Jer. 20:6 - BUKO SIPUNENAN

⁶ Pagalaiat ekeu, ale Pasyur, samba sangamberi sirimanua sipukukuddu ka lalepnu, tuambit le' geti ekeu labaket; sege le' geti ekeu ka Babel samba matei sedda samba turateiake sedda: ekeu nene pasamba sangamberi suruaknu ka tubutda anusegeake patonekat patajuat.”

Jer. 20:6 Iomraidhean Croise

Jes. 9:15

Kalulut sangamberi siuteake paamian nene iate sipasipepeake, samba sirimanua uteakenenda ibailiu masaragai.

Jer. 14:13

Lepa kuakungan: “Ale, Tuhan Taikamanua! Ta' pa' arakuangan tai nabi ka tubutda: Ta'an nuenungikam geti pasaggangan, samba pulajea ta'aan ioorakkam, tapoi Kuake le' geti katubumui aban simariuriu ka kudduat nene!”

Jer. 14:16

Samba bangsa kudduatda rapamoiliat nenda tuparibbai le' geti sia ka sangamberi enungan Jerusalem, kalulut pulajeat samba pasaggangan, samba ta'anai sirimanua sirateiake sia: sia saratda le', tainanalepda, tatogatda taimanteu samba tainanalep. Kise te' Kupiliake pukakataira ka tubutda.”

Jer. 20:1

Pasyhur togat Imer, imam kateteret nenda sipasiuteake umun Tuhan, masiarepmake si Jeremia masipatone sangamberi tiboiet nenda.

Jer. 20:4

Aipoi kise le' ngangan Tuhan: Bulatnia te', Kugagalai le' ibailiu ekeu pukarananbagam samba ka sangamberi sasuruaknu; tubukat matei le sia kalulut lanjau saggaknia kamatam. Samba sangalio Jehuda geti Kukau le' ka kabei rimata Babel geti ka pasiribbaiat ka Babel samba bo'bo' matei le' sia pasamba lanjau.

Jer. 23:32

Bulatnia te', ibabailiu le' Aku saggakda sia sipatone sangamberi pangamutet patajuat, kise' te' ngangan Tuhan, samba sipungunguake samba sipepeake paamianKu pasamba patajuat samba titiboatnia simasaliu. Ta'pei Akukoiniake sia samba ta'pei atuparentaake sia. Bulat ta'anai lulutra ka bangsa nene, kise' te ngangan Tuhan.

Jer. 29:32

iageti kasene le' ngangan Tuhan: Bulatnia te, Kuukum le geti si Semaya, tai Nehelam nenda, samba muntogatnia: ta'anai berisara kamuntogatnia geti mukukuddu ka talagat bangsa nene masiitco simaeru sigalaiakenenKu ka paamianKu, kise te ngangan Tuhan, aipoi ai ainanaan sirimanua mutaimarereddet kai Tuhan.

Jer. 5:31

Tai nabi masipatuptup sipatataju samba tai imam sipasigegelaiake ka obat baga, samba sapaamianKu raoba le' kise! Tapoi aponia le' geti nugalaikam ke' bai amoian kalepakatnia?

Sou. 2:14

Sisegeakenenda tai nabi katubum, sarat patajuat samba pabokoat le. Ta arapakoinong jo sigalainu, bailiu taibauakenungan patuatnu. Tapoi rasegeake le katubum tiboiet pabokoat samba pasipepe.

Jehz. 22:28

Tai nabinia rapalokoni sia pasamba kapur kabagat masiitco pamoilianan patajuat samba masikau tawa pabokoat ka sia; tai nabi nenda masikua: Kise te tiboiet Tuhan Taikamanua! Tapoi ta amanibo si Tuhan.

3Mos. 26:17

Kuukum le geti kam, pat kalaakerangan kam sasaggakmui samba silagakikam baga masikupkupmake kam. Ibailiu le geti kam simakope loto pat putuituimuan, kenanen taanai sikukru kam.

Mik. 2:11

Nuoba' kam nabi sioba paboko samba pataju samba sioba masitoggaiji bule ibara anggur samba lo simapuinengen simalilimai.”

Zakh. 13:3

Keai pei le geti sia sikua tubuna, sisegeake patonekat Tuhan, ukkui samba inania te geti masikua ka tubunia, bui ta tuukumake ukuman matei, aipoi sitiboakenennia ia te boko le. Kebai ikau tubunia sibailiu nabi leuet, punurangannia ukkui samba inania teret matei.

5Mos. 28:25

Ke ta mareddet kam kai Tuhan Taikamanuamui, obaakenangan numakala kam si Tuhan ka tai saggakmui. Bela kam simakere nuei kam pasaggak, tapoi pusabumuian kalulut lotomui. Sangamberi bangsa ka polak muloto le geti sia raitco katai uktukmui.