Jer. 21:10 - BUKO SIPUNENAN

¹⁰ Aipoi Akusaklangan laggai nene addeat masibaraakeoringan samba ta' masibaraake puuktungannia, kise te' ngangan Tuhan. Laggai nene tukau le' geti ka kabei rimata Babel sipasilalabonia teret sapru pasamba obengan.”

Jer. 21:10 Iomraidhean Croise

2Taw. 36:19

Bukkatakenangan irip laggai Jerusalem, samba labonangan laggai nenda, kisedda leu et Uman Tuhan samba sangamberi uma purimataat pasamba bibilet simakeppu saki sipulelegei kabagat sangamberi uma purimataat nenda.

PSALMEN 34:16

Ipuletsei le si Tuhan sirimania simatopit Iarepi le ke mugerei sia masitiddou paroman,

Jer. 17:27

Tapoi ke'bai ta'nuarepi kam surukatKu addeat masipuneni gogoi Sabat samba ta' tuguguru' masiambit bibilet masienungi matat baliu gugurukat Jerusalem ka gogoi Sabat, iageti sangamberi matat baliu gugurukatnia Kuobekake le' geti obengan sipasilabo isapru geti sangamberi uma purimataat ka Jerusalem, samba sitaioi geti tupeake'.”

Jer. 26:6

iageti Kugalai le' geti uma nene makere le' kele Silo, samba laggai nene ibailiu le' telei kasangamberi bangsa ka polak.”

Jer. 33:5

Tuguguru le' geti sirimanua pasaggak masisaggangi tai Kasdim samba laggai nene geti sut le' tubut sirimanua simamatei simateiakenenKu kalulut goluKu samba oloi goluKu, aipoi Akulipputnakean pumataatKu ka laggai nene kalulut senangamata pukakataira.

Jer. 34:2

Kasenen le' ngangan Tuhan, Taikamanuan Israel: Kenan le' patibo kai Zedekia, rimata Jehuda, kua katubunia: Kise' le' ngangan Tuhan: Bulatnia, Kukau le' laggai nene kakabei rimata Babel, bule ilabonia itata pasamba obengan.

Jer. 34:22

Bulatnia, kise' te' ngangan Tuhan, Kukau le' parenta samba Kuambit le' sia minca ka laggai nene addeat masisagganginia, masialau samba masilabonia pasamba obengan. Kugagalai le' sangamberi laggai Jehuda ibailiunia simagarak sita'anai sikudduijinia.”

Jer. 38:17

Lepa nenda kuanangan si Jeremia kai Rimata Zedekia: “Kise le ngangan Tuhan, Taikamanua Sebaot, Taikamanuan Israel: Ke' bela ekeu msisegetubum ka sautet saladdut rimata Babel, marau le' ekeu samba laggai nene leu ta'tulalabo. Ekeu samba saeppum geti murimanua le.

Jer. 38:18

Tapoi ke'bai ta'nuoba tubum katubut saladdut rimatat Babel, iageti laggai nene tukau le' geti kakabira tai Kasdim sipasilalabonia pasamba obengan; samba ekeu leu ta'bebela kakabeira.”

Jer. 38:23

Sangamberitda tainanalepmui samba tatogamui tugirit geti ka uja kamatda tai Kasdim nenda. Samba ekeu geti ta'bebela kakabeira, tapoi ilalaba le' ekeu rimata Babel. Samba laggai nene tulabo' pasamba obengan.”

Jer. 38:3

“Kasene le' ngangan Tuhan: Laggai nene geti bulatnia tukakau le' kakabai saladdut rimata Babel sikalaakenia geti.”

Jer. 39:16

“Kenan le' kai Ebed-Melek tai Etiopia nenda kua katubunia: Kasenen le' ngangan Tuhan Sebaot, Taikamanuan Israel: Bulatnia te' tiboietKu ka laggai nene Kugagalaiake le geti addeat pugejaat baga, samba ta' addeat puerukat, samba sangamberinia nenda muaali te' geti ka matamui keteteret nenda lauet.

Jer. 39:8

Laborangan tai Kasdim uma purimataat rimata samba sangamberi lalepra taikauma pasamba obengan, lepa bukkatnakerangan sangamberi irip Jerusalem.

Jer. 44:11

Kalulut nenda kise le ngangan Tuhan Sebaot, Taikamanuan Israel: Bulatnia te', Kupatotoila le mataKu katubumui addeat masibesikikam, iate Kupasasapru le sangamberi tai Jehuda.

Jer. 44:27

Kubebesiake le' bule nupangorik kam samba ta' masipuangkaki baga kam, teret numatei kam sangamberimui, kapasaggangan ele kalulut pulajeat.

Jer. 52:13

Si Nebuzaradan masilabo uman Tuhan, purimataat rimata samba sangamberi lalep siabeu tiboi tubu ka Jerusalem pasamba obengan.

Jehz. 15:7

Aku le masiukum sia. Kenanen tuarau sia ka obengan, tapoi ilalabo le sia obengan. Samba agaimuian getinia Aku te Tuhan, kateteret Kuukumake sia

Jehz. 24:11

Galakngake pariok nenda sitakabaga ka uddut bot obengan, bule itulabo nenda samba ibailiu mabonan tembagania, bailiu mabubunangan simalolitnia kabagania samba isappru kaopnia.

3Mos. 17:10

“Senen sirimanua sibara ka muntogat Israel ele siooiake sipukukuddu katalagatda, sipasikom logau aponia pa Aku le masigogolunia samba masitatataakenia katalagat bangsania.

3Mos. 26:17

Kuukum le geti kam, pat kalaakerangan kam sasaggakmui samba silagakikam baga masikupkupmake kam. Ibailiu le geti kam simakope loto pat putuituimuan, kenanen taanai sikukru kam.

Ams. 2:5

Kukakau le geti obengan ka laggai Jehuda bailiu purimataat Jerusalem labonangannia itata.”

Ams. 9:4

Kenanen bai muenung sia matat saggakda sibailiu tangsiake, Kupaparentaake le' geti lanjau masimateiake sia sedda. Kuipoake le' geti mataKu katubutda addeat pugejaat bagatda, samba ta'puerukatda.”

Zakh. 1:6

Katubutda tai nabi sapaguguletKu sipuboiki, Akusegeakean sangamberi parenta samba paasekatKu ka tubutdra taikebbukatmui. Tapoi ta rapuletcei bailiunangan bui ta rabairat ukum siripot taimaletceira. Iapei oleinangan bagatdra samba seseakerangannia, Aku, Tuhan Sipulugege amasiukumake sia simateu ka puseleatdra samba kele siripot siteuakenenKu.”