Jer. 21:5 - BUKO SIPUNENAN

⁵ Aku le' geti masisaggangikam pasamba kabei situtotottoi, pasamba para simaron, pasamba golu, pasamba oloi golu samba pasamba golu' siabau.

Jer. 21:5 Iomraidhean Croise

2Mos. 6:6

Bailiuakekungan kam geti paamianKu, samba Aku ibailiu Taikamanuamui, bule nuagai kammia, Aku te Tuhan, Taikamanuamui, sibelaake kam ka paoreatda tai Misir.

2Mos. 9:15

Ke Kuoba masiukum ekeu samba taikalaggaiatnu ka besi, bulat amasubungan kam sangamberimui.

Jes. 10:4

Tamomoi nugalaiake kam aponia pa, mukuddu le kam katalagatda sipatpatakenen, samba matei katalagatda sirimanua simateiakenen Kenanen muaili sangamberinia nene, goluNia ta leu et tatata, samba kabeiNia aipeile tutototoi.

Jes. 5:25

Kalulut nenda pugolunangan si Tuhan ka paamianNia, totoiakenangan kabeiNia katubutda samba bobonangan sia; pugeretnangan sangamberi leleu, samba tubutda simamatei kele siribaiat sirimanua katalagat enungan. Kenanen muaili sangamberinia nene, goluNia ta ibebeleki samba kabeiNia aipeile tutototoi.

Jes. 63:10

Tapoi mukela patuat le sia samba masireureuake bagat Ketsat SipunenanNia; oto Nia ibailiu saggakda, samba nia le pasaggak isaggangi sia

Jes. 9:12

Tapoi paamian nenda ta atoili sia katubuNia sipasiukum sia, samba ta aragaba si Tuhan Sebaot.

Jes. 9:17

Kalulut pukakatai nenda mujulu kele obengan sipasilabo itata bekbek kurut samba parou, lepa labonangan bakkat loina ka leleu bailiu turot kujuk paruru ka pata.

Jer. 32:17

Ale, Tuhan Taikamanua! Bulatnia, Ekeu le sipasibabaraake manua samba polak, ka gegeM sabeu pasamba paraM sipurerepa. Ta'anai sita'ioi Nugalai!

Jer. 32:37

Bulatnia te' Kururuake le sia ka sangamberi laggai, kaipa kudduat Akupasaragai sia kalulut goluKu, oloi goluKu samba ngoingoibagaKu sabeu, samba Kutotoiliake le' sia ka kudduat nene samba Kubailiuake le' sia mukuddu ka bagat sanang puririmanua.

Jer. 36:7

Baleu panindougatda sege ka matat Tuhan samba senenda masibauake paatuatnia ka galai tubu sikatai nenda, aipoi bulat abeu le' golu' samba oloi golu' siisiakenen Tuhan katubut bangsa nene.”

Jer. 37:10

Ke'bai nukalaake sangamberi saladdutda tai Kasdim sisaggangi ekeu nenda, bailiu sipulelegai katalagatda sarat sirimanua sibara mauju, senenda ka sapoura tusuru sia samba laborangan laggai nene pasamba obengan.”

Jer. 6:12

Sangamberi lalepdra tukau le' geti kasabagei, kisedda leu sangamberi mone samba sangamberi tainanalepda. – Bulatnia, Kutotoiake le' kabeuKu masisaggangi sikudduiji laggai nene, kise te' ngangan Tuhan.

Sou. 2:3

Kabagat goluNia sabeu, bakbakakenangan geget Israel. Kateteret saggak masisaggangi sita, ta ioba iake paroman. Kele ipujulu obengan masilabo senengamata, kisedda te ipugolu si Tuhan katubutta sangamberitta.

Jehz. 39:3

Kubo'bo le geti kabei sikatsiunu bailiu bele rourounu samba masigalai ibele sangamberi silogui kakabei sikattoetnu.

Jehz. 5:8

kalulut nenda kise te tiboiet Tuhan Taikamanua: Itco, Aku, bulatnia ibailiu le geti Aku saggaknu samba Kuorakngake le geti ukuman katubum kamatatda tai bangsa.

5Mos. 4:23

Repdem kam sipulelelek! Bui' nukalipogi kam palelengan Tuhan Taikamanuamu ka tubumui. Reddet kam parentaNia! Bulat bui' nugalai kam tularat kele kipapa tubunia panindogietmui,

5Mos. 4:34

Ai leu pa sara taikamanua simagege masioppu sara bangsa lepa bailiuakenangannia bangsania, kele sigalaiakenen Tuhan Taikamanuamui ka tubumui ka Misir? Anuitcoan kam kipa aigalai Taikamanua ka bagat ronNia sabeu sibaraake kamateiat samba pasaggangan, sigalai sangamberi kiseiet samba sigalai bulat kiseiet sabeu.