Jer. 20:7 - BUKO SIPUNENAN

⁷ Anupusumingan aku, ale Tuhan, samba akuobaakean tubukku tupusumi; Ekeu pei le makope ron kaku samba anukalaakean aku. Aibailiuan le' aku ga'gatiet kasanganantat gogoi, sangamberi sirimanua masigegei aku.

Jer. 20:7 Iomraidhean Croise

2Rim. 2:23

Lepa geti tuitui si Elisa barania ka Jerikho iei ka Betel. Ka tengan enungan bela sangamungkuat tatoga baratda ka laggai samba geigeirangannia. Gereiakerangan, “Hei guluk, kenan katuitui sene!”

Job 12:4

Bailiunangan aku gagatietda saalei samba sasuruakku, kenanen poi sineseat samba sita' sele le aku. Siburu ialegi panindogatku Taikamanua, ke musoga aku masitiddou paroman.

Job 30:9

Tapoi kineneiget aibailiuan aku paguileakenenda, samba geigeietda.

PSALMEN 119:51

Sirimanua simaukkat masiasa' aku simakope, tapoi ta atusoip aku ka surukatNu.

Jes. 8:11

Kalulut kise te tiboiet Tuhan katubukku, kateteret aikupkupmake aku kabeiNia, samba kateteret aiparepdep aku, bule bui' kututnake galai tubutda paamian nene:

Jer. 15:10

Paan te' kaku, ale inangku, situ'tu'ake mataku, sara sirimanua sibailiu paukelat, samba pagolukat ka sangamberi laggai. Aku ta' sirimanua sipasiutakake ele sirimanua sipuutak katubut kasei pa', tapoi sia sangamberitda masipaloloi aku.

Jer. 15:18

Angoi pa' ta' ipuaari pangoringanku, samba mauju'ku makokope le' samba ta'iagai tualeake? Bulatnia, Ekeu kele bagat oinan simatajuat le' kaku, oinan sitaioi tukatonemi.

Jer. 17:16

Tapoi ta'akubesiake katubuM bule Nubaraake pugejaat baga, ta'akukiddi gogoi pasisiboat! Ekeu le' sigainia aponia sibebela ka biboku, sangamberinia matoila' le' ka mataM.

Jer. 20:9

Tapoi ke'bai mupaatuatku: “Ta'kuoba masirepdepNia samba ta'kuoba masitiboake tiboiet minca ka oniNia, “Iageti kabagat paatuatku ai sara kelean le' obengan sipujujulu, tuluplup ka sangamberi tolatku; masasaggo le' aku masiopmakenia, tapoi taanai ronku.

Jer. 29:26

Airioakeean ekeu si Tuhan, Zefanya, ibailiu imam masisiliake imam Joyada, bule ibailiu ekeu sipasikeli uman Tuhan addeat masikabe senen sirimanua siroro sipasiaaddeake tubunia nabi samba masingalou lolokkania pasamba laba.

Jer. 38:19

Lepa geti kuanangan Rimata Zedekia katubut Jeremia: “Maloto le' aku ka tai Jehuda siputatalipo ka tai Kasdim nenda; babara tukakau aku kakabeira, bailiu paguileakerangan aku.”

Sou. 3:14

Ka sanganantat gogoi ragagati le aku sangamberi sirimanua, samba tubailiuake aku sailuket.

Jehz. 3:14

Akkatnakenangan aku Ketcat nenda samba ambitnangan aku, samba tuitui aku kabagat oloi patuat samba taimaarau patuat, kalulut ronnia aiubbuake aku geget Tuhan.

Hos. 9:7

Ke iaili teterenia pasiukuman, addeat tetere masisilo silit sangamberi sigalaiakenen. Iapeite raagainia geti tai Israel. Kuamuian, “Nabi sikupkup ketsat nene sitaiagai patuat! Siroro le nia kuamuian kidedda kalulut makope lagat bagmui katubukku samba bulat makope beunan jomui.

Jon. 4:2

Iageti panindounangan, “Oi Tuhan, akukuangan tebai siboiki aipeile aku ka laggai kabaraiatku, aipoi bulat nugagalai le kele nene. Iate paluluatnia akutuitui masialiake Spanyol? Kuagaipoi Ekeu le Taikamanua Sipulu nuntut baga samba sipulu katet baga, simaom baga samba simaleppe baga samba simatarek masisaili galaiakenen pasiukuman.

Mik. 3:8

Tapoi pagalaiat putubuatku nene, aiuruake'an ketsat samba gegeNia si Tuhan. Katubukku iake' puaagai pagalaiat katuroipoat samba leu et gege masipoiliat jo katubutdra tai Israel.

Luk. 16:14

Kele araarep sangamberinia nene tai Parise simaereu bulagat, asarangan Jesus.

Luk. 23:11

Paloloinangan nia si herodes, asanangan nia samba tai saladdunia, leppeiakerangan ka tubunia leppei simalatsat, lepa koiniakerangan nia minca kai Pilatus.

Pugap. 17:18

Ai leu piga pa simasiku paatuat tai Epikuros samba tai Stoa sipajoggoloake nia, sabagei masikua, “Apa te ititiboi simaigi tiboiet nene?” Sabagei masikua, “Ai pa ititiboi pagalaiat taikamanua bagei.” Aititiboi poi pagalaiat Jesus samba katusuruat simamatei.

Pugap. 17:32

Kele araarep pagalaiat katusuruat simamatei, asarangan nia sabagei; sabagei geti masikua, “Koba pei le kuarep kai minca nutiboi pagalaiat nene.”

1Kor. 9:6

Ele sarat aku le pa samba si Barnabas buita mugalai le masipurimanuaji tubumai?

Ibr. 11:36

Sabagei raorik paloloiat samba rabobo, rakabe pei samba rapenjaraake.