Jer. 21:7 - BUKO SIPUNENAN

⁷ Lepa nenda, kise le' ngangan Tuhan, iageti si Zedekia, rimata Jehuda, samba sapaguguletnia samba taikauma ka laggai nene, legei sipuririmanua ka besi' sipamamatei, sibara ka lanjau samba ka pulajeat, Kusesegeake le' geti ka kabei Nebukadnezar, rimata Babel, iate ka kabei saggakda sibesiake masimateiake sia; rabo'bo' le sia sirimanua matei pasamba son lanjau ka tatat nuntutbaga, tatat katetbaga samba tatat katuaappe'.

Jer. 21:7 Iomraidhean Croise

Jes. 27:11

Ke amagarakngan sangamberi ran, oto tubakbakngake le; oirangan geti tainanalep samba laborangannia sibailiu loina paneu. Kalulut nene te sara bangsa sitaanai paatuat, niate lulunia sigalainia ta atupunutukinia baga, samba sibaraakenenia ta aipukatekinia baga.

Jes. 47:6

Siburu mugolu le Aku ka sapaamianKu, Kupalolit bakkatKu, samba masiake sia ka kabeinu; tapoi ta anupuntuki sia baga, tapoi anukau le bairanen simakope sane ka simabaja.

Jer. 13:14

Lepa Kupalulukluk le' geti sia senenda, pat katai, saukkui pasamba tatogania, kise te' ngangan Tuhan. Kususubuake le' geti sia ka tatat katet baga, tatat nunutut baga samba taiappeakenen.”

Jer. 14:12

Kenanen bai ai sia mupuaso, ta'Kuaarepi geti rapusoga; kenanen bai rapangunguruatnake buluakenen silabo samba buluakenen sitotoiakenen, ta'mamakikiliu bagaKu geti ka tubutda, tapoi Kusubuake le' geti sia pasamba lanjau, pulajeat samba besi sipamamatei.”

Jer. 15:5

Kasei pa' sipununtuki ekeu baga, ale Jerusalem, samba kasei pa' sioba' mureureu baga pasamba ekeu? Kasei pa' sioba tusappai addeat masiparereake pagalaiat puroron tubum?

Jer. 15:9

Iageti mangorik le' sinanalep sipususuruket pitungaminca engania soak, ka sia sulu abelan le' kenanen matago pei le', ibailiu le' imaila samba tupakaila. Sia sipulelegei Kukau le' sia ka lanjau ka matatda tai saggakda, kise te' ngangan Tuhan.”

Jer. 19:7

Kuariake geti sangamberi pinaatutda tai Jehuda samba Jerusalem ka kudduat nene samba Kuparappo le' sia kalulut lanjau kamatat saggakda samba kalulut kabei sangamberi sirimanua sioba masiala enganda. Kuobaake le' geti tubutda simatei ikomnia sangamberi uma' ka tei manua samba sangamberi tarimeu ka polak.

Jer. 20:4

Aipoi kise le' ngangan Tuhan: Bulatnia te', Kugagalai le' ibailiu ekeu pukarananbagam samba ka sangamberi sasuruaknu; tubukat matei le sia kalulut lanjau saggaknia kamatam. Samba sangalio Jehuda geti Kukau le' ka kabei rimata Babel geti ka pasiribbaiat ka Babel samba bo'bo' matei le' sia pasamba lanjau.

Jer. 22:25

Kukau le' ekeu ka kabei sangamberi sirimanua sipasibebesiake masiala' engam, ka kabei sangamberi sirimanua kalotoakenennu, ka kabei Nebukadnezar, rimata Babel, samba ka kabeira tai Kasdim.

Jer. 27:6

Samba kineiget, Kukakau le' sangamberi laggai nene kakabei paguguletKu, iate Nebukadnezar, rimata Babel; samba leu et tarimeu ka su'su Akukauan bule imareddet katubunia.

Jer. 32:4

si Zerdekia, rimata Jehuda, ta'bebelania ka kabeira tai Kasdim, tapoi tusegeake geti nia ka kabei rimata Babel, bule oinangan ipatiboakenia ngungu ka ngungun samba masiitconia mata ka mata;

Jer. 34:3

Samba ekeu leu ta'bebela ka kabeinia, tapoi tulaba samba tukau le ekeu ka kabeinia; nuitco le' geti rimata Babel sipamamatai mata samba manibo le' getinia katubum sipamamatai ngungu. Lepa geti ei ekeu ka Babel.

Jer. 36:29

Pagalaiat si Joyakim rimata Jehuda, bui tanukua: Kasenen le' ngangan Tuhan: Anulaboan buko purunen nene pasamba masikua: Angoi nusurat kabagania, rimata Babel momoi te' geti nia masipakatai laggai nene samba masimateiake sirimanua silaggaijinia pasamba sangamberi tarimeunia?

Jer. 37:17

Ka sara gogoi koiniakenengan sirimanua si Zedekia masiala si Jeremia. Lepa ka pinakele rerenangan rimata ka uma purimataatnia katubunia: Ai leu pa' amoi tiboiet sibara kai Tuhan?” Aleginangannia si Jeremia: “Ai!”. Kuanangannia minca: “ngangania: Tukakau le ekeu ka kabei rimata Babel!”

Jer. 50:17

Tai Israel iate kele mungkuat biribiri sisabuakenen, samba sialau singa. Siboiki rimata Asyur masisaggangi sia, lepa si nebuladnezar, rimata Babel lutcu sangamberi tolatra.

Sou. 2:20

Tuhan, itco samba lelekake pei sia sipaoreiNu nenda! Ai leu pa anugalaiake kisedda? Ina masikom togania simanuntu bagania, imam samba nabi tumateiake kabagat Umam sipunenan.

Sou. 2:22

Sogainungan tai saggak kalotoakenenmai bule tubaraake punen pukataikat ka bebemai. Mateiakerangan sangamberi sipasikelimai samba simanuntu bagamai. Ka gogoi pugolukatNu, taanai berisara siarauake tubuna.

Jehz. 23:28

Kalulut kise te tiboiet Tuhan Taikamanua: Itco, Kukau le ekeu ka kabeira sirimanua simalaga bagam, kenanen anuareuakean tubum katubutda.

Jehz. 7:9

Ta te Kupunununtuki ekeu baga samba ta Kuagai katet baga; Kulumunake le geti katubum siripot paraboatnu samba sangamberi kasitsitakenen sigalaiakenennu tuorakake le katubum. Iageti againungan getinia, Aku, Tuhan le, sipasisubuake.

Jehz. 8:18

Kalulut nenda Kulumunake le geti kabagat goluKu. Ta te manununtu bagakKu samba ta Kuagai katet baga. Samba kenanen musoga sia katubukKu ka nganga sabeu, ta Kuarepi sia.”

Jehz. 9:10

Kalulut nenda ta te manununtu bagakKu samba ta Kuagai katet baga; paraboatda Kuorakngake le ka utera.”

5Mos. 28:50

Sikatai le sia samba ta anai nuntut bagadra ka simabaja' samba leu ka tatoga.