Jer. 20:8 - BUKO SIPUNENAN

⁸ Apoi senen kupanibo, bui tamugerei le' aku bui tamosoga: “Pugegeat! Paoreat!” Aipoi tiboiet Tuhan, aibailiuan paloloiet samba gegeiet kaku ka sanganantat gogoi,

Jer. 20:8 Iomraidhean Croise

2Rim. 2:23

Lepa geti tuitui si Elisa barania ka Jerikho iei ka Betel. Ka tengan enungan bela sangamungkuat tatoga baratda ka laggai samba geigeirangannia. Gereiakerangan, “Hei guluk, kenan katuitui sene!”

2Taw. 36:16

Tapoi arapaloloi le pakoiniet Taikamanua nenda, samba gagatirangan tai nabiNia samba ta arapuletsei tiboiet Tuhan. Kalepakatnia makopenangan goluNia si Tuhan katubutda, bailiu taan anai enungan kabelaiat bule ta iorak sia ukamanNia.

Jes. 57:4

Pagalaiat kasei nupaguguileakem tiboietmui, katubut kasei nukau kam tiboet ta sibulatnia? Ta pa kam nene tatoga simakela patuat, muntogat sipatataju,

Jer. 15:10

Paan te' kaku, ale inangku, situ'tu'ake mataku, sara sirimanua sibailiu paukelat, samba pagolukat ka sangamberi laggai. Aku ta' sirimanua sipasiutakake ele sirimanua sipuutak katubut kasei pa', tapoi sia sangamberitda masipaloloi aku.

Jer. 15:15

Nuagaian le'; ale Tuhan, repdep le' samba lelekake' le' aku, galai le' lumun ka sangamberi sirimanua sikukru aku. Ba' obaake raala aku, kalulut ombagaM, agai le' kipa ioi kubairat paloloi kalulut Ekeu!

Jer. 17:27

Tapoi ke'bai ta'nuarepi kam surukatKu addeat masipuneni gogoi Sabat samba ta' tuguguru' masiambit bibilet masienungi matat baliu gugurukat Jerusalem ka gogoi Sabat, iageti sangamberi matat baliu gugurukatnia Kuobekake le' geti obengan sipasilabo isapru geti sangamberi uma purimataat ka Jerusalem, samba sitaioi geti tupeake'.”

Jer. 20:7

Anupusumingan aku, ale Tuhan, samba akuobaakean tubukku tupusumi; Ekeu pei le makope ron kaku samba anukalaakean aku. Aibailiuan le' aku ga'gatiet kasanganantat gogoi, sangamberi sirimanua masigegei aku.

Jer. 28:8

Sangamberi tai nabi sibabara ke pei aku samba siburu amusibalangan sia ka sangamberi laggai samba katubut sangamberi purimataat sabeu pagalaiat pasaggangan samba pugejaat baga sabeu samba besi sipamamatei.

Jer. 5:1

Riringi le' sangamberi enungan Jerusalem, Itco simakolou samba kua le'! Lelekngake le' sangamberi polaknia simalio, momoi leu pa' nusese sara sirimanua, ai leu pa' sigalaiake puroipoat samba sipasigagaba pubulanan, iageti obakungan masiappeake laggai nenda.

Jer. 5:6

Lulut nenda singa sibara ka leleu pabobokinangan sia matei, samba jojot leleu sibara kasimatangeu pakatainangan sia. Macan simagurik itaiko le' bebet laggaira, senen sirimanua sibebela itarakup le sia. Aipoi pasisasabaura bulat maigingan, samba kapepeatnia bulat mabeu.

Jer. 6:10

Kasei katubu pa' kupaninibo samba kupasipopoiliat, bule raoba masilelekake? Bulatnia, piura ta'amusunat, ta' momoi rapasiarep! Bulatnia, tiboiet Tuhan ibailiu le' gegeietda, ta'raobania!

Jer. 7:9

Kiangan le' manangkou ekeu, pamatei, paelet, pataju, masilabo buluakenen ka Baal samba masitut taikamanua bagei taiagaietnu,

Hab. 1:3

Angoi koi nuobaake aku masiitco maigi ngamataat jo? Sarapei ekeu momoi nuomake masiitco maigi puseleat? Kaipa-kaipa le ai paoreat samba pugegeat, palabakat samba paukkelat.

Luk. 11:45

Kuanangan sara ka talagada siagaisurat, “Guru, anupaloloian kai ka tiboietnu nene!”

Ibr. 11:26

Aipoi katuloloiat kalulut Kristus le iaddeake pukayoat sabeu bele pei le sangamberi bibiletda tai Misir; upa ka gogoi sibabara le poi imamattai.

Ibr. 13:13

Oto sita kam tatagetnake nia ka gerat sapou taorik kam nia sambata paloloiat ka tubunia.

1Ptr. 4:14

Mauktuk te kam ke rapaloloi kam kalulut onin Kristus, aipoi Ketsat pulatsanan, ia te Ketsat Taikamanua ai ka tubumui.