Jer. 20:16 - BUKO SIPUNENAN

¹⁶ Muaili te' ka gogoi nene kele ka sangamberi laggai sikataiakenen Tuhan ka tatat nuntut baga! Iarepi le' gerei kateteret simanceman samba gau'gau' ka teteret sina'go'!

Jer. 20:16 Iomraidhean Croise

Jer. 18:22

Eddangannia imaarep katsi ka sangamberi lalepda, Ke'bai sinulut Nubaraake mungkuat sipasiraraurau katubutda! Aipoi aragaigaian uggungan masilaba' aku, samba aragalaian sesere masisere rereku.

Jer. 18:8

Tapoi ke'bai bangsa katubut kasei pa' Kukua kise aibauakean paatuatnia ka katainia, iageti oleinanganbagaKu, kalulut Aku pugejaatbaga sipinaatuaKu nenda katubutda.

Jer. 23:14

Tapoi katalagatda tai nabi Jerusalem Aku itco ai galai tubu kalotoakenen simakope katai: paelet le' sia samba muparoboat sitaimaroipo; raparon le' paatuat sangamberi sirimanua sigalai katai, bailiu berisara sia sirimanua sioba masibauake paatuat ka pukakatainia; sangamberitda aibailiuan le' kele Sodom kaKu samba sipulaggai kele Gomora le'.”

Jer. 26:13

Kalulut nenda, paerukam paraboatmui samba galaitubumui, samba arepikam ngangan Tuhan Taikamanuamui, bailiu oleinanganbagania si Tuhan pagalaiat pugejaatbaga akenenNia katubumui.

Jer. 4:19

Ero, kaddukatku, kaddukatku! Mukatsi le' aku kalulut besi! Ero, teinungku! Murukduk le' teinungku, ta' momoi kupumengmeng, aipoi kuarep le' ipunau pipiau, pasogaiat pasaggak.

Sou. 4:6

Paamianku atuukumakean masane peile bele peile ka sipulagai ka Sodom ka sangapeipeikat mata makatainangan kalulut kabei Taikamanua, ta kalulut kabei sirimanua.

Jehz. 21:22

Ka kabei sikattoetnia bele le silogui putatawa pagalaiat Jerusalem: bule tupaarepmaake ngangan sirimanua sipamamatei samba sisogaake gerei pasaggangan, bule ipagalak pasitukklut matatbaliu samba masitabbui polak ibailiunia irip pasialougat samba masirioake kekre pasialougat.

Hos. 10:14

oto taikaumamui iorak le pasaggangan, samba sangamberi irip laggaimui geti tupakakatai le'. Pagalaiatnia geti kele ka gogoi Rimata Salman sipulalaggai Bet-Arbel, kalulut anugalaian kam pukakatai sabeu. Kapatokat, rueinia peile aitutadda pasaggangan, mateinangan geti rimatamui.”

Hos. 11:8

Kuanangan si Tuhan, “Ale kam tai Israel, ta'momoi le kuobaake ekeu ele kukaddiuake ekeu. Momoi pa kusubuake ekeu kele si Adma, ele kugalaiake kele si Zeboim? Ta'iaili patuatku kugalaiake kele pagalaiat nenda, kalulut nuntut bagakku katubum makope beunan.

Hos. 13:14

Bangsa nene geti ta'kuaarauake sia kageget kamateiat, ale kamateiat, karapakean besinu! Galaiakean galaiakenennu masipasabu nenda! Ta'an kupunununtuki baga minca bangsa nene.

Ams. 1:14

Kuobekngake le obengan ka bagat irip laggai Raba, bailiu purimataatnia labonangannia itata', sialei gerei keteteret pasaggangan, sialei rusa talabari kateteret kasou baliok.

Ams. 2:2

Kukakau le geti obengan ka laggai Moab, bailiu purimataat Keriot labonanngannia itata; Matei le geti tai Moab kabagat pugaugaupat, sialei gorat baga kateteret ipunau pipiau;

Ams. 4:11

Aku pabailuan sangamberi laggai ka talagamui, kele aipabailu Taikamanua Sodom samba Gomora, pat bailiunangan kam kele legei loina siala ka obengan, tapoi ta atotoili kam katubukKu,” kise te' ngangan Tuhan.

Jon. 3:4

Gurukinangan leu laggai sabeu nenda si Jona samba lepat aienunginia sangagogoi, taddaakenangan masikua ka tai Niniwe, kuanangan, “Aile epat puluh ngagogoi, imaanau Niniwe nene!”

Jon. 4:2

Iageti panindounangan, “Oi Tuhan, akukuangan tebai siboiki aipeile aku ka laggai kabaraiatku, aipoi bulat nugagalai le kele nene. Iate paluluatnia akutuitui masialiake Spanyol? Kuagaipoi Ekeu le Taikamanua Sipulu nuntut baga samba sipulu katet baga, simaom baga samba simaleppe baga samba simatarek masisaili galaiakenen pasiukuman.

Zep. 1:16

kasanganantat gogoi nenda maarep ngangan pipiau samba katsiddra sipasasaggak sisaggangi laggai sibara kekre bukku samba sibara kudduat pujagoat simabuak.

Zep. 2:9

Ka onin Aku Sipuririmanua, Taikamanuan bangsa Israel, Kutataake le tai Moab samba tai Amon kele tai Sodom samba tai Gomora ibailiu le sumur-sumur garam samba timbunan karagatat teret buruburu tutukinangannia parou. Sipulelegei sapamianKu sibebela masiraurau geti sikudduijinia samba oppurangan leu polakra tai moab samba tai Amon.

Luk. 17:29

Tapoi ka gogoi katuituiat Lot ka Sodom, bele ibele api samba belerang sibara ka manua, masuburangan sangamberida.

5Mos. 29:22

Ka gogoi sibabara, raitco geti sapunuteteumui samba siooiake sibara ka kupkumen laggai ka sareunan pugejaat baga samba pangoringan siaket Tuhan ka kupkumen laggaimui.

5Mos. 29:23

Sangamberi monemui bailiunangannia polak simagarak, tabbonangannia belerang samba garam. Polaknia ta an momoi itupauremi samba puo ta mututu'tu sedda. Laggaimui bailiunangannia geti kele Sodom samba Gomora, Adma samba Zeboim sisubuakenen Tuhan ka teteret aibara golunia simakope.

2Ptr. 2:6

Samba laggai Sodom samba Gomora aisubuake Taikamanua labo anau masiukumake sia samba masibailiuake repdemen ka sia sitaimareddet ka Taikamanua ka tetere sibabara;

Jud. 1:7

kele Sodom samba Gomora samba laggai ka bebenia, sigalaiake kele sigalaira samalaika masigalaiake puumunan samba masitut pubotbonan tubu sikatai, araorikngan paoreat api sitaipepee sibailiu repdemen ka sangamberi sirimanua.