Jer. 21:6 - BUKO SIPUNENAN

⁶ Kupaboboki le' sikudduiji laggai nene, sirimanuania samba leu tarimeu; matei le' geti kalulut besi' sipamamatei simakope.

Jer. 21:6 Iomraidhean Croise

1Mos. 6:7

pat kuanangan, “Kususubuake le sirimanua sigalaiKu nenda, samba leu sangamberi uma samba tarimeu bagei, aipoi aioleian bagakKu Aku galai sia.”

Jes. 6:11

Lepa parerekungan, “Piga ngagogoi teterenia ipuaili kele nene Tuhan?” Lepa aleginangannia si Tuhan: “Teret imakatai laggai nene samba ta ibara sikudduijinia, samba ta ibara sirimanua ka sangamberi lalep samba polak ibailiu matangeu.

Jer. 14:12

Kenanen bai ai sia mupuaso, ta'Kuaarepi geti rapusoga; kenanen bai rapangunguruatnake buluakenen silabo samba buluakenen sitotoiakenen, ta'mamakikiliu bagaKu geti ka tubutda, tapoi Kusubuake le' geti sia pasamba lanjau, pulajeat samba besi sipamamatei.”

Jer. 16:4

Matei le' geti sia kalulut sangamberi besi sibaraake kamamatei; sia geti ta'tusosoibi samba ta' turarateiake; ibailiu le' geti sia pasiramo ka mone'; sapru le' geti sia kalulut lanjau samba pulajeat; tubutda simamatei geti ibailiu le' komen sangamberi uma' ka tei manua samba sangamberi tarimeu ka polak.

Jer. 20:4

Aipoi kise le' ngangan Tuhan: Bulatnia te', Kugagalai le' ibailiu ekeu pukarananbagam samba ka sangamberi sasuruaknu; tubukat matei le sia kalulut lanjau saggaknia kamatam. Samba sangalio Jehuda geti Kukau le' ka kabei rimata Babel geti ka pasiribbaiat ka Babel samba bo'bo' matei le' sia pasamba lanjau.

Jer. 32:24

Bulatnia, sangamberi irip pakeiet masialou laggai aian mamalegre; kalulut lanjau, pulajeat samba besi sipamamatei iageti laggai nenda atukaunia ka tai Kasdim sisagganginia. Iageti aponia sitiboakenenNu nenda amuailingan; bulatnia Ekeu le' amasiitconia.

Jer. 33:12

Kasenen le' ngangan Tuhan Sebaot: Ka kupkumen laggai nene, silepa ibailiu siragatat, ta'anai sirimanua samba ta'anai tarimeu, samba sangamberi laggainia babara le minca su'su simase'se' addeat ka sipasijajago terimeu masiperepmake biribiri sedda.

Jer. 34:17

Aipoi kise le tiboiet Tuhan: Ta'anuarepi kam Aku, bule senen sirimanua masikau kabelaiat kapasasambania samba ka sasarainania, Iageti bulania, Aku masiake katubumui kabelaiat, kise te ngangan Tuhan, addeat tukau ka lanjau, besi simasappo samba pulajeat. Kubabailiuake le kam kalotoakenen simakope ka sangamberi purimataat ka polak.

Jer. 36:29

Pagalaiat si Joyakim rimata Jehuda, bui tanukua: Kasenen le' ngangan Tuhan: Anulaboan buko purunen nene pasamba masikua: Angoi nusurat kabagania, rimata Babel momoi te' geti nia masipakatai laggai nene samba masimateiake sirimanua silaggaijinia pasamba sangamberi tarimeunia?

Jer. 42:22

Kalulut nenda, bulatnia lelekngake kam simakolou, mamatei le' geti kam kalulut lanjau, pulajeat samba besi sipamamatei ka kudduat simagamui addeat mukuddu sibailiu sirimanua siooiake sedda.”

Jer. 7:20

Kalulut nenda kasenen le' tiboiet Tuhan Taikamanua: Bulatnia, goluKu samba oloi guluKu mapili ka kudduat nene, ka sirimanua, ka tarimeu, samba ka sangamberi loina ka su'su' samba ka buania siureman; golu' nenda mujulu le' samba ta'mamatei.”

Jehz. 12:16

Tapoi Kulelegeiake le sia goiso situarau ka lanjau, ka pulajeat samba ka besi' simasappo, bule rapupumuanake sangamberi sigalaira sikatai katalagat bangsa, kaipa raei; samba agairangannia geti Aku le Tuhan.”

Jehz. 14:13

“Ale togat sirimanua, ke mujo sara laggai katubukKu ibailiu sia sitaimatopit, Kutotoiake le kabeiKu masisagganginia kabagat masisubuake komen sitarekakenenda samba masibaraake pulajeat katubunia samba masitataake sirimanua samba tarimeu ka laggai nenda,

Jehz. 14:17

Ke Kubaraake lanjau ka laggai nenda samba kuakungan: Ale lanjau, gejengi laggai nene. Kusappruake le sirimanua samba tarimeu ka laggai nenda,

Jehz. 14:19

Ke Kubaraake besi' simasappo ka laggai nenda samba Kubelaake goluKu katubutda, bailiu puguruknangan logau kabagat pasisusubuake sirimanua samba tarimeu ka laggai nenda.

Jehz. 14:21

Bulatnia, kise te tiboiet Tuhan Taikamanua: sisaliu sangamberinia nenda, ke Kubaraake ka epat ukumanKu simakope sane nenda, iate lanjau, pulajeat, tarimeu simasabbak samba besi' simasappoka ka Jerusalem bule Kusappruake katubunia sirimanua samba tarimeu!

Jehz. 33:27

Kua kise katubutda: Kise te tiboiet Tuhan Taikamanua. Kalulut Aku sipuririmanua, sangamberi sirimanua sikuddu ka simararagat matei le geti sia ka lanjau, samba sangamberi sirimanua sikuddu ka polak simalio Kubailiuake le sibailiu komen tarimeu simalia samba sangamberi sirimanua sikuddu kabagat ngaliu samba kudduat simaron iorak le sia geti besi' simasappo.

Jehz. 33:29

Samba agairangan getinia, Aku le Tuhan, kateteret Kugalai polak nene imasusu samba imatangeu, kalulut sangamberi paraboatda sikatai, sigalaiakenenda.

Jehz. 7:15

Lanjau ai ka ujat laggai, besi' simasappo samba pulajeat ai kabaga. Kasei sikuddu ka uja matei le nia ka lanjau, samba kasei sikuddu kabagat laggai matei le nia kalulut pulajeat samba besi' simasappo.

Hos. 4:3

Kalulut nenda laggai nene ibabailiu le simagarak, samba matei le geti sangamberi sipuririmanua sedda. Sangamberei ngamatat tarimeu sitububurut samba sikuddu ka polak samba leu ka koat matei.

Mik. 3:12

Lulut pukakatainu nenda, Sion tupakru kele mone, Jerusalem tubailiuake pasitabbui siragatat samba tinambut lalep Tuhan bailiu mase'se'.

Zep. 1:3

sangamberi sirimanua samba leiti', samba leu uma samba iba, kumamatei ake leu sirimanua sikatai. Sangamberi sirimanua kumateiake beri sia sara mulegei murimanua. Kise te ngangan Tuhan.

Luk. 21:24

Ai simamatei ka son lanjau, sabagei rambit sia bangsa bagei orejetda; samba Jerusalem rapaperaki sipuarat sabulungan, teret sappuru tetere sinetereakenen ka sia.”