Jer. 2:26 - BUKO SIPUNENAN

²⁶ Kele imaila sipanananggkou kateteret ituailinia, kise te' imaila muntogat Israel, iate tai rimatania, sikebbukat laggainia, tai Imamnia samba tai nabinia,

Jer. 2:26 Iomraidhean Croise

Ezra 9:7

Baranangan ka teteret ka taikebbukatmai aili kineneiget, majo kai ka tubum paamianNu. Iate lulunia tukalaake kai, tai rimata, samba leu tai imammai sia rimatadra bangsa bagei, tumateiake kai, turaurau samba tuabbit kai bailiu tangsiakenen. Atupaloloian kai simakope, kele sipuaaili ka gogoi nene.

PSALMEN 97:7

Sangamberi sirimanua sipanindogi tularat rasilo le geti puailaat, kisedda leu sibuakake tubunia kalulut bulungan siboboi; sangamberi taikamanua murekkuk manindou katubuNia.

Jes. 1:29

Bulatnia te, nusilo te kam puailaat kalulut sangamberi loina sabeu suruketmui obaket bagamui; samba maailamuian kalulut sangamberi monen bulungan sipilimui.

Jes. 44:11

Bulatnia te, sangamberi sipasitutnia rasilo le geti puailaat, samba sigalainia iate sirimanua le. Eddangan raparuru samba rapurio! Mugeret le tubutda samba rasilo aila simakere.

Jes. 44:9

Sangamberi sirimanua sigalai tularat, sangamberinia siboboi le, samba sangamberi bibilet kilibet bagatda nenda taanai katukaunannia. Sangamberi sibuluiji tularat nenda ta raitco mata samba ta raagai aponia pa; kalulut nenda rasilo le puailaat.

Jer. 2:36

Makope le' labbei nuitco masisili galai tubum! Ia leuet kalulut Misir ibailiu numaila kele anumaila kalulut Asyur.

Jer. 22:22

Sangamberi sirimanua sipasijago kam itataake geti rusa simapiret, samba sangamberi simanuntubagam tuambit geti itukabe'. Kateteret nenda geti ibailiu le' ekeu maaila samba malolit kalulut sibara kasangamberi pukakatainu.

Jer. 32:32

kalulut senengamata pukakatai sigalaira tai Israel samba tai Jehuda sibaraake besit paatuatKu, kalulut sia, tairimatatda, sangamberi siukebbukatda, tai imamda, tai nabitda, tai Jehuda samba sipulalaggai ka Jerusalem.

Jer. 4:9

“Kateteret nenda, kise te ngangan Tuhan, rimata samba sikebbukat laggai geti sapru puroron; tai imam geti mugeret tubu le' samba tai nabi mukisei kabaga le',

Jer. 48:27

Ta' pa tai Israel araga'gatingan sia tai Moab samba ratiboi sia kelean le arasese sia pasamba sipananangkou?

Jehz. 16:54

bule nubairat puailaatnu samba bule numaila kalulut sangamberi sigalainu, pat bailiunangan leu ekeu pusuibiat bagatda.

Jehz. 22:26

Tai imamda masipaelet SurukatKu samba masipalolit simapunenan Kaku, ta arapaggei sipunenan samba ta sipunenan, ta aragelaiake pabaggeiat simalolit samba simalina, ratabbo le matatda ka sangamberi gogoi SabatKu. Kise te arapalolit Aku katalagatda.

Zakh. 5:4

Si Tuhan Sipulugege masikua, pateleijat nenda tuorakngake le geti ka lalepdra senen sipananangkou samba ka lalepdra senen sirimanua sipususuppa ta sibulatnia. Sangamberi lalep nenda riuriu le iorak pateleijat nenda teret katai.”

ROMA 6:21

Buat apa anusilo kam sedda? Sangamberinia nene sikau kam maila kineneiget, aipoi kalepakat sangamberinia nene ia te kamateiat.