau le' kakabai saladdut rimata Babel sikalaakenia geti.”

Jer. 39:18

tapoi bulatnia le' Kubebelaake geti ekeu: ta'an geti mabubukat ekeu kalulut lanjau; engam geti ibailiu le' rauraugetnu, aipoi matonembagam katubukKu, kise te' ngangan Tuhan.”

Jer. 45:5

Angoi nuoba tukokoiake? Bui kisedda, Barukh! Sangamberi sirimanua Kuukum le pasamba paoreat, tapoi pagalaiat ekeu, tuaarauake le. Kenanen kaipa nuei, mariuriu le nupurimanua. Ngangan Tuhan.”

Jehz. 5:12

Matei le geti sepertelu katalagmui kalulut besi' simasappo samba matei kalulut laje katalagamui; sepertelu matei le geti ka lanjaura sikuddu kabebemui; samba sepertelu minca Kusaragaiake le geti ka sangamberi matat rusa samba Kuoppat le geti lanjau kateiteira.